1 Tesalonicenses 5:8 - Kaqchiquel Bible

⁸ Jak'a roj ri oj richin ri saqil, tiqana' jebel ri achike yeqabanala'. Kan tiqakuquba' qak'u'x rik'in ri Jesucristo, y qojajowan, achi'el nuben jun aj-labal ri nukusaj ri rutobal ruwa-ruk'u'x. Chuqa' k'o chi niqaq'et-qi' rik'in ri qach'obonik, achi'el ri aj-labal ri nukusaj rutobal rujolon.*f3*

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Pero roj ri roj richin ri qꞌij ri ndiseqresan, tiqabꞌanaꞌ nojel pa quxnaqil, tiqakuqubꞌaꞌ qakꞌuꞌx rikꞌin ri Cristo y tiqajoꞌ qiꞌ chiqawech, porque riꞌ ngojrutoꞌ chin ndiqabꞌen cuenta ri qánima, achel ndubꞌen jun perepik chꞌichꞌ chorukꞌuꞌx jun soldado. Y jumul chuqaꞌ tiqoyobꞌej ri qꞌij atoq ngojkolotej e chin jumul, porque riꞌ ngojrutoꞌ achel jun casco ndutoꞌ rujolon jun soldado.

Kaqchikel Santa Maria de Jesus

⁸ Pero ojreꞌ ri oj richin ri sakil, ruma kaniman ri Jesucristo, kaꞌnaꞌ pensar otz ri chica nakaꞌan. Can takacukubꞌaꞌ kacꞌuꞌx riqꞌuin ri Jesucristo y caꞌkajoꞌ quinojiel, chi quireꞌ nakaꞌan defender-kiꞌ incheꞌl nuꞌon ri soldado ri nuyaꞌ jun chꞌichꞌ choch rucꞌuꞌx, y siempre kanimaj chi ya xojcolotaj chupan ri ka-pecado, chi quireꞌ nakaꞌan defender-kiꞌ incheꞌl nuꞌon ri soldado ri nuyaꞌ jun casco pa rujaluon.

Kaqchikel Central Guatemala

⁸ Pero roj ri richin ri sakil, roma kaniman ri Jesucristo, tikana' jebel ri achique yekabanala'. Can tikacukuba' kac'u'x riq'uin ri Jesucristo, y kojajovan, richin man nikaya' k'ij chire ri itzel-vinek richin yojruch'ec. Achi'el nuben jun soldado, nucusaj jun ch'ich' chuva-ruc'u'x, richin nuto-ri' chuvech ri enemigo. Can jantape' tikacukuba' kac'u'x chi xojcolotej yan pe chupan ri kamac, richin man nikaya' k'ij chire ri itzel-vinek. Roj xa can tikabana' c'a achi'el nuben ri soldado, nucusaj jun ch'ich' pa rujolon (ruvi') richin man nuya' ta k'ij chire ri enemigo.

Re C'ac'a Testamento pa Kach'abal

⁸ Pero yoj re c'o chic re sakil kaq'uin, roma kaniman re Jesucristo, can takana' re andex ye'kabanala'. Can takabana' confiar-ki' riq'uin re Jesucristo, y man itzel takatz'at-ki', xa takajo-ki', chin man nakaya-ta k'ij cha re itzel chin yojruch'ac. Ancha'l nuban jun soldado, nuya' jun ch'ich' chuc'o'x chin nucol-ri' chach re enemigo. Y can nojel tiempo takayabej re k'ij chin tak xkojcolotaj-a jumul chach re mac, chin man nakaya-ta k'ij cha re itzel chin che yojruch'ac. Yoj xa takabana' ancha'l nuban re soldado cha re rujalom chin man niquiu-ta roma re enemigo.

Kaqchikel Western Solola

⁸ Yac'a riyoj ri yoj riche (rixin) ri sakil ruma kaniman chic ri Jesucristo, tikach'obo' c'a jabel ri achique yekabanala'. Can tikacukuba' kac'u'x riq'ui ri Jesucristo, y quekajo' quinojel. Ruma queri' rubanic riche (rixin) chi nikato' ki' chuwech ri kac'ulel. Achi'el nuben jun soldado, nucusaj jun ch'ich' chuwaruc'u'x riche (rixin) chi nuto' ri' chuwech ri ruc'ulel. Quec'ari' tikabana' riyoj achi'el nuben ri soldado, nucusaj jun ch'ich' pa rujolon (ruwi') riche (rixin) chi nicolotej chuwech ri ruc'ulel. Can tikacukuba' c'a apo kac'u'x chi xojcolotej yan.

1 Tesalonicenses 5:8 ပူးပေါင်းရင်းမြစ်များ

1 Pedro 1:13

Roma ri', rix tinaba-iwi', y tichajij jebel ri ik'aslen. Kan rik'in k'a ronojel iwánima tiwoyobej ri utzil ri xtijach chiwe toq xtok'ulun-qa ri Jesucristo.

Efesios 6:11

Kan tibana' k'a achi'el nuben jun aj-labal, ri richin nuto-ri', k'o ch'ich' ri yerukusaj richin rutobal. Y rix richin nito-iwi' chuwech ri Itzel-Wineq, tikusaj k'a ronojel ri ruya'on ri Dios chiwe richin itobal.

Wuj Richin ri Isaías 59:17

Ri Dios xukusaj ri ruchojmilal y ri ruchuq'a' achi'el nikusex ri kamisabel richin yerukol ri choj kik'aslen y nuya' rutojbalil pa kiwi' ri man utz ta kik'aslen.

Hebreos 6:19

Ri kuqubabel-k'u'x ri' rubanon chiqe chi achi'el xa ta oj yuqul rik'in ri Dios rik'in jun kolo' ri janila ruchuq'a'. Ri qoyoben-apo ja ri Jesús ri xuq'axaj yan ri tasbel rupan ri rachoch ri Dios ri k'o chila' chikaj.

1 Corintios 13:13

Jak'a re wakami k'o ri kuqubabel-k'u'x, ri oyobenri'il y ri ajowabel. Jak'a chike chi e oxi' re', ja ri ajowabel ri más nim rejqalen.

1 Tesalonicenses 5:5

Roma qonojel ri qakuquban qak'u'x rik'in ri Jesucristo kan oj richin chik ri saqil, y man oj richin ta chik ri q'equ'm.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

2 Corintios 6:7

qik'in k'a roj k'o ri qitzij ch'abel, y k'o chuqa' ri ruchuq'a' ri Dios. Kan ja wi ri ruch'ajch'ojil ri qak'aslen ri niqakusaj richin niqato-qi' toq ek'o yeyakatej-pe chiqij, y richin chi niqachojmirisaj ri man utz ta.

Wuj Richin ri K'uxla'anik 3:26

Kan más utz niqoyobej ri rutzil ri Jehová, Kan tiqoyobej k'a richin yojruto'.

Efesios 6:23

Ja ta k'a ri Dios ri Tata'ixel y ri qajaw Jesucristo, xtuya' chiwe chi'iwonojel rix qach'alal ri uxlanen, ri ajowabel y ri kuqubabel-k'u'x.

Gálatas 5:5

Jak'a roj kan qoyoben chi man jun qamak yojk'ulun chuwech ri Dios, roma kan xqakuquba' qak'u'x rik'in ri Cristo. Y re kolotajik re' kan qoyoben roma ri ruchuq'a' ri Loq'olej Espíritu ri k'o pa taq qánima.

Wuj Richin Bix Chire ri Dios 43:5

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' ri nukolotajik y nu-Dios yin.

Wuj Richin Bix Chire ri Dios 42:11

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' nukolotajik y nu-Dios yin.

Wuj Richin Bix Chire ri Dios 42:5

¿Achike roma yimayamo' yan qa? ¿Achike roma janila yibison? Yin kan nukuquban nuk'u'x rik'in ri Dios, y kan beneq ruwech xtinya' ruq'ij, roma rija' nukolonel y nu-Dios yin.

2 Tesalonicenses 2:16

Ri qakolonel Jesucristo y ri tata'ixel ri janila xojrajo' y xuya' kuqubabel-k'u'x chiqe richin qoyoben ri q'ij toq xqojbe chila' chikaj roma ri rutzil,