1 Tesalonicenses 4:16 - Kaqchiquel Bible

¹⁶ Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Porque atoq ri Ajaw ndiqape chikaj, ndiqape rikꞌin nimalej ruchuqꞌaꞌ rutzij, rikꞌin rutzij jun arcángel, y chuqaꞌ ndiqꞌajan pe ri trompeta chin ri Dios. Y ri xetaqin ri Cristo ri ekamineq chi e, ngekꞌastej pe nabꞌey.

Kaqchikel Santa Maria de Jesus

¹⁶ Ruma ri Ajaf antok xtipa chicaj, cof xtichꞌo-pa, y jun arcángel xtichꞌo-pa, y xtikꞌajan-pa ri ru-trompeta ri Dios. Y naꞌay xcaꞌcꞌastaj-pa ri quiminakiꞌ ri xquinimaj-el ri Cristo.

Kaqchikel Central Guatemala

¹⁶ Roma ri Ajaf xtipe chila' chicaj y xtich'on-pe, achi'el nich'on jun ri can ninimex-vi ri nubij, y achi'el jun nimalej ángel chuka' xtich'on-pe. Y xtik'ajan-pe ri trompeta richin ri Dios. Y jari' tok xquec'astej-el ri caminaki' ri xquinimaj-el ri Jesucristo.

Re C'ac'a Testamento pa Kach'abal

¹⁶ Roma re Ajaf xtika-pa chila' chicaj y xtich'o-pa, ancha'l nich'o jun Rey re can ninimax-va y can niban re nubij, y xtich'o-pa ancha'l nich'o jun namalaj ángel. Y xtik'ajam-pa chuka' ru-trompeta re Dios. Y jare' tak xque'c'astaj-a re anama'i' re xquinimaj-a re Jesucristo.

Kaqchikel Western Solola

¹⁶ Ruma ri Ajaf tek xtipe chic chila' chicaj, can xtich'o pe riq'ui ch'abel ri can c'o chi ninimex ri nubij, y riq'ui ruch'abel nimalaj ángel. Y xtik'ajan pe ri trompeta riche (rixin) ri Dios. Y yari' tek xquec'astej el ri caminaki' ri xquinimaj el ri Jesucristo.

1 Tesalonicenses 4:16 ပူးပေါင်းရင်းမြစ်များ

Apocalipsis 1:7

Roma ri Cristo kan xtipe na wi pa sutz' y qonojel xqojtz'eton richin, chuqa' ri winaqi' ri xeya'on richin pa kamik kan xtikitz'et. Kan konojel winaqi' ri ek'o chijun ruwach'ulew xke'oq' toq xtikitz'et rija'. Ja', kan keri' wi xtibanatej.

1 Corintios 15:23

Jak'a kan pa ruchojmilal xtibanatej ronojel re'. Ri Cristo nabey xk'astej-el. Y toq xtipe chik jun bey, roj ri oj richin chik rija' xqojk'astej-el chuqa'.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.

San Mateo 25:31

Y toq yin ri xiqaqa-pe achi'el wineq chi'ikojol xkipe chik k'a, kan rik'in chik k'a nuq'ij-nuk'ojlen; y chuqa' kan konojel k'a ri ángel xkepe wik'in. Y jari' k'a toq yin xkitz'uye' pa nutz'uyubal richin ri nuruwaq'ijaj.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

Wuj Richin ri Isaías 27:13

Chupan ri q'ij ri' kan xtixupux k'a ri trompeta; ri ek'o chiri' pan Asiria y ri e beneq pan Egipto xkepe richin xtokiya' ruq'ij ri Jehová chupan ri juyu' ri chiri' pa Jerusalem.

2 Tesalonicenses 2:1

Qach'alal, wakami niqajo' yojch'on pa ruwi' ri q'ij toq xtipe chik ri qajaw Jesucristo richin niqak'ul qi' rik'in.

Hechos 1:11

Y ri ka'i' achi'a' ri' xkibij k'a chike: Rix ri yixpe pa Galilea, ¿achike roma toq yixtzu'un chikaj? Re Jesús re xitz'et chi xbe chikaj re wakami, kan xtipe chik k'a jun bey. Y kan achi'el re xuben-el re xbe, kan keri' chuqa' xtuben ri pa ruka'n bey toq xtiqaqa-pe chila' chikaj, xecha' chike.

Wuj Richin ri Zacarías 9:14

Chupan ri q'ij ri' yin kan xtink'ut k'a wi' chiwech rix nuwinaq. Ri nuch'ab ri xkenk'eq kan achi'el xa ta koyopa'. Y ja yin ri xkixupun ri trompeta richin labal. Xtinchop kere' pa xokon, y xkipe achi'el jun surkum.

Wuj Richin Bix Chire ri Dios 47:5

Kan rik'in k'a raqoj-chi'ij richin kikoten, nijote-q'anej ri Jehová chupan ri rajawaren. Ri Jehová kan niya'ox ruq'ij rik'in trompeta.

2 Pedro 3:10

Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.

Ex 19:16

Y xk'uluwachitej k'a chi toq xapon ri rox q'ij nimaq'a' yan, xpe k'a koqolajay y koyopa' y xqaqa k'a jun pimilej-sutz' pa ruwi' ri juyu'. Y xebeq'ajan k'a pe rik'in janila uchuq'a' ri xupubel ri e banon rik'in uk'a'. Y ri winaqi' ri ek'o pa taq kachoch ri banon rik'in tzieq kan janila k'a xkik'en rukiy.

Apocalipsis 8:13

Jari' toq xintz'et y xinwak'axaj chi tiropop beneq jun kot pa kaq'iq' y janila nej jotol chikaj y rik'in k'a ronojel ruchuq'a' xubij oxi' mul: Kan toq'ex k'a kiwech ri winaqi' ri ek'o chuwech ri ruwach'ulew toq xkeq'ajan-pe ri oxi' chik trompeta ri yexupux koma ri ángel, nicha'.

San Mateo 26:64

Jak'a ri Jesús xubij chire: Ja', rat ri yabin. Y chuqa' kan ninbij-wi k'a chiwe chi re chiqawech-apo kan xkinitz'et-wi yin ri xiqaqa-pe achi'el wineq chi'ikojol, in tz'uyul pa rijkiq'a' ri Dios ri nitikir nuben ronojel. Y xkinitz'et toq xkiqaqa-pe pa sutz' ri chila' chikaj, xcha' ri Jesús.

Apocalipsis 14:13

Chirij ri' xinwak'axaj chi k'o jun ri nich'on-pe k'a chila' chikaj y nubij: Tatz'ibaj k'a re xtinbij chawe; kan jebel k'a ruwa-kiq'ij konojel ri xkeken-apo ri kikuquban kik'u'x rik'in ri Jesús, xcha'. Y xinwak'axaj chuqa' chi ri Loq'olej Espíritu xubij: Ja', roma kan xke'uxlan chire ri kisamaj, y ri kisamaj kan xtikachibilaj-el, xcha'.

Judas 1:9

Jak'a ri arcángel Miguel, stape' k'o janila ruchuq'a' y ruq'ij chikiwech ri ch'aqa' chik ángel, man kan ta xik'o ruwi' ri ch'abel ri xubij chire ri Itzel-Wineq toq xkiben oyowal chirij ri ruch'akul ri Moisés. Rija' xaxe k'a kere' xubij: Ja ri ajaw xtiya'on pan awi' ri ruk'amon chawe, xcha' chire.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Apocalipsis 1:10

Y chupan jun chike ri q'ij toq niqaya' ruq'ij ri Dios, ri Loq'olej Espíritu xirunojisaj rik'in uchuq'a'. Y xinwak'axaj k'a chi k'o jun ri nich'on-pe chuwij ri ruch'abel kan achi'el niq'ajan jun trompeta.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Joel 2:11

Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Wuj Richin Bix Chire ri Dios 47:1

Chinimalej iwonojel rix winaqi', tipaq'apa' ri iq'a'. Tiya' k'a ruq'ij ri Dios rik'in kikoten.

San Mateo 16:28

Y kan qitzij k'a ninbij chiwe: Kan ek'o k'a chiwe re ixk'o wawe' ri man xkixken ta k'a toq in itz'eton chik yin, ri xiqaqa-pe achi'el wineq chi'ikojol, toq xkipe richin nonq'ata-tzij, xcha'.

1 Corintios 15:18

Y wi ta keri', ri kaminaqi' ri xkikuquba-el kik'u'x rik'in ri Cristo, xa man xekolotej ta el.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

1 Tesalonicenses 1:10

Y chuqa' nikitzijola' chi iwoyoben ri q'ij toq ri Jesucristo, ri Ruk'ajol ri Dios, xtipe chik jun bey. Rija' xk'astej-pe chikikojol ri kaminaqi' roma ri ruchuq'a' ri Dios. Y chuqa' iwetaman chi ja rija' ri xqojkolon chuwech ri ruk'ayewal ri xtipe.

1 Tesalonicenses 3:11

Roma ri' niqajo' chi xtiban ta chiqe roma ri qatata' Dios y ri qajaw Jesucristo richin xqojtikir ta xqojapon iwik'in.

Apocalipsis 8:2

Y k'ari' xentz'et k'a ri e wuqu' ángel e pa'el-apo chuwech ri Dios y xjach jujun trompeta chike.