1 Tesalonicenses 2:9 - Kaqchiquel Bible

⁹ Qach'alal, jebel iwetaman chi man jun bey xqak'utuj qaway chiwe. Jak'a roj xojsamej chi paq'ij chi chaq'a' richin xqach'ek qaway, richin man xixqaya' ta pa k'ayew, toq xojk'oje' iwik'in chubixik ri utzilej ruch'abel ri Dios ri nik'amon-pe kolotajik.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Keriꞌ nibꞌij chiwa hermanos, porque rix ndikꞌuxlaꞌaj chi xojsamej chi chaqꞌaꞌ chi paqꞌij, xojkos chuchꞌakik ri ndikꞌatzin chaqe pa qakꞌaslen, chin keriꞌ ma xojok ta jun eqaꞌ chiwa atoq xqatzijoj chiwa ri utzulej teq tzij chin kolotajik ri pataneq rikꞌin ri Dios.

Kaqchikel Santa Maria de Jesus

⁹ Hermanos, ixreꞌ ivataꞌn chi ojreꞌ man jun bꞌay cꞌo ta ri xkacꞌutuj chiva. Ojreꞌ xojsamaj pakꞌij chi chakꞌaꞌ chi xkachꞌec ri xcꞌatzin chika, ruma man xkajoꞌ ta xkayaꞌ jun akaꞌn chivij antok xojcꞌujieꞌ iviqꞌuin chi xkatzijuoj ri ru-evangelio ri Dios chiva.

Kaqchikel Central Guatemala

⁹ Kach'alal, jebel ivetaman chi man jun bey xkac'utuj kavay chive. Roj xojsamej chi pak'ij chi chak'a' richin xkach'ec kavay. Roma man xkajo' ta xixkaya' pa c'ayef, tok xojc'oje' iviq'uin chubixic ri utzilej ruch'abel ri Dios ri nic'amon-pe colotajic.

Re C'ac'a Testamento pa Kach'abal

⁹ Hermanos, jabal itaman che man jun bey xkac'utuj kavay chiva. Yoj xojsamaj che pak'ij che chak'a' chin xkach'ac kavay. Roma man xkajo-ta xixkaya' pa c'ayef, tak xojc'ue' iviq'uin chubixic re utzulaj ch'abal chin re Dios.

Kaqchikel Western Solola

⁹ Queri' nikabij chiwe riyix kach'alal, ruma ninatej chiwe chi majun bey c'o ta ri xkac'utuj chiwe. Riyoj xa can xojsamej chi pak'ij chi chak'a' riche (rixin) chi xkach'ec ri nic'atzin chake. Ruma ma xkajo' ta xkaya' jun ejka'n chiwij tek xojc'oje' iwuq'ui chutzijoxic ri lok'olaj ruch'abel ri Dios ri niya'o colotajic.

1 Tesalonicenses 2:9 ပူးပေါင်းရင်းမြစ်များ

2 Corintios 11:9

Y toq yin k'o xk'atzin chuwe ri chila' chi'ikojol, man jun chiwe rix ri xinya' ta ejqa'n chirij y xink'utuj ta chire ri nik'atzin chuwe. Xa ja ri qach'alal aj-Macedonia ri xe'apon wik'in chila' ri xeto'on kan wichin. Xintej k'a nuq'ij chi man xinya' ta ejqa'n chiwij, y k'a ke na ri' ninch'ob ninben re chinuwech-apo.

Hechos 18:3

Y roma kan junan ri kisamaj chi e oxi', ri Pablo xk'oje-qa kik'in. Chi e oxi' yekiben jay rik'in tzieq, y junan xesamej.

2 Timoteo 1:3

Yin yimatioxin chi paq'ij chi chaq'a' chire ri Dios, ri nusamajin-pe rik'in jun ch'ajch'ojilej wánima, achi'el xkiben ri qati't-qamama' roj judío; kan jantape' yich'on rik'in pan awi' rat.

1 Timoteo 5:5

Jak'a ri kan man jun nilin kichin, y k'o nik'atzin chike, rije' chi paq'ij chi chaq'a' kikuquban kik'u'x rik'in ri Dios, y yech'on rik'in.

1 Timoteo 4:10

Niqatej qaq'ij richin niqaben ri rusamaj ri Dios y niqatej poqon, roma kan qakuquban-wi-apo qak'u'x rik'in ri k'aslik Dios. Ja rija' ri kolonel kichin konojel winaqi', jak'a más qichin roj ri qakuquban qak'u'x rik'in.

1 Tesalonicenses 2:6

Man xqajo' ta chi rix y ch'aqa' chik winaqi' xiya' ta qaq'ij roj,

1 Corintios 9:18

¿Y kan man jun kami ri ninch'ek roma ninben ri samaj ri'? Kan k'o-wi. Ri ninch'ek ja ri kikoten ri nuya' pa wánima chi man jun wajel nink'utuj roma ninq'alajirisaj ri utzilej ruch'abel ri Cristo ri nik'amon-pe kolotajik, stape' kan ruk'amon ta chi xink'utuj.

1 Corintios 9:15

Jak'a yin man jun ri nuk'utun ta chiwe, y chuqa' man ninbij ta ronojel re' richin kiniwilij. Roma chuwe yin, más ta utz yiken ke chuwech nikelesaj ri kikoten ri k'o wik'in richin man nink'utuj ta rajel ri nintzijoj chiwe ri utzilej ch'abel richin kolotajik.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

Wuj Richin ri Nehemías 5:18

Y ri k'o chi ninya-apo ronojel q'ij richin nitij, jun bóyix, waqi' taq karne'l ri e cha'on; y ka'i-oxi' ek'. Jari' ri niqatej, y k'a pa taq lajuj q'ij xkik'en-pe más vino pa ruk'iyal. Rik'in ronojel re' man jun bey xink'utuj ri nuway roma ta in q'atoy-tzij, roma ri ek'o chiri' pa tinamit xa kan e ilin.

Wuj Richin ri Nehemías 5:15

Jak'a ri e nabey aj-raqen chinuwech yin xekiya' kan pa k'ayew ri tinamit, roma kan q'ij-q'ij xkik'utuj waqlajuj onza saqipueq, y pa ruwi' ri' xkik'utuj kiway y ki-vino. Keri' chuqa' ri kisamajela' kan k'ayew xkiben chike ri qawinaq. Jak'a yin man keri' ta xinben, roma chinuwech yin, ri nu-Dios kan yalan-wi nim y janila rejqalen.

1 Timoteo 1:11

y ri utzilej ch'abel richin kolotajik ri ruya'on ri Loq'olej Dios ri k'o ruq'ij-ruk'ojlen ri rubin chuwe yin richin nintzijoj.

1 Tesalonicenses 3:10

Y chuqa' chi paq'ij chi chaq'a' niqak'utuj chire ri Dios, chi xqojtikir ta xqojapon iwik'in, richin keri' yojtikir yixqato' rik'in ri kuqubabel-ik'u'x.

1 Tesalonicenses 2:2

Y chuqa' iwetaman chi toq man jani qojapon ri chila' iwik'in rix, roj xa kan xqatej yan k'a poqon y k'iy yan ri xban chiqe chiri' pa tinamit Filipos. Y stape' xa kan janila xojetzelex, ri Dios kan xuben k'a chiqe chi man xqaxibij ta qi' richin xqatzijoj chiwe ri utzilej ruch'abel ri nik'amon-pe kolotajik.

1 Tesalonicenses 1:3

Roma jantape' noqaqa chiqak'u'x ri samaj ri niben, roma ikuquban ik'u'x rik'in ri Jesucristo; chuqa' janila yixsamej roma niwajo' rija', y rik'in koch'onik iwoyoben-apo ri q'ij toq xtipe chik.

Filipenses 4:16

Kan k'a ink'o na pa tinamit Tesalónica toq ja yan ri' xinchop ruk'ulik ri to'onik iwichin rix. Y man xaxe ta k'a jun bey, xa kan k'iy k'a mul keri' xiben wik'in.

2 Corintios 6:5

Roj qak'ulun ch'ayikil, oj ya'on pa taq cárcel, oj qajineq pa kiq'a' winaqi' ri e q'aq'arineq qoma roj, oj samajineq janila, qakoch'on waran y wayjal.

1 Corintios 4:12

Kan janila yojsamej richin niqach'ek qaway. Y toq k'o ye'oyon etzelanik pa qawi', roj niqak'utuj urtisanik pa kiwi' rije'. Y toq k'o itzel nikiben ri winaqi' chiqe roma ri Cristo, roj niqakoch'.

Romanos 15:19

Y xekitz'et k'a chuqa' ri meyel taq banobel ri xenben roma ri Loq'olej Espíritu. Yin kan xintzijoj yan k'a ri utzilej ch'abel richin kolotajik; nitiker-el pa Jerusalem y xapon yan k'a pa tinamit Iliria.

Romanos 15:16

rubanon chi xinok rusamajel ri Jesucristo achi'el jun sacerdote richin nintzijoj ri utzilej ruch'abel richin kolotajik chike ri winaqi' ri man e judío ta. Y keri' rije' xke'ok achi'el jun sipanik chire ri Dios. Y re' kan nuk'awomaj-wi ri Dios roma ri Loq'olej Espíritu.

Romanos 1:1

Yin Pablo, rusamajel ri Jesucristo. Ri Dios ri xiroyoj richin xinok jun taqon roma ri Cristo, y xiruch'er richin nintzijoj ri utzilej ch'abel ri nik'amon-pe kolotajik,

San Lucas 18:7

K'a ta la' chik k'a ri Dios chi man ta xtuben ruchojmilal pa kiwi' ri winaqi' ri e rucha'on chik rija' ri chi paq'ij chi chaq'a' yech'on rik'in. ¿Man chi'anin ta kami xkeruto-pe?

San Lucas 2:37

Rija' k'o chik jumuch' kaji' rujuna'; y chiri' k'a pa rachoch ri Dios nik'oje-wi q'ij-q'ij. Y chi paq'ij chi chaq'a' nich'on rik'in ri Dios y k'iy mul nimewayin.

Wuj Richin ri Jeremías 9:1

Jebel ta ri' xa ta ri runaq' taq nuwech achi'el ta jun ya' ri nalex-pe chaq k'ate' y nichoxin ta pe ri ruya'al-nuwech richin yinoq' chi paq'ij chi chi'aq'a', koma ri nuwinaq e kaminaqi' richin ri nutinamit.

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

Wuj Richin Bix Chire ri Dios 32:4

Kan chi paq'ij chi chaq'a' xinna' ralal ri aq'a' rat Jehová. Kan xichaqi'j-qa jumul ninna' yin, achi'el jun kotz'i'j toq nichaqi'j-qa roma ri k'aten richin saq'ij.

Hechos 20:24

Jak'a man ja ta ri' ri más ninch'ob rij, ni man ja ta chuqa' ri nuk'aslen ri ninch'ob más. Ri más k'a ninch'ob, ja ri samaj ri ruya'on ri ajaw Jesús chuwe, y rik'in ta k'a kikoten ri xtink'is rutzijoxik chike ri winaqi' ri utzilej ch'abel richin kolotajik, ri niq'alajirisan ri rutzil ri Dios.

1 Corintios 9:4

¿Achike nibij rix? Roj ri rusamajela' ri Dios, ¿man ruk'amon ta kami chi niqak'ul ri k'o chi niqatej?

2 Corintios 11:27

Yin in samajineq janila y k'iy tijoj-poqonal nuk'owisan. Nukoch'on nuwaran, nuk'owisan wayjal y chaqi'j-chi', nukoch'on tew, k'o bey k'isineq-qa ri nutziaq chuwij y chuqa' kan k'iy bey ri man xiruben ta ri nuway.

2 Rey 6:2

Taya' q'ij chiqe chi yojbe chuchi' ri raqen-ya' Jordán, richin chi nibeqabana' chiqajujunal jun tem, y niqaben jun qachoch chiri', xecha'. Y rija' xuya' k'a q'ij chike.

Wuj Richin Etamabel-Tzij 31:18

Rija' nutz'et chi kan jebel eleneq chuwech ronojel, chi kan k'o ch'akoj; roma ri' kan nej chik aq'a', k'a tzijil na ri ruq'aq', roma k'a nisamej na.