1 Sam 9:9 - Kaqchiquel Bible

⁹ Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

1 Sam 9:9 ပူးပေါင်းရင်းမြစ်များ

Wuj Richin ri Rutikeribel 25:22

Y ri ak'uala' ri xkebe'alex rik'in rija' e kua'ch y kan janila chik nikiben oyowal, y rija' xubij: ¿Achike roma kere' nuk'uluwachin?, xcha'. Y k'ari' xbe richin xberuk'ulubej ri Jehová.

2 Sam 24:11

Y ri ruka'n q'ij, toq ri David k'a man jani tiyakatej, ri Jehová xch'on rik'in ri q'alajirisey ruch'abel rubini'an Gad, ri nitz'eton ri peteneq chikiwech, y xubij:

2 Rey 17:13

K'ari' rija' xeruteq k'a q'alajirisey ruch'abel y achi'a' ri kan yetikir nikitz'et ri chikiwech-apo, y xerukusaj richin tikiq'alajirisaj chikiwech ri israelita richin chi titzolej-pe kik'u'x y tikiya' kan ri itzel bey ri kik'uan, y kan tikibana' achi'el nubij ri pixa' ri xuk'ut chikiwech ri kite-kitata'.

1 Crón 21:9

K'ari' ri Jehová xuteq rik'in ri David, ri q'alajirisey ruch'abel rubini'an Gad.

1 Crón 26:28

Y chuqa' k'o chiri' ri rujachon kan ri Samuel ri nitz'eton ri peteneq, ri rujachon kan ri Saúl ruk'ajol ri Cis, ri Abner ruk'ajol ri Ner y ri Joab ral ri Seruiá. Ronojel re' pa kiq'a' ri Selomit y ri e rach'alal ya'on-wi kan.

1 Crón 29:29

Ronojel k'a ri rubanobal ri rey David, ri xeruben pa rutikeribel k'a pa ruk'isibel, e tz'ibatel kan chupan ri wuj kichin ri rey, koma ri Samuel ri nitz'eton ri peteneq, ri Natán y ri Gad ri e q'alajirisey ruch'abel ri Dios.

1 Crón 9:22

Ri kajlabal ri chajinela' ri' e 212. Y rije' tz'iban k'a kibi', kan achi'el ri kijatzul ri pa taq kitinamit. Ja ri rey David y ri Samuel ri nitz'eton ri peteneq, ri xecha'on kichin richin ri samaj ri'.

2 Crón 16:10

Y roma ri' ri Asá xyakatej janila royowal chirij ri Hananí, y xuya' pa cárcel; y chuqa' janila xerutz'ila' e jujun chike ri winaqi' richin ri tinamit.

2 Crón 16:7

Chirij ri' xapon jun achin ri nitz'eton ri peteneq chiqawech, rik'in ri Asá y ri achin ri' rubini'an Hananí. Y xubij chire ri Asá: Roma xa rik'in ri rey richin Siria xakuquba' ak'u'x y man xakuquba' ta ak'u'x rik'in ri Jehová ri qa-Dios, roma ri' ri aj-labal richin ri rey aj-Siria xa man xkebek'oje' ta pan aq'a'.

Wuj Richin ri Isaías 29:10

Roma yin kan xtinbenya-pe pan iwi' jun nimalej waran. Kan xtinben chike ri e q'alajirisanela' chi man jun chik xtinq'alajirisaj chikiwech. Y pa kiwi' ri yetz'eton ri peteneq-apo chiwech, xtinben chi xtitz'apetej kiwech.

Wuj Richin ri Isaías 30:10

Y kan nikibij chike ri yetz'eton ri peteneq-apo chiwech chi man chik tikitz'et ri achi'el achik'. Chuqa' nikibij chike ri e q'alajirisey nuch'abel chi man chik tiq'alajirisaj chikiwech ri qitzij. Rije' xaxe nikajo' nikak'axaj ch'abel ri kan janila e jebel ok, y ch'abel richin q'oloj.

Am 7:12

K'ari' ri Amasías xubij chuwe: ¡Katel-el re wawe' rat q'alajirisey richin ri nibanatej! Wi nawajo' naq'axbej-awi' rik'in naq'alajirisaj re', kabiyin pan aruwach'ulew Judá, y katkitojo' rije'.

1 Corintios 12:17

Wi ta ri ch'akulaj xa ruyon ta runaq'-wachaj, y maneq ta ruxikin, ¿achi'el ta k'a toq nak'ex? Y wi ta ri ch'akulaj xa ruyon ta xikin, y maneq ta rutza'n, ¿achi'el ta k'a toq niseqon?

Wuj Kichin ri To'onela' 1:1

Chirij ri rukamik ri Josué, ri e rijatzul kan ri Israel xkik'ulubej ri Jehová y xkik'utuj k'a chire achike xkeyakatej-el nabey richin nibekibana' oyowal kik'in ri aj-Canaán.

Wuj Kichin ri To'onela' 18:5

Y rije' xkibij chire: Tak'ulubej ri Dios wakami, richin niqetamaj wi utz xtel chiqawech re qataqikil re nibeqabana', xecha'.

1 Sam 9:10

K'ari' ri Saúl xubij chi janila utz ri xuch'ob ri rusamajel. Y xebe k'a chupan ri tinamit ri akuchi k'o-wi ri achin richin ri Dios.