1 Sam 8:11 - Kaqchiquel Bible

¹¹ Y xubij k'a: Ri rey xkeruk'uaj k'a el ri ik'ajol y xkeruya' richin nikiben oyowal pa taq carruaje, o xkeruya' richin xkebe chuwech ri ru-carruaje rija' pa labal.

1 Sam 8:11 ပူးပေါင်းရင်းမြစ်များ

2 Sam 15:1

Chirij k'a ronojel re', ri Absalón xuben-el ruchojmil jun carruaje richin oyowal. Xerukanoj-el kiej, y chuqa' e kawineq lajuj aj-labal richin ye'ik'o-el chuwech ri carruaje.

1 Rey 1:5

Chirij re' ri Adonías ruk'ajol ri David ral ri jun ixoq rubini'an Haguit, xyakatej chirij ri rutata' y xubij chi ja rija' nik'oje' kan pa ruk'exel; y roma ri' xerukanoj carruaje y xerukanoj achi'a' ri yech'oke' chirij kiej richin nikitzeqelibej rija'. Xerukanoj chik e juwineq lajuj achi'a' richin ye'ik'o chuwech.

1 Rey 10:26

Ri Salomón xeruloq' k'a e k'iy ru-carruaje y xek'oje' e k'iy ruwinaq ri yech'oke' chirij kiej. Ronojel k'a ri ru-carruaje e 1,400, y e 12,000 achi'a' ri yech'oke' chirij kiej, ri xerutaluj k'a pa taq tinamit ri akuchi yeyak-wi ri carruaje, y chuqa' ek'o xek'oje' kan rik'in ri chiri' pa Jerusalem.

1 Rey 12:10

Y ri alaboni' ri junan xek'iy rik'in xkibij chire: Ri winaqi' ri xkibij chawe chi ri atata' k'iy ri xuq'et kan pa kiwi' richin nikiben, y nikajo' chi naqasaj juba' ruwi'. Kere' k'a tabij-el chike: Rix k'ayew xina' roma ri xuben ri nata' iwik'in y re' xa man jun ok. Tiwoyobej juba' y xtiwetamaj ri in achike yin.

1 Rey 12:4

Ri atata' k'iy k'a ri ruq'aton kan pa qawi', jak'a wi rat naqasaj ruwi' ri ilinri'il ri ruq'aton kan pa qawi', richin utz ta juba' yojk'ase', roj kan xkatqilij k'a, xecha' chire.

1 Rey 14:27

Y roma ri' ri rey Roboam xeruben kik'exel ri tobel ri xe'uk'uex-el; xeruben k'a rik'in q'enq'oj-pueq, y richin xechajix xerujech pa kiq'a' ri aj-raqen ri yechajin richin ri rachoch rija'.

1 Rey 18:46

Y ri Jehová xuya-el ruchuq'a' ri Elías y xuchojmirisaj-el-ri' richin xanin-el, y xapon nabey chuwech ri Acab pa Jezreel.

1 Sam 10:25

Chirij ri' ri Samuel xuq'alajirisaj chuwech ri tinamit ronojel ri k'o chi nuben ri rey y xutz'ibaj kan chupan jun wuj. Y re wuj re' xuyek kan chupan ri rachoch ri Jehová.

1 Sam 14:52

Ri Saúl kan jantape' k'a nikiben labal kik'in ri aj-Filistea. Roma ri' toq nrak'axaj chi k'o jun achin ri maneq xibinri'il chuwech y kan utz richin labal, jari' ri nroyoj.

1 Sam 22:7

K'ari' ri Saúl xubij chike ri aj-labal ri kisutin-apo-rij: Tiwak'axaj k'a re wakami rix nuwinaq ri oj rijatzul kan ri Benjamín. ¿Ninimaj kami rix chi ri ruk'ajol ri Isaí, nuya' iwulew ri tikon chik uva chuwech, o yixruya' aj-raqen pa kiwi' e 1,000, o aj-raqen pa kiwi' ch'aqa' chik tzobaj?

1 Sam 8:9

Wakami k'a tanimaj kitzij xaxe k'a taq'alajirisaj chikiwech, ri achike k'a xtuben ri rey kik'in toq xtik'oje' pa kiwi', xcha' ri Dios chire ri Samuel.