1 Timoteo 1:17 - Kaqchiquel Bible

¹⁷ Roma ri' niqaya' ruq'ij-ruk'ojlen ri Dios richin jantape'. Ja rija' ri rey pa qawi' qonojel roj richin tibe-q'ij tibe-seq. Rija' man kamel ta y man tz'etel ta xaxe rija' ri Dios. Keri' ta k'a.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Romariꞌ, ¡kin ta jumul xtiyoꞌox ruqꞌij ri Dios ri kin Rey wi chin jumul. Rijaꞌ ma nditzꞌetetej ta y jumul kꞌo rukꞌaslen y kin xe wi rijaꞌ Dios! Amén.

Kaqchikel Santa Maria de Jesus

¹⁷ Rumareꞌ kayaꞌ rukꞌij ri Dios richin nojiel tiempo. Jajaꞌ ri Rey richin nojiel tiempo. Jajaꞌ man nicon ta. Jajaꞌ man nitzꞌiet ta, pero cꞌo. Joꞌc jajaꞌ ri Dios cꞌo y riqꞌuin jajaꞌ cꞌo-ve nojiel noꞌj. Y jajaꞌ ri tiyoꞌx rukꞌij y ru-gloria richin nojiel tiempo. Amén.

Kaqchikel Central Guatemala

¹⁷ Romari' nikaya' ruk'ij-ruc'ojlen ri Dios richin jantape'. Ja rija' ri Rey pa kavi' konojel chupan re janipe' tiempo re benek. Rija' man camel ta. Rija' man tz'etel ta. Xaxe rija' ri Dios y nimalej etamanel. Y ri Dios xtuc'ul ta c'a ruk'ij richin jantape'. Que ta c'a ri'.

Re C'ac'a Testamento pa Kach'abal

¹⁷ Mare' nakaya' ruk'ij re Dios chin nojel tiempo. Ja reja' re Rey re pa'al pa kave' chin nojel tiempo. Reja' man jun bey xticom. Reja' man nitz'et-ta. Xaxe reja' re Dios y rutaman ronojel. Y ja-ta c'a re Dios xtiya' ruk'ij chin nojel tiempo. Amén.

Kaqchikel Western Solola

¹⁷ Ri Dios can ya Riya' ri Rey riche (rixin) ronojel tiempo re benak, Riya' ma camel ta, ni ma tz'etetel ta, y xaxu (xaxe) wi Riya' ri Dios y nimalaj etamanel. Can ta xtiya'ox (xtya') ruk'ij ruc'ojlen Riya' riche (rixin) xtibe k'ij xtibe sek. Amén.

1 Timoteo 1:17 ပူးပေါင်းရင်းမြစ်များ

Judas 1:25

Chire rija' ronojel k'ojlemal, uchuq'a' y q'atbel-tzij roma ri qakolonel Jesucristo, ri rubanon-pe, re wakami y keri' tibe-q'ij tibe-seq. Kan keri' ta k'a.

Apocalipsis 19:1

Y chirij ronojel re', xinwak'axaj k'a kich'abel janila chi winaqi' ri niwajin chila' chikaj, ri kan rik'in uchuq'a' nikibij: Tinimirisaj rubi' ri qajaw Dios, roma rik'in rija' peteneq-wi ri kolotajik, richin rija' ri uchuq'a', y ronojel ruwaq'ijaj y k'ojlemal.

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.

Romanos 1:23

Pa ruk'exel chi nikiya' ta ruq'ij-ruk'ojlen ri k'aslik Dios, xa nikiya' kiq'ij ri kiwachibel winaqi' ri xa yeken, kiwachibel ri aj-xik' taq chikopi', y ri chikopi' e jepejeq.

Wuj Richin Bix Chire ri Dios 45:6

Ri awajawaren kan ja ri Dios xya'on pan aq'a' richin q'asen. Kan ja rat xkaq'aton-tzij pa ruchojmilal.

Apocalipsis 19:6

Y xinwak'axaj chi ri ch'abel ri niwajin ri chikaj, kan achi'el yewajin raqen taq ya', y chuqa' achi'el niq'ajan ri koqolajay. Y nikibij: Tinimirisaj rubi' ri ajaw ri qa-Dios, ri kan k'o ronojel uchuq'a' rik'in, roma ja rija' ri niq'aton-tzij.

1 Juan 4:12

Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.

San Juan 1:18

Kan man jun k'a wineq ri tz'eteyon ta richin ri Dios, xa kan xaxe ri ruk'ajol ri tz'eteyon richin. Ri Dios xaxe ri juney ruk'ajol k'o y janila nrajo'. Jari' ri xoq'alajirisan-qa ri Dios chiqawech re wawe' chuwach'ulew.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

Wuj Richin Bix Chire ri Dios 90:2

Kan ja toq k'a man jani kebek'ulun-pe ri nima'q taq juyu', toq k'a man jani taben ri ruwach'ulew y ronojel ri k'o chuwech, kan jampe' ri q'ij peteneq, tibe-q'ij tibe-seq, kan xaxe wi rat ri at Dios.

Wuj Richin Bix Chire ri Dios 10:16

¡Jehová, ja rat at qa-rey richin q'asen! ri man yatkitzeqelibej ta, xa xkek'is jumul.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Apocalipsis 7:12

y xkibij k'a: ¡Kan keri' wi! Ronojel urtisanik, k'ojlemal, etamabel, matioxinik, ruwaq'ijaj y uchuq'a' kan chire k'a ri qa-Dios tiya'ox-wi. Kan keri' wi, yecha'.

2 Pedro 3:18

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.

1 Pedro 5:11

Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

Hebreos 11:27

Kan kuqul-wi k'a ruk'u'x rik'in ri Dios toq xel-pe pan Egipto. Y roma kan achi'el rutzuliben ri Dios ri man tz'etel ta, roma ri' man xuxibij ta ri' chuwech ri royowal ri rey.

Romanos 16:27

Xaxe jun Dios k'o y rik'in rija' k'o-wi ronojel etamabel. Tiqaya' k'a ruq'ij-ruk'ojlen rija' richin jantape'. Xaxe roma ri Jesucristo yojtikir niqaya' ruq'ij ri Dios. Kan keri' ta k'a.

Romanos 11:36

Roma ja rija' ri xbanon ronojel. Kan rik'in wi k'a rija' e peteneq-wi, y ronojel re xeruben, richin chi nikiya' ruq'ij-ruk'ojlen. Kan tinimirisex k'a ruq'ij ri Dios richin jantape'. Keri' ta k'a.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Romanos 1:20

Ri Dios man tz'etel ta. Jak'a ri ruwach'ulew y ri ch'aqa' chik ri xeruben, ri' e tz'etel, y jari' ri yeq'alajirisan ri Dios chikiwech. Kan pa rutikeribel-pe re ruwach'ulew kiq'alajirisan-pe chi k'o jun Dios y k'o ruchuq'a' ri man k'isel ta. Roma ri' ri winaqi' ri' kan man xketikir ta xtikibij chi rije' man ketaman ta chi k'o jun Dios.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Wuj Richin ri Malaquías 1:14

Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Dn 7:14

Kan xya'ox k'a uchuq'a', ruwaq'ijaj y ajawaren chire. Konojel k'a ri winaqi', ri e richin chijun ri tinamit, ri ruwach'ulew y ri jalajoj ruwech ri kich'abel kan k'o chi nikisamajij. Ri ruq'atbal-tzij rija' kan richin k'a q'asen, y ri rajawaren kan man jun k'a xtiwulan richin.

Dn 4:37

Wakami k'a, yin Nabucodonosor, kan ninya' k'a ruq'ij y ninnimirisaj ri Dios ri niq'aton-tzij chila' chikaj, roma ronojel ri nuben rija' kan jari' ri qitzij, y kan pa ruchojmilal-wi. Rija' kan nuqasaj k'a kiq'ij ri janila kinimirisan-ki' chuwech rija', xcha' ri Nabucodonosor.

Dn 4:34

Jak'a toq xtz'aqet ri juna' ri janipe' xq'at pa nuwi', jari' toq yin Nabucodonosor xtzolej-pe nuk'u'x, y kan jari' xich'obon chik achi'el yech'obon ri winaqi'; y jari' k'a toq yin xinnimirisaj ruq'ij ri nimalej Dios. Xinya' ruq'ij ri kan jantape' k'es y kere' k'a ri xinbij: Ri ruchuq'a' ri aq'atbel-tzij rat nimalej Dios, kan richin q'asen, ri awajawaren kan xtik'oje' k'a pa kiwi' ri chi wiq chi tanaj winaqi'.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Wuj Richin Bix Chire ri Dios 145:13

Ri awajawaren kan richin k'a tibe-q'ij tibe-seq. Ri aq'atbel-tzij rat Jehová kan kichin k'a konojel sol winaqi'.

Wuj Richin Bix Chire ri Dios 106:48

Nimalej aq'ij Jehová ri qa-Dios; kan keri' k'a tibe-q'ij tibe-seq. Qonojel roj tiqabij: Kan keri' wi, tinimirisex ruq'ij ri Jehová.

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Wuj Richin Bix Chire ri Dios 57:11

¡Nu-Dios yin, kan tinimirisex k'a aq'ij pa ruwi' ri kaj. kan chuwech k'a chijun ri ruwach'ulew, tiq'alajin ri ak'ojlemal!

Wuj Richin Bix Chire ri Dios 45:1

Kan nalex k'a pe pa wánima re utzilej bix re', y ninwajo' ninbixaj chire ri rey. Ri waq' kan achi'el k'a jun tz'ibabel richin ri más utz tz'ibanel.

Wuj Richin Bix Chire ri Dios 41:13

Nimalej ruq'ij-ruk'ojlen ri Jehová ri qa-Dios, tibe-q'ij tibe-seq, kan keri' wi; ja' kan keri' wi.

San Juan 5:44

Rix xa man nikanoj ta iq'ij rik'in ri qitzij Dios, y xa kik'in winaqi' nikanola-wi. Roma ri' man yixtikir ta nikuquba' ik'u'x wik'in yin.

Romanos 2:10

Jak'a konojel winaqi' ri yebanon utz, ri Dios xtunimirisaj kiq'ij, y xtik'oje' uxlanen pa taq kánima. Y ja ri nuwinaq ri nabey xtiban keri' chike, y k'ari' ri man e nuwinaq ta,

Hebreos 2:7

Xaben chire chi más juba' xqaqa ruq'ij chikiwech ri ángel; jak'a kan xaya' ruq'ij ruk'ojlen.