1 Sam 8:6 - Kaqchiquel Bible

⁶ Jak'a ri Samuel man xqa' ta chuwech toq xrak'axaj ri xkibij chire chi tukanoj jun ki-rey y roma ri' rija' xch'on rik'in ri Jehová.

1 Sam 8:6 ပူးပေါင်းရင်းမြစ်များ

Wuj Richin Bix Chire ri Dios 109:4

Yin janila utz xinben kik'in, jak'a rije' xa xe'ok etzelanel wichin. Man rik'in ri' yin kan jantape' yich'on awik'in.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

Ex 32:32

Ajaw, jak'a re wakami nink'utuj utzil chawe richin xtayoj ta jumul ri kimak. Roma wi rat man naben ta keri', xa kan más k'a utz tayojo' ri nubi' chupan ri wuj ri akuchi tz'ibatel wi ri kibi' ri kan e awichin rat, xcha' ri Moisés.

Os 13:10

¿Akuchi k'a k'o-wi ri a-rey richin ta chi yaruchajij rat y ri atinamit? ¿Akuchi k'a ek'o-wi ri to'onela' ri xe'ak'utuj chuwe, toq xabij: Taya' jun qa-rey y ke'aya' aj-raqen richin yek'oje' pa qawi'?, xacha'.

Wuj Richin ri Q'axanri'il 16:15

Y ri Moisés xyakatej janila royowal y roma ri' xubij chire ri Jehová: Man tak'ul ri kisipanik. Rat kan jebel awetaman chi yin man jun bey numajon ta jun ti bur chuwi-kiq'a' y man jun chik ri nubanon ta chike, xcha' chire.

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

1 Sam 10:19

Jak'a re wakami, rix xa xiwetzelaj kan ri qa-Dios ri xkolon kichin ri ite-itata' chuwech ronojel ri tijoj-poqonal y q'axo'n. Y chuqa' xibij chi niwajo' chi nuya' jun rey pan iwi'. Wakami k'a, kixjel-pe chuwech ri Jehová pa taq itzobaj, chi te'ej, chi tata'aj, chi alk'ualaxela' y chi iy-mam, xcha' ri Samuel.

1 Sam 12:12

Jak'a toq xitz'et chi ri Nahas ri rey kichin ri amonita xyakatej-pe richin nuben labal iwik'in, jari' toq xibij rix chi niwajo' jun i-rey richin nuq'et-tzij pan iwi', stape' ri rubanon-pe kan ja ri Jehová ri qa-Dios, jari' ri qa-rey roj.

1 Sam 12:17

Wakami jare' ri q'ij richin nik'ol ri itiko'n richin ri trigo, jak'a yin xkich'on rik'in ri Jehová, richin nuteq-pe koqolajay y job richin xtinabej y xtitz'et chi kan janila nim ri imak ri xiben chuwech ri Jehová, chi xik'utuj jun rey, xcha' ri Samuel.

1 Sam 12:19

K'ari' konojel ri winaqi' xkibij chire ri Samuel: Tabana' utzil kach'on rik'in ri Jehová ri qa-Dios pa qawi' roj ri oj rusamajel richin chi man yojken ta, roma pa ruwi' ronojel ri mak ri qabanon kan xqaben chik re jun mak re', xecha'.

1 Sam 12:23

Roma ri', kan nej ta k'a k'o chuwe yin chi xkimakun chuwech ri Jehová, richin man yich'on ta pan iwi' rix rik'in ri Jehová. Yin xa kan xkixintijoj k'a chupan ri choj laj bey.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.

1 Sam 7:5

Y ri Samuel xuteq koyoxik konojel ri israelita richin tikimolo-ki' pa tinamit Mispá y rija' xkerujech pa ruq'a' ri Jehová.