1 Sam 8:7 - Kaqchiquel Bible

⁷ Y ri Jehová xubij k'a chire: Tanimaj kitzij ri tinamit rik'in ronojel ri nikibij chawe, roma man ja ta rat ri yatkimalij kan, xa ja yin ri yinkimalij kan richin man ninq'et ta chik tzij pa kiwi'.

1 Sam 8:7 ပူးပေါင်းရင်းမြစ်များ

Ex 16:8

Re tiqaq'ij re' ri Jehová xtuya' ti'ij chiwe richin nitej, y ri nimaq'a' xtuya' ri aj-chikajil-wey chiwe richin xtinoj jebel ipan. Ri Jehová xrak'axaj ri ch'abel ri xe'ibila' chirij, roma xa kan chirij rija' xixxebexot-wi. Xa man chiqe ta roj ri xiben-wi keri', xa kan chire ri Jehová, xcha' chike.

Wuj Richin ri Isaías 66:4

Roma ri' yin chuqa' kan xtinya' ri ruk'ayewal pa kiwi' rije'. Kan xtinya' pa kiwi' ri achoq chuwech janila nikixibij-ki'. Yin kan xenwoyoj, jak'a man jun xk'uluban-pe ri nuch'abel. Xich'on kik'in, jak'a man jun xak'axan wichin. Xa xkiben ri etzelal chinuwech, y xkicha' ri man niqa' ta chinuwech yin.

Wuj Richin ri Jeremías 34:14

toq xtitz'aqet wuqu' juna', chikijujunal rije' ri k'o jun loq'on samajel kik'in, k'o chi xtiya'ox q'ij chire richin nitotej-el. Jak'a ri ite-itata' man xinkak'axaj ta y man xkiya' ta kixikin chire ronojel re'.

Ez 2:3

Kere' k'a xubij chuwe: Rat Ezequiel, wakami yin xkatinteq-el chikikojol ri awinaq israelita. Rije' e jun tinamit ri man e nimey ta tzij. Y ri kati't-kimama' xa xeyakatej chuwij k'a re q'ij wakami.

Ez 3:7

Jak'a ri awinaq israelita xa man xkeniman ta chawe, roma xa kan man nikajo' ta yinkak'axaj. Konojel rije' xkikowirisaj-ki' richin man yeniman ta chuwe y man jun niq'ax chikiwech.

Wuj Richin ri Q'axanri'il 22:20

Y ri Dios kan xch'on-wi rik'in ri Balaam chupan ri chaq'a' ri', y xubij chire: Wi ri achi'a' e peteneq richin yatokik'ama-el, kabiyin k'a chikij, jak'a ninwajo' chi xaxe tabana' ri achike ri xtinbij yin chawe, xcha'.

San Mateo 10:40

Ri jun k'a ri kan yixruk'ul rix, kan jak'a chuqa' yin ri yiruk'ul; y ri nik'ulu k'a wichin yin, kan nuk'ul k'a chuqa' ri taqayon-pe wichin.

San Lucas 10:16

Jak'a rix nutijoxela', achike k'a wineq ri xkixruk'ul jebel richin nrak'axaj ri ich'abel, kan ja chuqa' yin ri yiruk'ul. Y ri achike k'a chuqa' ri xkixetzelan kan, ja chuqa' yin ri yiretzelaj. Y ri netzelan wichin yin, kan ja chuqa' ri Dios ri taqayon-pe wichin ri nretzelaj, xcha' el ri Jesús.

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

San Lucas 19:27

Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.

San Juan 13:16

Yin kan qitzij k'a ninbij chiwe: Man ja ta k'a ri samajel ri más ruq'ij ke chuwech ri rajaw ri samaj, ni ta k'a ri jun ri nitaq, man ja ta chuqa' ri' ri más ruq'ij chuwech ri taqayon richin.

Wuj Kichin ri To'onela' 8:23

Jak'a ri Gedeón xubij chike ri ruwinaq: Yin man ninq'et ta tzij pan iwi' rix, ni ta ri nuk'ajol; roma kan ja ri Jehová ri xtiq'aton-tzij pan iwi', xcha'.

1 Sam 10:19

Jak'a re wakami, rix xa xiwetzelaj kan ri qa-Dios ri xkolon kichin ri ite-itata' chuwech ronojel ri tijoj-poqonal y q'axo'n. Y chuqa' xibij chi niwajo' chi nuya' jun rey pan iwi'. Wakami k'a, kixjel-pe chuwech ri Jehová pa taq itzobaj, chi te'ej, chi tata'aj, chi alk'ualaxela' y chi iy-mam, xcha' ri Samuel.

1 Sam 12:1

Ri Samuel xubij chike ri ruwinaq israelita: Yin xinben yan k'a ronojel ri niwajo' rix. Ri xik'utuj chuwe xinya' chiwe, y roma ri' wakami k'o jun i-rey.

1 Sam 12:12

Jak'a toq xitz'et chi ri Nahas ri rey kichin ri amonita xyakatej-pe richin nuben labal iwik'in, jari' toq xibij rix chi niwajo' jun i-rey richin nuq'et-tzij pan iwi', stape' ri rubanon-pe kan ja ri Jehová ri qa-Dios, jari' ri qa-rey roj.

1 Sam 8:22

Jak'a ri Jehová xubij chik chire ri Samuel: Tanimaj kitzij y taya' jun ki-rey richin nuq'et-tzij pa kiwi', xcha'. K'ari' ri Samuel xubij chike ri achi'a' ri k'o kiq'ij chikikojol ri e rijatzul kan ri Israel chi kebiyin chi taq kachoch.

1 Sam 8:8

Kan keri' kibanon-pe kan xaxe toq xenwelesaj-pe pan Egipto, k'a re wakami in kiya'on kan. Y xa xekisamajij ch'aqa' chik dios y kan keri' chuqa' nikiben awik'in rat.