1 Tesalonicenses 4:6 - Kaqchiquel Bible

⁶ Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Man ta jun chiꞌikajal ndel e chupan ri utz chuwech ri Dios y ndirewaj ruwech jun hermano chin ndukꞌuaj qa riꞌ rikꞌin ri rixjayil ri hermano riꞌ. Porque ri Ajaw kin nduyaꞌ rukꞌexel chare ri keriꞌ ndibꞌanun, kin achel qabꞌiꞌin chi kan chiwa.

Kaqchikel Santa Maria de Jesus

⁶ Man takaꞌan maña cha jun hermano chi nkojcꞌujieꞌ riqꞌuin ri raxjayil. Ruma xa nakaꞌan jun chꞌoꞌj quireꞌ, ri Ajaf xtuyaꞌ ri castigo pa kaveꞌ. Jareꞌ xkaꞌej chiva antok xojcꞌujieꞌ iviqꞌuin.

Kaqchikel Central Guatemala

⁶ Man tikak'ol jun chique ri kach'alal chi xa yojc'oje' riq'uin ri rixjayil. Roma vi nikaben jun mac quere', ri Ajaf xtuya' ruc'ayeval pa kavi'. Quere' xkabij chive tok xojc'oje' iviq'uin: Chi vi yojmacun, xtipe na vi ri ruc'ayeval pa kavi'.

Re C'ac'a Testamento pa Kach'abal

⁶ Man takak'ol jun chique re hermanos xaxe chin che yojc'ue' riq'uin re ruxayil. Roma vo xa nakaban jun mac quire', re Ajaf xtuya' re castigo pa kave'. Quire' xkabij chiva tak xojc'ue' iviq'uin: Che vo xa yojmacun, can xtipo-va re castigo pa kave'.

Kaqchikel Western Solola

⁶ Man ta c'o jun ri nibano jun k'oloj chare jun kach'alal riche (rixin) chi nic'oje' riq'ui ri rixjayil. Ruma wi nibanatej jun mac quere', ri Ajaf can xtuya' wi rutojbalil. Queri' xkabij chiwe tek xojc'oje' iwuq'ui.

1 Tesalonicenses 4:6 ပူးပေါင်းရင်းမြစ်များ

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Romanos 1:18

Ri Dios yakatajineq royowal chikij ri winaqi' ri itzel taq kibanobal. Roma rik'in ri itzel kibanobal kiq'aton ri qitzij tijonik.

Wuj Richin Etamabel-Tzij 28:24

Ri alk'ualaxel ri k'o nreleq'aj chire ri rutata' y neleq' chuqa' rik'in ri rute', y k'ari' nubij chi man mak ta ri nuben, ri alk'ualaxel ri' xa kachibil ri eleq'oma', ri ye'eleq' pa taq bey ri yebe juk'an chik tinamit.

Ex 20:15

Man kixeleq'.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Santiago 2:6

Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?

Gálatas 5:21

nich'upu kik'u'x, yeq'aber, xaxe wa'in nikich'ob y yekibanala' chuqa' ch'aqa' chik kiwech etzelal. Y kan nubin chik k'a chiwe jun bey, y ninkamuluj rubixik chiwe, chi ri winaqi' ri', man xke'ichinan ta kik'in ri ek'o pa rajawaren ri Dios.

Romanos 13:4

Roma rije' kan ja ri Dios ri e yoyon, richin yojkisamajij roj. Jak'a wi niqaben ri man utz ta, tiqaxibij-qi' chikiwech, roma ja rije' xkeya'on ruk'ayewal pa qawi'. Kan e ya'on-wi roma ri Dios richin nikiya' ruk'ayewal pa kiwi' ri e banoy taq etzelal.

San Lucas 12:5

Ninbij k'a chiwe achoq chuwech ruk'amon chi nixibij-iwi': Tixibij-iwi' chuwech ri man xaxe ta ri ch'akulaj nukamisaj, jak'a chirij ri' xa kan k'o chuqa' uchuq'a' rik'in richin nitikir yixruteq pa q'aq' richin jantape'. Kan tixibij k'a iwi' chuwech ri nibanon keri'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Ez 22:13

Yin kan xtintzeqej k'a ri nuq'a' chiwij roma ronojel ri ich'akon y xa man qitzij ta y roma chuqa' ri kamisanik ri ibanalon.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Efesios 5:6

Man kixq'olotej pa kiq'a' ri winaqi' ri nikibij ch'abel ri man jun rejqalen, roma man nikinimaj ta rutzij ri Dios. Kan qitzij wi chi xtiqaqa ruk'ayewal pa kiwi'

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Marcos 10:19

Yin ninbij chi rat jebel awetaman ri lajuj pixa' ri xuya' ri Dios chire ri Moisés ojer kan, chi man tiben kamik, chi ri e k'ulan man tikikanoj jun chik, chi man kixeleq', chi man tiyek-tzij chirij jun chik wineq, man tiq'ol jun wineq y tiya' kiq'ij ri ite-itata', xcha'.

Wuj Richin ri Sofonías 3:5

Jak'a ri Jehová kan k'o chiri' pa tinamit, y kan man jun itzel nuben. Rija' kan ronojel nimaq'a' nuq'et-tzij pa ruchojmilal, y kan man jun ri man ta nuben. Man rik'in ri' ri nibanon etzelal xa kan maneq ruk'ix.

Wuj Richin ri Sofonías 3:1

¡Kan toq'ex k'a iwech rix aj-Jerusalem roma kan janila ipaban-iwi'! Itz'ilobisan ri ik'aslen, y kan ye'itz'ila' ri iwinaq.

Wuj Richin ri Jeremías 9:4

Chi'ijujunal k'a tichajij-iwi' chuwech ri iwachibil. Man jun tukuquba' ruk'u'x rik'in ri rach'alal ri junan rukik'el rik'in, roma stape' kan ach'alalri'il xa nitz'ukun-tzij.

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin Etamabel-Tzij 20:23

Ri abej richin ri etabel ri xa pa rubanik chi man tz'aqet ta, ri Jehová kan nretzelaj; y chuqa' rija' kan yeretzelaj ri etabel ri man choj ta yepajon.

Wuj Richin Etamabel-Tzij 20:14

Toq ri wineq loq'onel napon richin niloq'on, nubij: Jotol-jotol ri rajel nak'utuj chire; y toq xloq'on yan el y beneq chik, nubij-qa pa ránima, xino'on richin xinben-pe re loq'oj re'.

Wuj Richin Etamabel-Tzij 11:1

Ri Dios kan man utz ta yerutz'et ri winaqi' ri ye'ukusan pajbel ri xa ye'eleq', jak'a kan nikikot ri ránima kik'in ri winaqi' ri ye'ukusan pajbel ri kan e tz'aqet,

Wuj Richin Bix Chire ri Dios 140:12

Jak'a ri e poqonatajineq, yin wetaman chi rat Jehová kan ye'ato'. Y ri yetz'ilox, naq'et tzij pa kiwi' rik'in ruchojmilal.

Wuj Richin Bix Chire ri Dios 94:1

Nimalej Jehová, ri yaya'on rutojbalil ronojel ri mak, kan tak'utu' k'a awi' rat richin naya' rutojbalil-mak.

Deut 32:35

Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Deut 24:7

Wi jun wineq nilitej chi releq'an-el jun ruwinaq richin nibe'ok rusamajel o richin nuk'ayij-el, ri nibanon keri' kan xtikamisex, richin nik'is-el ri etzelal chi'ikojol rix.

Wuj Richin ri Chojmirisabelri'il 25:17

Man k'a ke'iq'ol ri iwinaq, xa kan xtik'oje' nukiy chiwech, roma ja yin in Jehová ri i-Dios rix.

Wuj Richin ri Chojmirisabelri'il 25:14

Roma ri' toq jun wineq nuk'ayij o nuloq' ulew chire jun chik wineq, man k'a tuq'ol ri ruwinaq richin nich'akon chirij.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Wuj Richin ri Chojmirisabelri'il 19:11

Man k'a kixeleq'; man tiq'ol jun chik; y man titz'uk-tzij chiwech rix.

Efesios 4:28

Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin Etamabel-Tzij 16:11

Ri q'atbel-tzij richin ri Jehová kan tz'aqet-tz'aqet, kan achi'el ri pajbel y ri etabel, kan ja rija' k'a ri xtz'ukun-pe ri tz'aqet pajbel y ri tz'aqet etabel.

San Lucas 16:28

Roma ek'o wo'o' wach'alal, y ninwajo' chi nibech'on ta kik'in, richin man kepe rije' re wawe' re akuchi k'o janila tijoj-poqonal, xcha'.

2 Corintios 7:11

Xaxe tich'obo' rij ri xuben pa taq ik'aslen ri bis ri xuya' ri Dios chiwe. Kan xuben chiwe chi xichojmirisaj ronojel. Kan man xqa' ta k'a chiwech ri rubanon ri jun, chi qajineq pa mak. Kan xixibij-iwi' roma xich'ob chi rik'in juba' ek'o ch'aqa' chik ri xkebanon keri'. Roma ri' rix kan xiwajo' chi yin ink'o ta apo iwik'in, y kan xiya' chiwech chi niya' ri rutojbalil-mak pa ruwi' ri xmakun. Ronojel k'a re' pa ruch'ajch'ojil xiben chire.

1 Tesalonicenses 2:11

Rix iwetaman chi roj kan qakuquban ik'u'x, kan ixqato'on, achi'el nuben jun tata'aj chike ri ralk'ual y qaya'on pixabanik chiwe, richin chi tik'uaj jun k'aslen utz achi'el ruk'amon nikiben ri e ralk'ual chik ri Dios, roma rija' xojroyoj richin yojok pa rajawaren ri akuchi k'o-wi ruq'ij-ruk'ojlen.

Hebreos 2:6

Jak'a chupan ri ruch'abel ri tz'ibatel kan, k'o k'a jun ri biyon kan:*f6* Ajaw Dios, ¿achike ta k'a ri wineq richin chi naquqa-pe rij y richin chi nachajij?