1 Sam 9:17 - Kaqchiquel Bible

¹⁷ Y chupan chik ri jun q'ij, toq ri Samuel xutz'et ri Saúl, jari' toq ri Jehová xubij chik chire chi ja Saúl re' ri xtok rey pa ruwi' ri tinamit.

1 Sam 9:17 ပူးပေါင်းရင်းမြစ်များ

Wuj Richin ri Nehemías 13:19

Y xbanatej k'a toq ri q'ij niqaqa yan qa y ri rumujal napon yan akuchi k'o-wi ri ruchi' ri tinamit Jerusalem, jari' toq nitiker-qa ri q'ij richin uxlanen. Jari' toq xinbij chike ri chajinela' chi titz'apex ri ruchi' ri tz'aq, y xinbij chi man nijaq ta, k'a toq xtik'o na ri q'ij richin uxlanen. Y xenya' pa taq ruchi' ri tz'aq jujun chike ri nusamajela' aj-labal richin chi man jun ejqa'n nikusex-apo chupan ri q'ij ri'.

Wuj Richin ri Nehemías 13:25

Y xench'olij rije', y xinbij chike chi nipe etzelanik pa kiwi'. Y keri' chuqa' xench'ey jujun chike rije', y xink'uq ri rusumal-kiwi'. Y keri' chuqa' xinben chike richin tikiya' kitzij chuwech ri Jehová Dios richin man yek'ule' ta chik ri kimi'al, ni ri kik'ajol kik'in ri aj juk'an chik tinamit.

Wuj Richin ri Jeremías 32:8

Kan achi'el k'a rubin ri Jehová chuwe, kan keri' xbanatej, y xapon k'a wik'in ri Hanamel chiri' chuwa-jay ri akuchi in chajin-wi, y xubij chuwe: Tabana' utzil taloq'o' ri wulew ri k'o chiri' pan Anatot, pa ruwach'ulew kan ri Benjamín, roma kan at wach'alal y ruk'amon richin nok kan awichin. Roma ri' taloq'o' kan, xcha' chuwe. K'ari' xq'ax chinuwech chi kan ja ri Jehová ri xbin chuwe richin ninloq' kan.

Os 13:11

Yin kan rik'in k'a woyowal xinya' ri a-rey, chuqa' rik'in woyowal xinwelesaj chik chawe.

Hechos 13:21

Jak'a rije' jun rey ri xkajo' richin niq'aton-tzij pa kiwi'. Y ri Dios kan xuya-wi k'a ri ki-rey. Kawineq juna' ri xq'aton-tzij pa kiwi' ri qati't-qamama'; ri rey ri' xubini'aj Saúl. Rija' ruk'ajol k'a ri Cis. Y ri Saúl jun rijatzul kan ri Benjamín.

1 Sam 3:13

Y kan xtink'ut k'a chuwech chi ja yin xkiq'aton-tzij pa ruwi' rija' y pa kiwi' ri aj pa rachoch, roma rija' retaman chik ri itzel taq kibanobal ri e ruk'ajol ri nikiben chinuwech. Y rija' kan xretamaj y man e relesan ta el chiri'.

1 Sam 9:18

Xjel k'a apo ri Saúl rik'in ri Samuel chunaqaj ri ruchi' ri tinamit, y xuk'utuj chire ri akuchi k'o-wi ri rachoch ri achin ri nitz'eton ri peteneq chikiwech-apo.