1 Tesalonicenses 2:5 - Kaqchiquel Bible

⁵ Rix iwetaman chi toq xqabij ri ruch'abel chiwe, man richin ta xqach'ek méro. Y chuqa' iwetaman chi man xqakanoj ta ch'abel ri yalan ta xqa' chiwech richin keri' xixqaq'ol ta.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Porque rix iwetaman, chi atoq xbꞌeqatzijoj ri rutzij ri Dios chiwa, ma xqayaꞌ ta iqꞌij rikꞌin jabꞌel teq tzij chin ta xqaqasaj ijolon, nixta xixqachꞌakatij chin ta xqelesaj méra chiꞌiqꞌaꞌ. Ri Dios kin retaman wi chi qetzij nojel ri ngojtajin chubꞌixik.

Kaqchikel Santa Maria de Jesus

⁵ y jajaꞌ rataꞌn chi antok xkatzijuoj ri ruchꞌabꞌal chiva, man ruma ta nakajoꞌ nakachꞌec miera. Y ixreꞌ jeꞌ ivataꞌn chi ojreꞌ man xkacusaj ta utzulaj tak tzij chi xkaꞌan ta maña chiva.

Kaqchikel Central Guatemala

⁵ Y rija' retaman chi tok xkabij ri ruch'abel chive, man richin ta xkach'ec mero. Y rix chuka' ivetaman chi man xkacanoj ta ch'abel ri yalan ta xka' chivech richin queri' xixkak'ol ta.

Re C'ac'a Testamento pa Kach'abal

⁵ Y re Dios rutaman tak xkabij re ruch'abal chiva, man chin-ta xkach'ac mero. Y yex chuka' itaman che man xkacanoj-ta tzij re camas-ta xka chivach chin quire' xixkak'ol-ta.

Kaqchikel Western Solola

⁵ Y Riya' retaman chi tek xkabij ri ruch'abel chiwe, ma riche (rixin) ta chi xkach'ec puek. Y riyix chuka' iwetaman chi ma xkacanoj ta ch'abel ri nika chiwech riyix riche (rixin) chi xixkak'ol.

1 Tesalonicenses 2:5 ပူးပေါင်းရင်းမြစ်များ

2 Corintios 12:17

¿Xixinq'ol kami yin rik'in jun chike ri qach'alal ri xenteq chila' iwik'in?

Romanos 1:9

Ri Dios kan retaman wi chi kan beneq-ruwech yich'on rik'in iwoma rix, ri kan ninsamajij rik'in ronojel wánima toq nintzijoj ri utzilej ruch'abel ri nich'on chirij ri Ruk'ajol.

Hechos 20:33

Yin man roma ta k'a xinwajo' ri iméro, ni man roma ta chuqa' xinrayij ri itziaq, roma ta ri' xintzijoj ri ruch'abel ri Dios chiwe.

Gálatas 1:20

Re nintz'ibaj-el chiwe kan qitzij wi. Y ri Dios retaman chi kan keri' wi.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

1 Pedro 5:2

Ninbij k'a chiwe chi kan ke'iyuq'uj ri qach'alal, achi'el nuben jun yuq'unel kik'in ri rukarne'l, roma rije' e richin chik ri Dios y e ruya'on pan iq'a' rix. Kan rik'in k'a ronojel iwánima tibana', man xaxe ta roma k'o chi niben, ni man xaxe ta chuqa' roma ch'akoj.

Tito 1:7

Roma ri uk'uey kichin ri qach'alal, kan rusamajel ri Dios, y roma ri' kan nik'atzin chi ruk'uan ta jun k'aslen utz, richin man jun nilitej chirij. Nik'atzin chi man nunimirisaj ta ri', man chi'anin ta noyower, man niq'aber ta, man nuben ta oyowal, ni man nuben ta ri man utz ta chuch'akik ruméro.

1 Tesalonicenses 2:10

Ri Dios kan xutz'et y rix chuqa', chi toq roj xojk'oje' iwik'in, ri qak'aslen kan utz wi chiwech rix, y kan man jun itzel xilitej pa qak'aslen.

2 Corintios 7:2

Kan qojiya' k'a pa taq iwánima roma roj man jun itzel qabanon chiwe, man jun k'a ri qayojon ta ruch'obonik, ni man jun ri qaq'olon ta.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

1 Timoteo 3:8

Y keri' chuqa' wi k'o jun nrajo' nilin chikikojol ri qach'alal: Nik'atzin k'a chi nuk'uaj jun k'aslen utz chikiwech ri winaqi', man ka'i' ta rupalej, man niq'aber ta, y man yerubanala' ta itzel chuch'akik ruméro.

1 Timoteo 3:3

man niq'aber ta, man nuben ta oyowal, man nubanala' ta ri itzel chuch'akik ruméro. Kan nik'atzin k'a chi jun achin ch'uch'uj, y utz runa'oj kik'in konojel winaqi'.

2 Corintios 4:2

Roj man niqaben ta ri banobel ri man pa saqil ta yeban-wi y xa e richin k'ix. Man yeqaq'ol ta ri winaqi'; man niqajel ta chuqa' rubanik ri ruch'abel ri Dios ri niqabij. Roj kan ja wi k'a ri qitzij ri niqaq'alajirisaj y ri' kan nuben k'a chi xabakuchi yojk'ul-wi. Ri Dios kan nutz'et k'a pe chi keri'.

2 Corintios 2:17

Roj man yojq'olon ta, ni man niqaben ta achi'el nikiben ri ch'aqa' chik, ri xa nikik'ayij ri ruch'abel ri Dios. Roj kan oj rusamajela-wi ri Dios ri yojruteq chubanik ri rusamaj, roma jun qabanon rik'in ri Cristo, y kan chuwech ri Dios niqaben ri samaj ri'.

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

Romanos 9:1

Yin, roma nuniman ri Cristo, man nintz'uk ta tzij. Y ri Loq'olej Espíritu retaman ri k'o pa wánima; y roma ri' rija' nubij chi kan qitzij wi

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

Wuj Richin ri Miqueas 3:5

Ri nikibananej chi e q'alajirisey ruch'abel ri Dios xa e q'olonel. Toq k'o jun wineq nusuj kiway, nikoyoj urtisanik pa ruwi'. Jak'a ri wineq ri man nusuj ta kiway, xa nikoyoj etzelanik pa ruwi'. Roma ri' ri Jehová xtuya' ruk'ayewal pa kiwi'.

Wuj Richin ri Jeremías 8:10

Roma ri' ri iwixjayilal xkenbenya' k'a chike ch'aqa' chik achi'a'. Chuqa' ri iwulew xtinya' chike ch'aqa' chik winaqi', roma chi ch'uti'q chi nima'q, chi'iwonojel rix xaxe ch'akonik ri man pa ruchojmilal ta ri nich'ob. Y ri nikibananej chi e q'alajirisey nuch'abel y ri e sacerdote, konojel rije' yesamej xaxe rik'in q'olonik.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Wuj Richin ri Isaías 56:11

Rix ix achi'el tz'i' ri janila e mum, ri kan man jun bey ninoj ri ipan. Rix ix achi'el yuq'unela' ri kan man jun niq'ax chiwech. Iwonojel rix xa nich'er-el-iwi', y xa chi'ijujunal nikanoj ri janipe' nich'ek.

Wuj Richin ri Isaías 30:10

Y kan nikibij chike ri yetz'eton ri peteneq-apo chiwech chi man chik tikitz'et ri achi'el achik'. Chuqa' nikibij chike ri e q'alajirisey nuch'abel chi man chik tiq'alajirisaj chikiwech ri qitzij. Rije' xaxe nikajo' nikak'axaj ch'abel ri kan janila e jebel ok, y ch'abel richin q'oloj.

Wuj Richin Etamabel-Tzij 28:23

Ri wineq ri nibin chire jun chik chi tuchojmirisaj ri rubanobal, xtimatioxix chire toq k'iy yan q'ij tiq'ax, kan janila xtimatioxix chire, más ke chuwech xa ta xunimirisaj ruq'ij.

Wuj Richin Etamabel-Tzij 20:19

Jun wineq kamuluy-tzij kan man nitikir ta nutz'apej ri ruchi'; man tawachibilaj k'a ri wineq ri'.

Wuj Richin ri Achin Job 17:5

Rije' xa nikiben achi'el nubij ri tzij: Ri achin k'o ri nutaluj chikiwech ri rachibil, rokik ri ralk'ual man jun nikik'ul y yewayjan.

Judas 1:11

Kan toq'ex k'a kiwech ri winaqi' ri', roma xa kan achi'el ri itzel k'aslen ri xuk'uaj ri Caín ojer kan, jari' chuqa' ri kik'uan rije'. Y chuqa' nikiben achi'el xuben ri Balaam ri xa ja ri ch'akoj méro ri xurayij. Chuqa' rije' kan nikipaba-ki' chuwech ri Dios, achi'el xuben ri Coré y roma ronojel ri mak ri', xkek'is konojel.

Wuj Richin Etamabel-Tzij 26:28

Ri wineq ri nitz'ukun-tzij man niqa' ta chuwech ri qitzij, ri wineq ri nubananej chi nich'on rik'in ch'uch'uj taq ch'abel, xa nuk'en-pe wululen.

Wuj Richin ri Achin Job 16:19

Jak'a ri etamayon ri qitzij chuwij, kan ja ri k'o chila' chikaj, y ja rija' ri nito'on wichin.