1 Timoteo 1:16 - Kaqchiquel Bible

¹⁶ Jak'a ri Jesucristo xujoyowaj nuwech richin nuk'ut chikiwech ri winaqi' chi janila rukoch'onik, richin nuk'ut chikiwech ri xtikikuquba' kik'u'x rik'in, chi xabachike ta rubanik ri kimak, xkerukuy richin nikil ri k'aslen ri man k'isel ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Pero maske santienta numak, ri Cristo Jesús xujoyowaj nuwech y xukuy numak. Y keriꞌ ndukusaj chi ejemplo ri nukꞌaslen chin ndukꞌut chikiwech ri wineq ri xketaqin richin, chi layaj eroyobꞌen chin ndikiyaꞌ kan ri kimak y ndikiyaꞌ kánima rikꞌin, chin keriꞌ nduyaꞌ ri kꞌaslen ma ndikꞌis ta chake.

Kaqchikel Santa Maria de Jesus

¹⁶ Pero mesque can itziel ri i-nubꞌanun-pa, ri Jesucristo xujoyovaj noch y xuꞌon perdonar ri nu-pecado, chi quireꞌ xucꞌut chiquivach ri vinak chi jajaꞌ cꞌo qꞌuiy ru-paciencia. Jajaꞌ xuꞌon perdonar ri nu-pecado inreꞌ, chi quireꞌ nucꞌut chiquivach ri vinak ri xtiquinimaj chi jajaꞌ can xtuꞌon perdonar ri qui-pecados chi niquil ri cꞌaslien ri man niqꞌuis ta.

Kaqchikel Central Guatemala

¹⁶ Pero stape' janíla itzel ri numac yin, ri Jesucristo xujoyovaj nuvech y xucuy numac. Richin xuc'ut chiquivech ri vinek chi janíla rucoch'onic. Xucuy numac yin richin nuc'ut chiquivech ri vinek ri xqueniman richin, chi xabachique ta rubanic ri quimac, xquerucuy richin niquil ri c'aslen ri man q'uisel ta.

Re C'ac'a Testamento pa Kach'abal

¹⁶ Pero astapa' camas q'uiy re numac yen, re Jesucristo xujoyovaj noch y xucuy numac. Chin xuc'ut chiquivach re vinak che camas nicoch'on. Xucuy numac yen chin nuc'ut chiquivach re vinak re xque'niman richin, che xabanchique re quimac, can xque'rucuy chin niquivel re c'aslen re man niq'uis-ta.

Kaqchikel Western Solola

¹⁶ Pero astape' ta na chi q'uiy ri numac riyin, ri Jesucristo xujoyowaj nuwech y xucuy numac riche (rixin) chi xuc'ut chiquiwech ri winek chi Riya' sibilaj nicoch'on. Xucuy numac riyin riche (rixin) chi xinoc jun c'ambel na'oj chiquiwech ri winek ri xqueniman riche (rixin), chi xabachique ta na rubanic ri quimac, xquerucuy riche (rixin) chi niquil ri c'aslen riche (rixin) xtibe k'ij xtibe sek.

1 Timoteo 1:16 ပူးပေါင်းရင်းမြစ်များ

1 Timoteo 1:13

Ri ojer, xich'on itzel chirij stape' rija' kan Dios y xenya' pa tijoj-poqonal ri winaqi' ri yetzeqeliben richin, stape' keri' ri Dios xujoyowaj nuwech, roma yin ri chiri' man wetaman ta ri ninben, y man jani nukuquban nuk'u'x rik'in ri Jesucristo.

Efesios 2:7

Keri' xuben roma nrajo' nuk'ut chi janila nim ri rutzil. Y yalan utz nuben qik'in roj ri qakuquban qak'u'x rik'in ri Cristo Jesús. Nrajo' nuk'ut ri utzil ri' chupan ri q'ij ri peteneq chiqawech-apo.

San Lucas 7:47

Roma ri' ninbij chawe rat, Simón, chi re ixoq re' xkuyutej ri janila rumak. Roma ri' janila nrajo' ri xkuyu ri rumak. Jak'a ri xa man k'iy ta ri rumak ri xekuyutej, xa man kan ta nrajo' ri xkuyu ri rumak, xcha'.

2 Pedro 3:15

Y toqaqa k'a chi'ik'u'x chi ri Jesucristo man jani tipe, roma rija' k'a nim na ránima qik'in. Y roma ri' k'a ruya'on na q'ij chiqe qonojel winaqi' chi yojkolotej. Y ri qach'alal Pablo ri janila niqajo', kan kere' chuqa' ri rutz'iban-el chiwe, kan achi'el ri ruq'alajirisan ri Dios chire rija'.

2 Pedro 3:9

Ri ajaw man jani nipe. Jak'a man roma ta man nuben ta ri rubin. Rija' xa k'a nim na ri ránima qik'in, y man nrajo' ta k'a chi k'o ta jun ri nisach richin jantape'. Y roma ri' kan k'a ruya'on na q'ij chike ri aj-maki' richin nitzolin-pe kik'u'x rik'in.

Wuj Richin Bix Chire ri Dios 25:11

Jehová, roma ri awajowabal tabana' utzil takuyu' ri numak, ri kan janila nim.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

San Juan 20:31

Jak'a ri e tz'ibatel kan, kan e tz'ibatel richin chi rix tinimaj k'a chi ri Jesús jari' ri Cristo ri ruk'ajol ri Dios. Y toq xtinimaj, xtik'ul ri ik'aslen ri man k'isel ta, roma kan xikuquba' ik'u'x rik'in.

San Juan 3:36

Achike k'a ri nukuquba' ruk'u'x rik'in re k'ajolaxel re', k'o ruk'aslen ri man k'isel ta. Jak'a ri man nikajo' ta nikikuquba' kik'u'x rik'in, man k'a xtik'oje' ta kik'aslen. Kan ek'o chik k'a richin niqaqa ri royowal ri Dios pa kiwi'.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Hechos 13:39

Roma ri pixa' richin ri Moisés man nitikir ta nuben chiwe chi man jun imak nik'ulun chuwech ri Dios. Jak'a konojel k'a ri nikikuquba' kik'u'x rik'in ri Jesús, man jun k'a kimak xkek'ulun chuwech ri Dios.

San Juan 6:54

Ri kan xtikitej k'a ri nuch'akul yin y xtikiqum chuqa' ri nukik'el, kan k'o-wi k'a ri kik'aslen richin jantape'. Y yin kan xtinben k'a chike chi xkek'astej-el chikikojol ri kaminaqi', ri pa ruk'isibel q'ij.

San Juan 6:40

Roma ri nata', ri taqayon-pe wichin, nrajo' chi nikil ri k'aslen konojel ri yetz'eton ri nusamaj, y chi nikikuquba' chuqa' kik'u'x wik'in. Y yenk'asoj-el chikikojol ri e kaminaqi' chupan ri ruk'isibel q'ij, xcha'.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Wuj Richin ri Isaías 43:25

Ja yin ri yiyojon ronojel ri imak roma xinjikiba' nutzij. Roma ri' kan man xtoqaqa ta chik chinuk'u'x ri imak.

Wuj Richin ri Isaías 1:18

Kixanpe richin yojch'on pa ruwi' re': Stape' ri ik'aslen man ch'ajch'oj ta achi'el jun tz'il laj tzieq, yin kan xtinben seq-seq chire achi'el ri chuma-tew. Stape' ri imak kan xujel ri ik'aslen achi'el jun seq tzieq xok keq, yin kan xtinben chik seq chire achi'el ri lana seq.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

2 Tesalonicenses 1:10

Ronojel re' xtibanatej chupan ri q'ij toq xtipe ri ajaw, richin xtuk'ul ruq'ij-ruk'ojlen koma ri loq'olej e richin rija' y xtikimey janila. Rix chuqa' xtiben kere' roma kan xinimaj ri ruch'abel ri Dios ri xqabij chiwe.

Efesios 1:12

Pa nabey xojrucha' roj richin xqakuquba' qak'u'x rik'in ri Cristo, roma xrajo' chi qoma roj ninimirisex ri rubi' y nuk'ul ruq'ij-ruk'ojlen.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

2 Corintios 4:1

Roma ri' roj man yojq'itej ta chubanik ri rusamaj ri Dios ri ruya'on chiqe roma ri rutzil.

Romanos 15:4

Y ronojel ri ruch'abel ri Dios ri tz'iban kan ojer, e tz'ibatel kan richin chi k'o niqetamaj. Kan nuben-wi chiqe chi yojkoch'on y niqakuquba' más qak'u'x chiroyobexik ri rutzil ri Dios.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 5:24

Roma kan qitzij wi ri ninbij chiwe, chi ri nak'axan ri nuch'abel y nukuquba' ruk'u'x rik'in ri taqayon-pe wichin, nril ruk'aslen ri man k'isel ta. Man k'a xtapon ta chupan ri ruk'ayewal, roma kolotajineq chik chuwech ri kamik, richin xuk'ul ri qitzij k'aslen.

San Lucas 23:43

Ri Jesús xubij k'a chire: Qitzij k'a ninbij chawe, chi kan ja re wakami xkabek'oje' wik'in ri akuchi k'o kikoten, xcha' ri Jesús chire.

San Lucas 15:10

Kan qitzij k'a ninbij chiwe, chi toq k'o jun ri man nutzeqelibej ta ri pixa' richin ri Moisés nitzolin-pe ruk'u'x rik'in ri Dios, k'o janila kikoten chikiwech ri ángel, xcha' ri Jesús.

2 Crón 33:19

Chuqa' ri ruch'owen rik'in ri Dios, y toq xak'axatej ronojel ri rumak ri xuben toq man xunimaj ta rutzij ri Dios, keri' chuqa' toq xeruben ri akuchi xkiya-wi kiq'ij ri wachibel ri pa ruwi' taq juyu', toq xeruben ri paban-che' richin Asera y ri ch'aqa' chik wachibel richin xuya' kiq'ij, y toq man jani tuqasaj-ri' chuwech ri Dios; ronojel k'a re' xtz'ibatej kan chupan ri kiwuj ri yetz'eton ri peteneq chikiwech.

Wuj Richin ri Q'axanri'il 23:3

K'ari' ri Balaam xubij chire ri Balac: Kak'oje' kan rik'in re akamelabal re kan chijun k'o chi nik'is, rokik chi yin yibe richin ninbentz'eta', wi rik'in juba' xtinbenk'ulu-wi' rik'in ri Jehová. Y wi rija' k'o ri xtuq'alajirisaj-pe chuwe, yin kan xtinq'alajirisaj chuqa' ronojel chawe rat, xcha'. Y k'ari' ri Balaam ruyon xbe k'a pa ruwi' jun juyu' ri kan man jun k'o chuwech.

Ex 34:8

Ri Moisés kan xaxe k'a xrak'axaj keri', kan jari' xxuke-qa, xuqasaj-ri' k'a pan ulew, richin xuya' ruq'ij ri Jehová.

1 Corintios 7:25

Y wakami ninwajo' yich'on k'a juba' chikij ri xtani'. Y ri ninwajo' ninbij chike rije', kan pa wánima k'a nipe-wi, roma ri ajaw man jun xuq'alajirisaj ta kan pa kiwi' rije'. Y ri xtinbij, kan k'o-wi k'a rejqalen y ruk'amon chi nikuquba' ik'u'x rik'in, roma ri ajaw xuya' ri rutzil chuwe richin ninbij.