1 Tesalonicenses 3:9 - Kaqchiquel Bible

⁹ Y roma k'a ri kikoten ri niya' pa qánima rix, niqamatioxij chire ri Dios iwoma rix.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Y roj ma ndiqil ta tzij chin ngojmatioxin chare ri Dios iwoma, porque santienta ngojkikot chuwech ri qa-Dios roma nojel ri rubꞌanun pa ikꞌaslen.

Kaqchikel Santa Maria de Jesus

⁹ ¿Chica ta modo nakaꞌan chi nakayaꞌ tiox bꞌaꞌ cha ri Dios ivuma ixreꞌ? Ruma xiꞌan chika chi niquicuot kánima choch ri Ka-Dios.

Kaqchikel Central Guatemala

⁹ Y roma c'a ri quicoten ri niya' pa kánima rix, ¿achique ta cami chi matioxinic ruc'amon chi nikaya' chire ri Dios ivoma rix? Can janíla vi quicoten c'o pa kánima y ri ka-Dios can nutzu-vi.

Re C'ac'a Testamento pa Kach'abal

⁹ Y roma yex niban cha re kánma che camas niqui'cot, yoj man nakavel-ta andex nakaban chin nakatioxij cha re Dios ivoma yex. Camas-va yojqui'cot pa tak kánma y re ka-Dios can jabal-va nutz'at re nakana'.

Kaqchikel Western Solola

⁹ Y ruma c'a ri quicoten ri niya' riyix pa kánima, ¿achique ta cami chi matioxinic ri utz chi nikaya' chare ri Dios iwuma riyix? Ruma can sibilaj quicoten ri c'o pa kánima riq'ui ri Dios iwuma riyix.

1 Tesalonicenses 3:9 ပူးပေါင်းရင်းမြစ်များ

2 Sam 6:21

K'ari' ri David xubij chire: Kan qitzij na wi chi xitzopiyaj, jak'a kan chuwech ri Jehová, roma ja rija' xicha'on richin xinok tata'al richin ri tinamit. Rija' kan xirucha' richin xinok kan pa ruk'exel kan ri atata' y pa kik'exel kan ri axibal. Roma ri' wi yin ninwajo', kan k'a xkitzopiyaj na richin xtinya' ruq'ij ri Jehová.

2 Crón 31:8

Y toq ri Ezequías y ri e tata'al xkitz'et chi xmolotej k'iy, kan xkiya' ruq'ij ri Jehová y xkimatioxij chike ri kiwinaq.

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

Wuj Richin Bix Chire ri Dios 116:12

¿Achoq ik'in ta k'a xkitikir xtintojbej chire ri Jehová, pa ruk'exel ronojel ri rutzil ri rubanon wik'in?

Wuj Richin Bix Chire ri Dios 68:3

Jak'a ri choj kik'aslen kan xkekikot; kan xkenimaq'ijun k'a chuwech ri Dios y xketzopiyaj roma kikoten.

2 Corintios 2:14

Kan janila k'a matiox chire ri Dios, chi rija' kan nuben ka chiqe chi kan yojch'akon-wi roma jun qabanon rik'in ri Cristo Jesús. Y ri Dios kan yojrukusaj richin chi niqaya' rutzijol ri ruch'abel xabakuchi. Y ri ch'abel ri' kan napon ta k'a rutzijol, achi'el napon ruxla' ri jubulej pom.

2 Corintios 9:15

Y matiox chire ri Dios roma ri rusipanik ri kan janila nim, ri man nilitej ta achike rubixik rik'in ch'abel.

Deut 12:18

Xa kan xaxe chuwech rija' k'atzinel richin nitij-wi, chiri' akuchi xtucha-wi rija', y re' xtiban iwik'in rix, ri iwalk'ual, ri isamajela' ri e yuqul pa samaj iwik'in y ri e levita ri ek'o chi'ikojol. Kan xkixkikot k'a chuwech ri Jehová roma ri samaj ri xiben-qa roma kan utz xel chiwech.

Deut 12:2

Chupan ronojel ri tinamit ri xke'ich'ek, xke'iwulaj k'a jumul ronojel ri akuchi nikiya' kiq'ij ri ki-dios; pa ruwi' taq juyu', chuwa taq juyu' y chuxe' che' ri ek'o k'iy kixaq y kiq'a'.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

1 Tesalonicenses 2:19

Roj kan niqajo-wi yojapon iwik'in, roma nikikot qánima chi rix ikuquban ik'u'x rik'in ri Jesucristo rik'in ronojel iwánima. Y roma ri' rik'in kikoten qoyoben ri q'ij toq xtipe ri qajaw Jesucristo. Roma chupan ri q'ij ri' xtikikot ránima ri Jesucristo qik'in roj iwoma rix, chi k'o rejqalen ri xqatzijoj ri ruch'abel ri Dios chiwe.