1 Sam 9:2 - Kaqchiquel Bible

² y k'o k'a jun ruk'ajol rubini'an Saúl ri k'a man jani k'o k'iy rujuna' y kan janila jebel ok nitzu'un. Chikikojol ri israelita kan man jun chik ala' ri más ta jebel chuwech rija', y kan xaxe rija' ri más nim rupalen chikikojol ri ek'o chupan ri ruwach'ulew ri'.

1 Sam 9:2 ပူးပေါင်းရင်းမြစ်များ

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.

Wuj Richin ri Q'axanri'il 13:33

Y chiri' chuqa' xeqatz'et kan ri achi'a' ri e rijatzul kan ri Anac, ri achi'a' ri más nima'q kipalen chikiwech ri ch'aqa' chik. Y roj roma kan taq oj kokoj ok, xqana-qa-qi' chi oj achi'el ok taq sak' y achi'el xa kan keri' ri xojkitz'et rije', xecha'.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

1 Sam 17:4

Y k'o k'a jun achin ri kan richin labal ri xel-pe ri akuchi ek'o-wi-qa ri aj-Filistea. Rija' rubini'an Goliat aj pa tinamit Gat, y ri rupalen jubama oxi' metro.

1 Sam 9:3

Y ri Cis ek'o k'a rubur y k'o k'a jun q'ij xesach-el re bur re'. Roma ri' rija' xubij chire ri Saúl chi tuk'uaj-el jun chike ri rusamajela' y kebekikanoj ri bur ri xesach-el.

1 Sam 10:21

K'ari' xubij chi kejel-apo ri tzobaj richin ri Benjamín y chukojol ri' xchatej kan jun jay winaqi' richin ri Matrí y chupan ri' xchatej kan ri Saúl, ruk'ajol ri Cis. Y xkikanoj k'a ri Saúl chikikojol y man xkil ta.

1 Crón 8:33

Ri Ner xralk'ualaj ri Cis, re Cis re' xralk'ualaj ri Saúl, re Saúl re' xeralk'ualaj ri Jonatán, ri Malquisúa, ri Abinadab y ri Es-baal.