1 Tesalonicenses 1:8 - Kaqchiquel Bible

⁸ Y man xaxe ta ri aj-Macedonia y ri aj-Acaya kak'axan chi rix ikuquban ik'u'x. Xa kan chijun ruwach'ulew nitzijox-wi. Y roma ri' man nik'atzin ta chi roj yojtzijon pa ruwi' ri'.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Porque iwikꞌin rix eleneq e chi bꞌaneq rutzijol ri rutzij ri Ajaw, ma xe ta pa irochꞌulew Macedonia y pa rochꞌulew Acaya, xa kin más nej bꞌaneq rutzijol. Y bꞌaneq chuqaꞌ rutzijol chi rix kuqul ikꞌuꞌx rikꞌin ri Dios, y ma ndikꞌatzin ta chi kꞌaja ta na roj ngojbꞌiꞌin keriꞌ.

Kaqchikel Santa Maria de Jesus

⁸ Y man joꞌc ta ri icꞌo chupan Macedonia y Acaya caxan chi icukubꞌan icꞌuꞌx riqꞌuin ri Dios, xa nojiel lugar nitzijos-ve. Y ruma quireꞌ nitzijos chivij, xꞌa rutzijoxic ri ruchꞌabꞌal ri Ajaf Dios. Y man nicꞌatzin ta chi ojreꞌ nkuꞌeꞌn quireꞌ.

Kaqchikel Central Guatemala

⁸ Y man xe ta chiri' pa Macedonia y Acaya ac'axan chi riq'uin ronojel ivánima iniman ri Dios. Xa chi jun ruvach'ulef nitzijox-vi. Y roma ri queri' nitzijox chivij, xbe rutzijol ruch'abel ri Ajaf Dios. Y man ja ta roj ri yojtzijon.

Re C'ac'a Testamento pa Kach'abal

⁸ Y man xe-ta chire' pa Macedonia y re Acaya c'axan che riq'uin ronojel ivánma iniman re Dios. Xa can che jun ruch'ulef nitzijos-va. Y roma quire' nitzijos chivij, xba rutzijol re ruch'abal re Ajaf Dios. Y mana-ta yoj re yojtzijon chivij.

Kaqchikel Western Solola

⁸ Y rumari' xbe c'a rutzijoxic ri ruch'abel ri Ajaf pa ronojel lugar y ma xu (xe) ta c'a ri pa Macedonia y Acaya ri xetamex wi, xa can xetamex chuka' cuma ri winek pa ronojel lugar chi riyix can iniman ri Dios riq'ui ronojel iwánima y ma rajawaxic ta chi nikatzijoj riyoj.

1 Tesalonicenses 1:8 ပူးပေါင်းရင်းမြစ်များ

Romanos 1:8

Nabey ninmatioxij chire ri Dios pa rubi' ri Jesucristo iwoma rix, roma nitzijox chuwech chijun ruwach'ulew chi kan kuqul-wi-ik'u'x rik'in ri Cristo.

Apocalipsis 14:6

Chirij ri' xintz'et jun ángel ri nixik'an pa runik'ajal ri kaj, ri uk'uayon ri utzilej ch'abel richin kolotajik ri man k'isel ta richin nuya' chike ri winaqi' richin jalajoj ruwach'ulew, ijatzul, tinamit y ch'abel.

3 Juan 1:12

Konojel k'a yebin chi ri ruk'aslen ri qach'alal Demetrio, kan utz wi y keri' niq'alajin. Roj chuqa' keri' niqabij, rix iwetaman chi man niqatz'uk ta tzij.

2 Tesalonicenses 1:4

Y toq roj yojapon kik'in ri ch'aqa' chik molaj qach'alal, niqatzijoj chike chi yalan yojkikot iwik'in, roma ikoch'on ri tijoj-poqonal. Y stape' ch'aqa' chik winaqi' nikiben chiwe chi nitej poqon, rix k'a ikuquban na ik'u'x rik'in ri Dios.

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.

2 Tesalonicenses 3:1

Qach'alal, pa ruk'isibel niqak'utuj chiwe chi kixch'on rik'in ri Dios qawi' roj, y tik'utuj chire chi chi'anin ta xtibiyin rutzijoxik ri ruch'abel, y kan ta ninimex achi'el xinimaj rix.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Romanos 16:19

Jak'a rix, konojel ketaman chik chi kan ninimaj-wi rutzij ri Dios, y yin yalan nikikot ri wánima roma ri'. Chuqa' ninwajo' chi tiwetamaj nik'oje' ina'oj chubanik ri utz y man chubanik ta ri etzelal.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Ex 18:9

Ri Jetro toq xrak'axaj ronojel re', kan janila k'a xkikot, roma ronojel ri utzil ri rubanon ri Jehová kik'in ri israelita, toq xerelesaj-pe pa kiq'a' ri aj-Egipto.

2 Corintios 3:4

Y roj kan kuqul qak'u'x rik'in ri Dios chi kan keri' wi, roma ri samaj ri xuben ri Cristo.

1 Corintios 14:36

Toqaqa k'a chi'ik'u'x chi ri ruch'abel ri Dios man xtikir ta pe iwik'in rix, y ni man xaxe ta rix ri ix k'uluyun.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Hechos 18:12

Chupan ri q'ij ri', ja k'a ri jun achin aj-Roma rubini'an Galión ri q'atoy-tzij ri chiri' pa ruwach'ulew Acaya, ri akuchi k'o-wi ri Corinto. Ja q'ij ri' toq ri judío xkimol-ki' richin xeyakatej chirij ri Pablo. Xbekichapa-pe, y xkik'uaj pa q'atbel-tzij,

Romanos 15:26

Roma ri qach'alal ri ek'o wawe' pa Macedonia y ri Acaya xketamaj chi ri qach'alal ri ek'o pa Jerusalem, man jun k'o kik'in. Roma ri' xalex pa kánima chi nikiben jun sipanik richin yekito'.

2 Corintios 2:14

Kan janila k'a matiox chire ri Dios, chi rija' kan nuben ka chiqe chi kan yojch'akon-wi roma jun qabanon rik'in ri Cristo Jesús. Y ri Dios kan yojrukusaj richin chi niqaya' rutzijol ri ruch'abel xabakuchi. Y ri ch'abel ri' kan napon ta k'a rutzijol, achi'el napon ruxla' ri jubulej pom.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

1 Timoteo 2:8

Ninwajo' k'a chi ri achi'a' kech'on rik'in ri Dios xabakuchi ek'o-wi, tikitzeqej ri loq'olej kiq'a' chikaj, y man ta jun oyowal ri niq'aton ri kich'owen.

2 Timoteo 2:9

Y roma nintzijoj ri ch'abel ri', nintej poqon, inximon re pa cárcel, achi'el jun kamisanel. Jak'a ri ruch'abel ri Dios man ximil ta.