1 Sam 7:6 - Kaqchiquel Bible

⁶ Kan xkimol k'a ki' chiri' pa Mispá. Xkelesaj ya', y xkitix pan ulew chuwech ri Jehová richin jun sipanik. Kan man xewa' ta ri q'ij ri' richin chi konojel xkik'ut chi kan qitzij xtzolej-pe kik'u'x y xkibij: Kan qitzij na wi oj makuwineq chuwech ri Jehová, xecha'. Y ja ri Samuel xq'aton-tzij pa kiwi' ri israelita chiri'.

1 Sam 7:6 ပူးပေါင်းရင်းမြစ်များ

Wuj Richin ri Rutikeribel 31:49

Y chuqa' ri chiri' xubini'aj kan Mispá, roma ri Labán xubij: Kan ja ta k'a ri Jehová xtitz'eton qichin toq man xtiqatz'et ta chik qi'.

2 Sam 14:14

Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

1 Rey 8:47

Y wi chupan ri ruwach'ulew ri akuchi xe'uk'uex-wi el, xtitzolin-pe kik'u'x awik'in y nikik'utuj kuyubel kimak chawe y xtikibij chi rije' xemakun, xkijel rubanik ri apixa' y xkiq'ej ruwi' jumul,

1 Crón 11:18

Toq xkak'axaj re oxi' achi'a' re' ri kan janila kuchuq'a' y man nikixibij ta ki', xeq'ax chikikojol ri aj-Filistea ri ek'o pa taq'aj, richin xbekelesaj juba' ya' chupan ri pozo ri k'o chuchi' ri Belén. Y xkik'uaj k'a el chire ri David. Jak'a ri David xa man xuqum ta. Xa xutix chuwech ri Jehová richin jun sipanik,

2 Crón 20:3

Toq ri Josafat xrak'axaj keri', xuk'en janila rukiy y kan jari' xuk'ulubej ri Jehová; y chuqa' xutaluj rutzijol chupan ri rajawaren chi konojel winaqi' kemewayin.

Wuj Richin ri Nehemías 9:27

Roma ri' xe'ajech pa kiq'a' ri e etzelanel kichin, richin xeya'ox pa tijoj-poqonal. Jak'a toq rije' xesik'in awik'in, rat kan k'a chila' chikaj xawak'axaj-pe ri raqoj-chi'ij ri'. Y roma k'a janila xajoyowaj kiwech, xe'ateq k'a pe koloy kichin, richin chi xekikol pa kiq'a' ri etzelanel kichin.

Wuj Richin ri Achin Job 16:20

Stape' ri wachibil kan janila yinketzelaj, yin kan chuwech ri Dios yinoq'-wi, richin chi kiruto'.

Wuj Richin ri Achin Job 3:24

Y keri' yin, roma ri nuq'axo'n, xa man yiwa' ta. Ri ruya'al nuwech nibiyin y nich'otot-qa pan ulew.

Wuj Richin ri Achin Job 33:27

K'ari' rija' xtapon kik'in ri ch'aqa' chik winaqi' y xtubij chike: Yin kan man pa ruchojmilal ta xinben, xa xinyoj rubanik ri choj, jak'a ri Dios man xuya' ta ruk'ayewal pa nuwi', achi'el ri ruk'amon.

Wuj Richin ri Achin Job 40:4

Yin xa man jun ok ri wetamabal, man ninwajo' ta chi nojin man nojin ri yenbij-apo chawe; xa más utz nintz'apej re nuchi' rik'in re nuq'a'.

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

Wuj Richin Bix Chire ri Dios 106:6

Roj kan yojmakun k'a achi'el xemakun ri qati't-qamama'. Kan xeqabanala' k'a ri itzel taq banobel. Xeqabanala' k'a banobel ri man e utz ta.

Wuj Richin Bix Chire ri Dios 119:136

Yin kan yinoq' k'a roma q'axo'n, roma yentz'et ri winaqi' chi man nikitaqej ta ri apixa'.

Wuj Richin Bix Chire ri Dios 42:3

Kan chi paq'ij chi chaq'a' k'a yinoq' chawech rat. Ri woq'ej jari' ri nuway. Jak'a ri winaqi' chaq palik nikibij chuwe: ¿Akuchi k'a k'o-wi ri a-Dios richin yaruto'?

Wuj Richin Bix Chire ri Dios 6:6

Yin kan xirijix yan k'a roma oq'ej. Ronojel aq'a' janila yinoq' pa nuwarabel. Kan xch'eqe' yan k'a ri nuch'at rik'in ri ruya'al runaq'-nuwech.

Wuj Richin Bix Chire ri Dios 62:8

Chi'iwonojel rix winaqi', jantape' tikuquba' ik'u'x rik'in. Titzijoj chire ronojel ri k'o pan iwánima, roma rija' kan jari' ri qatobal.

Wuj Richin ri Jeremías 31:19

Toq k'a oj k'ajol na, kan xqach'er-el-qi' awik'in, jak'a re wakami xtzolin-pe qak'u'x y kan niqaya' chiqij ri qamak. Kan niq'ax k'a chiqawech ri xqaben y roma ri' oj k'ixbitajineq y kan qajineq qaq'ij, yecha' ri aj-Israel.

Wuj Richin ri Jeremías 9:1

Jebel ta ri' xa ta ri runaq' taq nuwech achi'el ta jun ya' ri nalex-pe chaq k'ate' y nichoxin ta pe ri ruya'al-nuwech richin yinoq' chi paq'ij chi chi'aq'a', koma ri nuwinaq e kaminaqi' richin ri nutinamit.

Wuj Richin ri K'uxla'anik 2:11

Ri woq'ej kan nuk'is k'a ruchuq'a' ri runaq'-nuwech. Ri nupan kan achike na k'a nuben roma ri q'axo'n. Kan niq'axon ri wánima roma nintz'et ri tijoj-poqonal ri nikik'owisaj ri nuwinaq; roma ri ak'uala' y ri neneya' e punupuxineq pa taq bey richin ri tinamit.

Wuj Richin ri K'uxla'anik 3:49

Kan man yitane' ta chi oq'ej, roma man jani ninwil uxlanibel-k'u'x.

Wuj Richin ri K'uxla'anik 5:16

Ri ruwaq'ijaj ri xk'oje' qik'in xa kan xk'is k'a jumul. Kan toq'ex k'a qawech wakami roma kan xojmakun.

Ez 20:4

Jak'a rat Ezequiel, kan taq'ata' k'a tzij pa kiwi' rije' y taq'alajirisaj chikiwech ri itzel taq kibanobal ri ite-itata'.

Os 5:1

Ri Jehová nubij: Rix sacerdote kan tiwak'axaj k'a ri xtinbij. Tinamit Israel, kan tiya' k'a ixikin chire ronojel re', rix ri ix aj pa rachoch ri rey kan tiwak'axaj k'a. Ronojel ri q'atoj-tzij ri xtiberuya' ri Dios, kan pan iwi' k'a rix xtiqaqa-wi ronojel. Rix xa kan xixok k'a jun pikbel chupan ri tinamit Mizpá, achi'el jun ya'l ri rik'il, keri' xiben pa ruwi' ri juyu' Tabor.

Joel 2:12

Jak'a ri Jehová nubij chiwe chi kan k'a yixtikir na nitzolej-pe ik'u'x rik'in. Nubij chi kixmewayin, kixoq' y kixbison richin nik'ut chi rix nitzolej ik'u'x rik'in.

Wuj Richin ri Chojmirisabelri'il 16:29

Jak'a ruchojmilal re' ri xinya' chiwe richin jantape' niben y xtiben chupan ri q'ij lajuj chire ri ik' wuqu'. Chupan ri q'ij ri' man k'a yixsamej ta, nichajij-iwi' y man k'a yixwa' ta, roma ri q'ij ri' kan janila rejqalen, keri' niben rix y keri' chuqa' ri man e iwinaq ta ri ek'o chi'ikojol.

Wuj Richin ri Chojmirisabelri'il 26:40

Stape' ri iwijatzul, xtikiya' chikij ri itzel taq kibanobal rije' y chuqa' ri kichin ri kite-kitata', roma konojel rije' man xkinimaj ta nutzij; y xa xkipaba-ki' chinuwech.

San Lucas 15:18

Más utz kitzolin na rik'in ri nata', y xtinbij k'a chire chi ximakun chuwech ri Dios, y ximakun chuqa' chuwech rija'.

Wuj Richin ri Josúe 18:26

Mispá, Quefirá, Mosá,

Wuj Kichin ri To'onela' 10:10

K'ari' ri israelita xesik'in chire ri Jehová y xkibij: Roj kan oj makuwineq chawech, roma at qamalin kan y e qasamajin ch'aqa' chik dios, xecha'.

Wuj Kichin ri To'onela' 10:15

Jak'a rije' xkik'utuj utzil chire ri Jehová y xkibij: Roj kan oj makuwineq-wi chawech. Wakami k'a tabana' qik'in ri achike niqa' chawech rat; xaxe niqak'utuj utzil chawe richin qojakolo' chupan re q'ij re', xecha'.

Wuj Kichin ri To'onela' 2:4

Toq ri ángel richin ri Jehová xubij ronojel re' chike ri e rijatzul ri Israel, jari' toq xesik'in-q'anej chi oq'ej.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

Wuj Kichin ri To'onela' 20:26

Y roma ri' konojel ri aj-labal israelita y konojel ri winaqi' xebe chik jun bey pa rachoch ri Jehová, y xetz'uye' y xe'oq' chuwech, y man xewa' ta ri jun q'ij ri' k'a toq xok na ri aq'a'; y xkisuj kamelabel ri niporox chijun y chuqa' xkisuj sipanik richin nikiq'alajirisaj chi junan kiwech rik'in rija'.

Wuj Kichin ri To'onela' 3:10

Ri Espíritu richin ri Jehová xpe rik'in ri Otoniel richin nuya' ruchuq'a', y xuq'et-tzij pa kiwi' ri ruwinaq, y xbe pan oyowal, y xuchop oyowal rik'in ri Cusán-risataim rey richin Siria, y ri Jehová xujech pa ruq'a' ri Otoniel, re rey re'.

1 Sam 1:15

Y ri Ana xubij chire: Ni, yin man in q'abarel ta, ni man nuqumun ta pe vino. Yin xa janila niq'axon ri wánima y jari' ri ninbij chire ri Jehová.

1 Sam 10:17

Chirij k'a ronojel re', ri Samuel xeroyoj ri tinamit richin nikiya' ruq'ij ri Jehová chiri' pa Mispá.

1 Sam 12:10

Y ri qawinaq xtzolej k'a kik'u'x y xkibij: Jehová, roj kan xojmakun chawech, roma xatqamalij kan y xeqasamajij ri Baal y ri Astarté. Tabana' jun utzil, qojakolo' pa kiq'a' ri etzelanel qichin, y kan xkatqasamajij k'a, xecha'.

1 Sam 7:15

Y ri Samuel chijun k'a ruk'aslen xq'aton-tzij pa kiwi' ri ruwinaq.