1 Sam 8:5 - Kaqchiquel Bible

⁵ y xkibij chire: Rat janila chik at ri'j, y ri ak'ajol man nikiben ta achi'el naben rat. Roma ri' wakami niqajo' chi nakanoj jun qa-rey richin nuq'et-tzij pa qawi', achi'el kibanon ri ch'aqa' chik ruwach'ulew, xecha'.

1 Sam 8:5 ပူးပေါင်းရင်းမြစ်များ

Hechos 13:21

Jak'a rije' jun rey ri xkajo' richin niq'aton-tzij pa kiwi'. Y ri Dios kan xuya-wi k'a ri ki-rey. Kawineq juna' ri xq'aton-tzij pa kiwi' ri qati't-qamama'; ri rey ri' xubini'aj Saúl. Rija' ruk'ajol k'a ri Cis. Y ri Saúl jun rijatzul kan ri Benjamín.

1 Sam 12:17

Wakami jare' ri q'ij richin nik'ol ri itiko'n richin ri trigo, jak'a yin xkich'on rik'in ri Jehová, richin nuteq-pe koqolajay y job richin xtinabej y xtitz'et chi kan janila nim ri imak ri xiben chuwech ri Jehová, chi xik'utuj jun rey, xcha' ri Samuel.

Wuj Richin ri Q'axanri'il 23:9

K'a re wawe' pa ruwi' re jun nimalej abej yentzu-wi-qa. K'a re wawe' pa jotol-el chire re juyu' re' yentz'et-wi-qa. Yin yentz'et chi rije' e jun tinamit ri kan kiyon nikajo' yek'oje'. Rije' kan man e junan ta kik'in ri ch'aqa' chik tzobaj winaqi'.

1 Sam 9:20

Y pa ruwi' ri taq bur ri k'o yan chik oxi' q'ij ke'asech, man chik tach'ob, roma xa xe'ilitej yan. Man tach'ob rij, roma ronojel ri k'o rejqalen re wawe' pan Israel, ronojel ri' xtok awichin rat y kichin ri e aj pan awachoch, xcha' ri Samuel.

1 Sam 12:2

Wakami k'a, jare' k'o ri i-rey ri xtiyuqen iwichin. Yin xa in ri'j chik y ri rusumal-nuwi' xsaqir yan roma ri nurijixinen. Y ri walk'ual kan ek'o k'a chi'ikojol y yin kan ix nuyuqen k'a pe k'a re wakami.

1 Sam 12:13

Wakami ja k'a i-rey re' ri xicha' rix. Ri Jehová kan xuya' k'a chiwe ri i-rey ri xik'utuj chuwe.

Wuj Kichin ri To'onela' 8:22

Chirij ri' ri israelita xkibij chire ri Gedeón: Taq'ata-tzij pa qawi', rat y ri awijatzul chuqa', roma xojakol pa kiq'a' ri aj-Madián, xecha'.

1 Sam 10:19

Jak'a re wakami, rix xa xiwetzelaj kan ri qa-Dios ri xkolon kichin ri ite-itata' chuwech ronojel ri tijoj-poqonal y q'axo'n. Y chuqa' xibij chi niwajo' chi nuya' jun rey pan iwi'. Wakami k'a, kixjel-pe chuwech ri Jehová pa taq itzobaj, chi te'ej, chi tata'aj, chi alk'ualaxela' y chi iy-mam, xcha' ri Samuel.