1 Tesalonicenses 2:11 - Kaqchiquel Bible

^11-12 Rix iwetaman chi roj kan qakuquban ik'u'x, kan ixqato'on, achi'el nuben jun tata'aj chike ri ralk'ual y qaya'on pixabanik chiwe, richin chi tik'uaj jun k'aslen utz achi'el ruk'amon nikiben ri e ralk'ual chik ri Dios, roma rija' xojroyoj richin yojok pa rajawaren ri akuchi k'o-wi ruq'ij-ruk'ojlen.

နောက်ထပ်ဗားရှင်းများ

Kaqchikel Santo Domingo (Xenacoj)

^11-12 Iwetaman chuqaꞌ chi xqayaꞌ ruchuqꞌaꞌ ri iwánima y xixqabꞌochiꞌij chiꞌijununal, achel ndubꞌen jun tataꞌatz chake ri eralkꞌuaꞌl. Xixqapixabꞌaj chi tikꞌuaj jun utzulej kꞌaslen, achel rukꞌulun chi ndikꞌuaj chuwech ri Dios ri xoyon iwichin chin ngixok pa ru-reino y ngixkꞌojeꞌ chupan ri nimalej ruqꞌij.

Kaqchikel Santa Maria de Jesus

¹¹ Ixreꞌ ivataꞌn chi xkaꞌan iviqꞌuin incheꞌl nuꞌon jun tataꞌj chica ri ralcꞌual. Xixkaꞌan consolar y xkaꞌej chiva chi man tiyaꞌ can, ni man timastaj ri Dios.

Kaqchikel Central Guatemala

¹¹ Rix ivetaman chi xkaben chive achi'el nuben jun tata'aj chique ri ralc'ual. Xkacukuba' ic'u'x chi'ivonojel. Y xkabij chuka' chive chi man tiya' can ri Dios.

Re C'ac'a Testamento pa Kach'abal

¹¹ Yex itaman che xkaban chiva ancha'l nuban jun tata'aj chique re rajc'ual. Xkacukuba' ic'o'x chiyixnojel. Y xkabij chuka' chiva che man tiya' can re Dios.

Kaqchikel Western Solola

¹¹ Riyix chuka' iwetaman chi riyoj xkaben chiwe achi'el nuben jun tata'aj chique ri ralc'ual. Xkacukuba' ic'u'x chi'iwonojel. Y xixkapixabaj chi ma tiya' ta ca ri Dios.

1 Tesalonicenses 2:11 ပူးပေါင်းရင်းမြစ်များ

1 Crón 28:20

Kan tatija' k'a aq'ij y kof kak'oje', man tamalij ak'u'x y man taxibij-awi' richin naben re samaj re', roma ri Jehová ri qa-Dios kan xtik'oje' awik'in. Rija' man xkaruya' ta kan, y man xkarumalij ta kan.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Wuj Richin Bix Chire ri Dios 34:11

Kixanpe, alk'ualaxela', kiniwak'axaj. Xkixintijoj richin nik'oje' rukiy ri Dios chiwech.

Wuj Richin Etamabel-Tzij 1:10

Rix alaboni', wi ri e banoy etzelal nikajo' chi yixok ta kachibil, rix kan man tiwajo' chi yixbe kik'in.

Wuj Richin Etamabel-Tzij 1:15

Jak'a rix alaboni', kan man k'a ke'itzeqelibej rije' chupan ri bey ri kik'uan, xa kan tijech'ej kan iwi' chire ri kibey rije'.

Wuj Richin Etamabel-Tzij 2:1

Wi rix walk'ual alaboni', kan nik'ul k'a ri nuch'abel, y kan niya' ri chiri' pan iwánima, ri nupixa' ri ninya' chiwe,

Wuj Richin Etamabel-Tzij 3:1

Rat walk'ual, man k'a tamestaj ri tijonik ri nuya'on chawe, xa kan tayaka' pan awánima ri nuchilaben chawe chi naben,

Wuj Richin Etamabel-Tzij 6:1

Rix walk'ual alaboni', wi kan xipaba-iwi' chuwech jun k'as ri xuben jun iwachibil, xa kan achi'el k'a chi xik'ayij-iwi' chire jun wineq ri xa man iwetaman ta ruwech.

Wuj Richin Etamabel-Tzij 7:1

Rix walk'ual alaboni', kan tibana' k'a ri ninbij chiwe yin y kan kek'oje' ri pa taq iwánima, ronojel ri nupixa'.

Wuj Richin Etamabel-Tzij 7:24

Wakami k'a, rix walk'ual alaboni' kan kiniwak'axaj k'a; kan tiya' k'a ixikin chire ronojel ri nubin-qa chiwe.

Wuj Richin ri Q'axanri'il 27:19

Tapaba' k'a chuwech ri sacerdote Eleazar, chikiwech konojel ri awinaq y kan pa ruq'a' rija' tajacha' kan ri samaj,

San Lucas 16:28

Roma ek'o wo'o' wach'alal, y ninwajo' chi nibech'on ta kik'in, richin man kepe rije' re wawe' re akuchi k'o janila tijoj-poqonal, xcha'.

Hechos 20:2

Xbe k'a chikitz'etik ri qach'alal ri ek'o ri chiri' pa Macedonia, y xberukuqubala' kan kik'u'x rik'in k'iy ch'abel. K'ari' xbe pa ruwach'ulew Grecia.

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Deut 3:28

Xaxe k'a tabij chire ri Josué chi tutija' ruq'ij y tukuquba' ruk'u'x, roma ja rija' xtuk'uan richin ri tinamit y ja rija' xtibejachon ri ruwach'ulew chikiwech ri winaqi' ri xtabetz'eta' kan, xcha' ri Jehová chuwe.

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

1 Tesalonicenses 2:7

stape' kan ruk'amon ta chi keri' roma kan oj taqon-pe roma ri Cristo. Jak'a pa ruk'exel ri' roj xa janila xixqajo', achi'el nuben jun te'ej kik'in ri taq ral.

1 Tesalonicenses 4:1

Toq xojk'oje' iwik'in, xqabij chiwe achike ri niqa' chuwech ri Dios, y chi jari' ri utz niben. Y rix kan keri' ibanon. Y kan k'a k'o k'a ri niqajo' niqak'utuj chiwe pa rubi' ri Jesucristo, chi kan más k'a titija' iq'ij chi niben ri niqa' chuwech ri Dios.

1 Tesalonicenses 4:6

Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.

1 Tesalonicenses 5:11

Roma ri' tikuqubala' ik'u'x chi'iwachibil-iwi'. Y chuqa' titola-iwi' richin chi yixk'iy rik'in ri ik'aslen, kan achi'el ri ibanon-pe.

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

2 Tesalonicenses 2:5

¿Kan man noqaqa ta k'a chi'ik'u'x chi xinbij ronojel re' chiwe toq xik'oje' iwik'in?

2 Tesalonicenses 3:12

Chike rije' niqabij k'a, y ri ajaw Jesucristo chuqa' nubij chike, chi xa kan kesamej k'a achi'el ri ruk'amon, richin nikich'ek kiway.

1 Timoteo 5:21

Chuwech ri Dios y chuwech ri ajaw Jesucristo y chikiwech ri ángel ri e cha'on roma ri Dios, kan ninbij k'a chawe rat Timoteo, chi tabana' ronojel re' kik'in ri qach'alal, y man jun rukojol taben.

1 Timoteo 5:7

Ronojel re' tabij chike ri malkani' richin man jun etzelal xtilitej chikij.

1 Timoteo 6:13

Wakami, ninbij chawe chuwech ri Dios ri niya'on k'aslen y chuwech ri Jesucristo ri xuk'ut chuwech ri q'atoy-tzij Poncio Pilato chi kan rukuquban ruk'u'x rik'in ri Dios,

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

1 Timoteo 6:2

Y wi yesamej rik'in jun wineq ri rutzeqeliben ri Cristo, man k'a tikibij chi man ta nikiya' ruq'ij, xaxe roma kach'alal chik ki'. Pa ruk'exel ri' kan tikiya' ruq'ij y más jebel tikisamajij, roma kan ja ri kach'alal, ri junan kikuquban kik'u'x rik'in ri Cristo ri nikisamajij. Rat Timoteo, ninbij chawe chi ke'atijoj y tabij chike ri qach'alal chi tikibana' ronojel re'.

Tito 2:15

Ja ronojel re' ri k'o chi nak'ut; man tapoqonaj nabij roma ja ri Dios yoyon uchuq'a' chawe richin naben re samaj re'.

Tito 2:6

Tabij k'a chuqa' chike ri achi'a' ri k'a e ak'uala' na, chi kan nikiq'et ta ki' chubanik ri man ruk'amon ta.

Tito 2:9

Y chike ri qach'alal ri e ximon pa samaj, tabij chi nikinimaj ta kitzij ri kajaw, y jebel ta nikiben chire ronojel ri samaj ri nibix chike. Chuqa' man jun bey nikipaba' ta ki' chuwech ri kajaw,

Hebreos 13:22

Wach'alal, yin nink'utuj utzil chiwe chi kan tik'ulu' k'a chi utzil re ch'abel richin pixabanik re xinteq-el rubixik chiwe chupan re wuj re'. Roma xa man nim ta rubanik xinben-el chire.

3 Juan 1:4

Y ronojel bey toq ninwak'axaj chi ri qach'alal ri e achi'el walk'ual kan qitzij kojqan ri ruch'abel ri Dios, yalan kikoten nuya' pa wánima.