1 Timoteo 1:18 - Kaqchiquel Bible

¹⁸ Y rat Timoteo ri at achi'el nuk'ajol, ninbij k'a chawe chi man tamestaj ri kibin kan pan awi' ri rusamajela' ri Dios. Tatija' k'a aq'ij naben ri samaj achi'el jun utzilej aj-labal.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Y rat Timoteo, ri kin rat achel nukꞌajol roma ataqin ri Cristo, nichilabꞌej chawa chi tatzijoj nojel re nubꞌiꞌin chawa. Ma tamestaj ri tzij kibꞌiꞌin pa awiꞌ ri hermanos ri ngeqꞌalajrisan ri ndubꞌij pe ri Dios pa kánima. Rikꞌin ri tzij riꞌ tawilaꞌ ruchuqꞌaꞌ ri awánima chin ndabꞌen ri utzulej rusamaj ri Dios ri ruyoꞌon chawa chin ndabꞌen.

Kaqchikel Santa Maria de Jesus

¹⁸ Y atreꞌ Timoteo can at incheꞌl nucꞌajuol, niꞌej chava: Man timastaj chava ri bꞌeꞌn can chavij atreꞌ cuma ri hermanos ri xquiꞌej ri xꞌeꞌx chica ruma ri Dios. Xa can tatijaꞌ akꞌij chi naꞌan ri samaj ri bꞌeꞌn can chava chi naꞌan, can incheꞌl nuꞌon jun utzulaj soldado.

Kaqchikel Central Guatemala

¹⁸ Y rat Timoteo at achi'el nuc'ajol, ninbij c'a chave chi man tamestaj ri bin can coma ri kach'alal chi xatoc jun rusamajel ri Dios. Y ri' xa can bin chique rije' roma ri Dios. Man c'a tamestaj. Xa can tatija' ak'ij naben ri samaj ri bin can chave chi naben, can achi'el nuben jun utzilej soldado.

Re C'ac'a Testamento pa Kach'abal

¹⁸ Y rat Timoteo yat ancha'l nuc'ajol, nimbij chava che man tamistaj re bin can coma re hermanos che xatoc jun rusamajel re Dios. Y re' ja re Dios re xbin chique reje'. Man c'a tamistaj, xa can tatija' ak'ij naban re samaj re bin can chava che naban, can ancha'l nuban jun utzulaj soldado.

Kaqchikel Western Solola

¹⁸ Y riyit Timoteo ri can yit achi'el nuc'ajol, nbij c'a chawe chi man c'a tamestaj ta ri bin ca cuma ri kach'alal chi xatoc jun rusamajel ri Dios. Y ri' can ya wi ri Dios ri xk'alajsan chiquiwech riye'. Man c'a tamestaj ta. Xa can tatija' ak'ij chi naben ri samaj ri bin ca chawe chi naben, can achi'el nuben jun utzilaj soldado.

1 Timoteo 1:18 ပူးပေါင်းရင်းမြစ်များ

1 Timoteo 4:14

Richin keri' man tamestaj ri xusipaj ri Dios chawe ri yatikir naben. Y re' jare' xak'ul toq ri uk'uey kichin ri qach'alal xkiya' kiq'a' pan awi' y xkibij chi xatok jun rusamajel ri Dios.

1 Timoteo 6:20

Y rat Timoteo, tachajij k'a ri samaj ri ya'on chawe. Man ke'ak'ul ri tzij ri xa man rik'in ta ri Dios e peteneq-wi, ri xa e richin re ruwach'ulew, y xa man jun nikik'en-pe chawe. Ri winaqi' ri yebin keri', nikibij chi k'o etamabel kik'in jak'a xa man keri' ta.

Filipenses 2:22

Jak'a rix kan iwetaman chik k'a chi ri qach'alal Timoteo kan yalan-wi utz. Iwetaman chik chi rija' okineq achi'el nuk'ajol, roma samajineq wik'in richin qaq'alajirisan ri utzilej ch'abel richin kolotajik.

2 Timoteo 4:7

Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.

1 Timoteo 1:2

Ninben el re wuj re' chawe rat Timoteo, ri kan at achi'el nuk'ajol, roma kan akuquban ak'u'x rik'in ri Jesucristo. Xtik'oje' ta k'a pan awánima, ri utzil, ri joyowanik y ri uxlanen ri peteneq rik'in ri Qatata' Dios y rik'in ri Cristo Jesús ri qajaw.

2 Timoteo 1:2

Ninben k'a el re wuj re' chawe rat, Timoteo, ri at achi'el nuk'ajol y janila yatinwajo'. Xtik'oje' ta k'a pan awánima ri utzil, ri joyowanik y ri uxlanen ri peteneq rik'in ri qatata' Dios y ri qajaw Jesucristo.

1 Timoteo 4:4

Ronojel ri ruk'iytisan ri Dios, kan e utz wi, roma ri' man jun tibin chi k'o ri man ta utz richin yetij. Xaxe nik'atzin chi nimatioxix chire ri Dios ronojel.

Filemón 1:10

Nink'utuj utzil chawe pa ruwi' ri Onésimo, ri achi'el nuk'ajol, roma rija' xukuquba' ruk'u'x rik'in ri Jesucristo re wawe' pa cárcel toq yin xintzijoj ri kolotajik chire.

Tito 1:4

Y ninben k'a el re wuj re' chawe rat, Tito, ri at achi'el nuk'ajol roma akuquban ak'u'x rik'in ri Jesucristo. Ri utzil, ri joyowanik y ri uxlanen ri peteneq rik'in ri qatata' Dios y qakolonel Jesucristo xtik'oje' ta k'a ri pan awánima.

Hechos 16:1

Ri Pablo y ri Silas xe'apon k'a ri pa Derbe y k'ari' xebe pa Listra. Ri chiri' k'o jun qach'alal ala' rubini'an Timoteo, y ri rute' jun israelita ri kan rukuquban ruk'u'x rik'in ri Jesucristo, jak'a ri rutata' aj-Grecia.

1 Corintios 4:17

Roma ri' xinteq-el ri qach'alal Timoteo iwik'in, richin nunataj chiwe ri achike rubanikil ri k'aslen rik'in ri Cristo. Yin yalan ninwajo' ri Timoteo, y rija' kan achi'el walk'ual. Y achi'el xtubij rija' chiwe chi nik'atzin chi rix nik'uaj jun k'aslen utz, keri' chuqa' ninbij yin chike konojel ri molaj qach'alal.

1 Corintios 9:7

¿K'o kami jun aj-labal ri xa man nitoj ta y ja ri ruméro rija' ri nukusaj? ¿K'o kami jun achin ri rutikon-qa uva ri xa man ruk'amon ta chi ja rija' nitijo juba' ri ruwech? ¿K'o ta chuqa' kami jun yuq'unel ri xa man nuqum ta juba' ki-leche ri rawej?

1 Timoteo 1:5

Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.