1 Tesalonicenses 5:6 - Kaqchiquel Bible

⁶ Roma ri' man tiqaben achi'el nikiben ch'aqa', ri xa yewer. Jak'a roj qojk'ase' jebel y tiqana' jebel ri yeqabanala'.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Romariꞌ ma tiqabꞌen achel ndikibꞌen ri wineq ri kꞌo kikꞌaslen pa qꞌequꞌ ri xa achel ngewer keriꞌ. Qojkꞌaseꞌ pa ruwiꞌ ri qakꞌaslen y tiqabꞌanaꞌ nojel pa quxnaqil.

Kaqchikel Santa Maria de Jesus

⁶ Rumareꞌ man takaꞌan incheꞌl niquiꞌan ri nicꞌaj chic vinak ri man icꞌo ta pa sakil. Ijejeꞌ man niquiꞌan ta pensar otz ri niquiꞌan ruma xa ncaꞌvar. Pero ojreꞌ kucꞌasieꞌ y kaꞌnaꞌ pensar otz ri nakaꞌan.

Kaqchikel Central Guatemala

⁶ Roma c'a ri' man tikaben achi'el niquiben ri ch'aka' chic vinek ri man ec'o ta pa sakil. Roma rije' man niquina' ta jebel ri achique yequibanala'. Xa achi'el yever. Pero roj kojc'ase' c'a jebel y tikana' jebel ri yekabanala'. Man c'a tikaben achi'el niquiben ri ec'o pa k'eku'n.

Re C'ac'a Testamento pa Kach'abal

⁶ Mare' man takaban ancha'l niquiban re nic'aj chic vinak re man jec'o-ta pa sakil. Roma reje' can man niquina-ta re andex ye'quibanala'. Xa ancha'l ye'var. Pero yoj can kojc'ase' y can takana' re andex ye'kabanala'. Man c'a takaban ancha'l niquiban re jec'o pa k'oko'm.

Kaqchikel Western Solola

⁶ Rumac'ari' ma tikaben ta achi'el niquiben ri nic'aj chic winek ri ma yec'o ta pa sakil. Ruma riye' ma niquich'ob ta jabel ri achique yequibanala'. Xa achi'el ye warnek. Yac'a riyoj kojc'ase' c'a jabel y tikach'obo' jabel ri yekabanala'.

1 Tesalonicenses 5:6 ပူးပေါင်းရင်းမြစ်များ

1 Pedro 1:13

Roma ri', rix tinaba-iwi', y tichajij jebel ri ik'aslen. Kan rik'in k'a ronojel iwánima tiwoyobej ri utzil ri xtijach chiwe toq xtok'ulun-qa ri Jesucristo.

San Mateo 24:42

Roma ri' kan kiniwoyobej-apo, roma xa man xtiwetamaj ta jampe' toq xkinoqaqa yin, ri iwajaw.

San Lucas 22:46

Y xubij chike: ¿Achike roma xa yixwer? Kixyakatej, y kixch'on rik'in ri Dios y tik'utuj chire chi toq yixtejtobex, man kixtzaq pa mak, xcha' chike.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.

Tito 2:12

Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.

Apocalipsis 3:2

Roma ri', kan tuna' iwech jebel y titija' q'ij niben ri utz ri k'a ek'o na pa taq ik'aslen y xa nik'is yan qa. Roma nutz'eton chi ri ichapon rubanik xa man niqa' ta chuwech ri Dios.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

1 Timoteo 2:9

Keri' chuqa' ri ixoqi', kekikusaj tzieq ri kan e choj, ri ruk'amon chi nikikusaj. Man tikibanala' ruchojmil ri rusumal taq kiwi' xaxe richin chi ketz'et koma ri winaqi', ni man kekikusaj wiqobel ri e banon rik'in q'anapueq, o rik'in perla, y man yekikusala' jebelej taq tzieq ri jotol kajel.

Wuj Richin Etamabel-Tzij 19:15

Ri q'oral kan nuben chire ri wineq chi niken-qa chi waran. Y ri uxlanen ri nuben ri wineq ri', xtuben chire chi xtuk'owisaj wayjal.

Tito 2:6

Tabij k'a chuqa' chike ri achi'a' ri k'a e ak'uala' na, chi kan nikiq'et ta ki' chubanik ri man ruk'amon ta.

1 Timoteo 3:2

Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,

Colosenses 4:2

Kan beneq k'a ruwech kixch'on rik'in ri Dios, jantape' ta k'a ixk'es y jantape' tik'oje' matioxinik iwik'in.

Efesios 6:18

Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

San Lucas 12:39

Rix iwetaman, chi wi ta jun rajaw-jay retaman jampe' napon jun eleq'om pa rachoch, ri rajaw-jay ri' nik'ase' richin nuchajij ri rachoch, y man nuya' ta q'ij chi ri eleq'om neleq'-el.

San Mateo 25:13

Roma ri' rix kan man kixmestan, kan kiniwoyobej-apo, roma xa man iwetaman ta achike q'ij, y achike hora toq yin ri xiqaqa-pe achi'el wineq chi'ikojol xkipe chik jun bey.

San Mateo 25:5

Roma ri ala' janila xyaloj yan y man noqaqa ta, ri lajuj xtani' ri e oyobeyon richin, xa xpe k'a ruchuq'a' ri waran chike, y xa xewer-qa.

San Mateo 13:25

Jak'a chupan ri aq'a', toq kan konojel k'a winaqi' yewer, xpe k'a ri etzelanel richin ri rajaw ri ulew, y xberutika' kan ija'tz richin ri pach'un-q'os; chukojol ri trigo tikon chik kan. Y xaxe xberubana' kan ri', xbe.

Wuj Richin ri Jonás 1:6

Jari' toq ri rajaw ri barco xqaqa-qa rik'in y xubij chire: ¿Achike roma toq yawer rat? Kayakatej y tak'utuj chire ri a-dios; rik'in juba' nujoyowaj qawech y man yojken ta, xcha'.

2 Timoteo 4:5

Jak'a rat tach'obo' jebel ronojel ri naben. Takoch'o' ri tijoj-poqonal ri nipe chawij. Man katane' chutzijoxik ri utzilej ch'abel richin kolotajik. Tabana' ronojel ri samaj ri ya'on chawe roma ri Dios.

1 Timoteo 3:11

Y keri' chuqa' wi k'o jun ixoq ri nrajo' nilin: Nik'atzin chi nuk'uaj ta jun k'aslen utz chikiwech ri winaqi', man ta kamuluy-tzij, jun chojilej ixoq ta y kan nuben ta ronojel ri nubij.

1 Tesalonicenses 5:8

Jak'a roj ri oj richin ri saqil, tiqana' jebel ri achike yeqabanala'. Kan tiqakuquba' qak'u'x rik'in ri Jesucristo, y qojajowan, achi'el nuben jun aj-labal ri nukusaj ri rutobal ruwa-ruk'u'x. Chuqa' k'o chi niqaq'et-qi' rik'in ri qach'obonik, achi'el ri aj-labal ri nukusaj rutobal rujolon.*f3*

Filipenses 4:5

Ri utzil ri niben kan niq'alajin ta k'a chikiwech konojel, roma ri ajaw naqaj chik k'o-wi ri rupetebal.

1 Corintios 15:34

Titzolin-pe ik'u'x, y man chik kixmakun. Rix kan ruk'amon k'a chi yixk'ix-qa, roma chi'ikojol k'a ek'o ri man ketaman ta ruwech ri Dios.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

San Lucas 12:37

Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

Marcos 13:37

Kan achi'el k'a ri ninbij chiwe rix chi kiniwoyobej-apo, kan keri' chuqa' ninbij chike konojel, kan kiniwoyobej k'a, xcha' ri Jesús.

San Mateo 26:38

Jari' k'a toq rija' xubij chike ri e oxi' rutijoxela': Ri bis k'o pa wánima janila nim. Y yirukamisaj ninna' yin. Kixk'oje' pe wik'in, kixk'ase' y man kixwer-qa, xcha' chike.

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

1 Timoteo 2:15

Jak'a ri ixoq xtikolotej rik'in xtok te'ej, wi kan nukuquba' ruk'u'x rik'in ri Dios, k'o ajowabel pa ránima, y nuk'uaj jun k'aslen ch'ajch'oj.

Efesios 2:3

Qonojel roj keri' chuqa' xqaben ri ojer kan; xojuk'uex roma ri itzel taq qarayibel, ri etzelal ri xeqach'obola' y xeqarayila', jari' ri xeqaben. Kan xqoyoj-wi ri royowal ri Dios pa qawi', roma roj kan pa qalaxik-pe ri man jun utz chiqe, kan oj achi'el ri ch'aqa' chik winaqi'.

1 Tesalonicenses 4:13

Roj niqajo' chi rix niwetamaj ri achike xtiban chike ri qach'alal ri e kaminaqi' chik el, richin man yixbison, achi'el nikiben ri winaqi' ri man koyoben ta ri utzil ri k'o rik'in ri Jesucristo.

1 Tesalonicenses 5:10

Rija' xken qoma roj, richin keri', wi k'a oj k'es na wawe' chuwech re ruwach'ulew, niqak'ul qak'aslen rik'in rija'. Y wi oj kaminaqi' chik el, k'o chuqa' qak'aslen rik'in rija'.