1 Sam 9:7 - Kaqchiquel Bible

⁷ Y ri Saúl xubij chire: Jo' k'a; jak'a ¿Achike ta k'a niqak'uaj-el chire ri achin ri'? Roma maneq chik kaxlan-wey qik'in, y man jun chik k'o qik'in richin niqak'uaj chire. ¿Achike ta k'a yojtikir niqaya' chire?, xcha'.

1 Sam 9:7 ပူးပေါင်းရင်းမြစ်များ

2 Rey 8:8

K'ari' ri rey xubij chire jun chike ri rusamajel ri rubini'an Hazael: Tak'uaj-el jun sipanik, y tabek'ulu' ri rusamajel ri Dios, richin rija' tuk'utuj chire ri Jehová pa nuwi' yin. Tak'utuj k'a chire wi k'a yik'achoj na chire re jun yabilal re' o maneq chik, xcha'.

1 Rey 14:3

Tak'uaj-el chire lajuj kaxlan-wey, y jun chik kaxlan-wey ri más nim, y chuqa' tak'uaj-el jun xára kab ri nikiya' ri taq chikopi'. Kabiyin k'a chila' rik'in ri Ahías, y rija' xtubij-pe chawe achike xtiberuk'uluwachij ri ti qalk'ual, xcha'.

2 Rey 4:42

K'o k'a jun q'ij xapon rik'in ri Eliseo jun achin aj-Baal-salisá; y re achin re' ruk'uan-apo chire ri Eliseo juwineq kaxlan-wey ri banon rik'in ri nabey taq ruwech cebada, y chuqa' kan ruk'uan k'a apo juba' trigo ri k'a k'o pa rij. Y ri Eliseo xubij chire ri rusamajel chi tuya' ri kaxlan-wey ri' chikiwech ri winaqi' richin yewa'.

2 Rey 5:15

Chirij ri' ri Naamán y konojel ri e beneq rik'in xetzolin chik rik'in ri Eliseo. Y ri Naamán xbepa'e' chuwech, y xubij chire: Wakami xq'ax chinuwech chi kan xaxe ri a-Dios rat ri k'o wawe' pan Israel, ri Dios richin chijun ri ruwach'ulew. Wakami k'a nink'utuj utzil chawe chi tak'ulu' kan re jun sipanik ri nuk'amon-pe chawe, xcha' chire.

2 Rey 5:5

Y ri rey richin Siria xubij chire ri Naamán: Kabiyin, y yin xtinteq-el jun wuj chire ri rey richin Israel richin xkaruk'ul chi utzil, xcha'. Keri' xbe ri Naamán pa ruwach'ulew Israel, y xuk'uaj-el jubama wuqu' quintal saqipueq, jun quintal rik'in nik'aj q'anapueq y lajuj jal tzieq.

Wuj Kichin ri To'onela' 6:18

Y wakami nink'utuj k'a jun utzil chawe richin chi k'a man jani na yabe, k'a toq xkitzolin na pe rik'in jun nusipanik, ri ninwajo' ninya' chawe rat, xcha'. Y ri ángel xubij chire chi nroyobej kan chiri', k'a toq xtitzolej pe.

1 Rey 13:7

K'ari' ri rey xubij chire: Jo' chuwij pa wachoch richin yabewa' wik'in, y xtinya' jun sipanik chawe, xcha'.

2 Rey 8:9

Y ri Hazael xbe k'a richin xberuk'ulu' ri Eliseo, y xuk'uaj k'a el nimalej taq sipanik chire ri kan janila rejqalen ri k'o pa Damasco. Ronojel re' xuya-el chikij e kawineq camello. Toq xapon rik'in ri Eliseo, ri Hazael xubij chire: Ri Ben-hadad, rey richin Siria, xiruteq-pe awik'in richin nink'utuj utzil chawe, chi nabij ta chire wi kan nik'achoj chire ri yabil ri chapayon o man nik'achoj ta chik, xcha'.

Ez 13:19

Ri ixoqi' ri' xkiben kere' xaxe richin xkich'ek jun moq' cebada o xa jun k'ap kaxlan-wey. Rik'in ri kitz'ukun taq tzij kan xekikamisaj ri winaqi' ri xa man ruk'amon ta richin xeken y xekik'asba' kan winaqi' ri xa man ruk'amon ta richin yek'ase'.