1 Sam 7:4 - Kaqchiquel Bible

⁴ K'ari' ri winaqi' israelita xekelesaj-el ri Baal y chuqa' ri Astarté y k'ari' xkisamajij kan xaxe ri Jehová.

1 Sam 7:4 ပူးပေါင်းရင်းမြစ်များ

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

1 Rey 11:5

roma ri Salomón xa xuya' ruq'ij ri dios ixoq rubini'an Astarté ri ki-dios ri aj-Sidón y ri itzel wachibel richin Milcom, ri ki-dios ri aj-Amón.

1 Rey 8:48

jari' toq xkech'on awik'in. Wi kan rik'in ronojel kánima xtitzolej-pe kik'u'x awik'in rat, stape' k'a ek'o na chupan ri kiruwach'ulew ri e etzelanel qichin, y wi yech'on ta awik'in rat Jehová pa ruchojmilal re awachoch re xinpaba-q'anej ri akuchi niya'ox-wi aq'ij ak'ojlen, chupan re atinamit Jerusalem, chupan re qaruwach'ulew ri xaya' chike ri qati't-qamama',

2 Rey 23:15

Ri Josías xbe pa Betel ri akuchi k'o-wi ri porobel ri xuben kan ri Jeroboam ri ruk'ajol ri Nabat, ri xuben chi ri israelita xemakun, ri akuchi nikiya' kiq'ij wachibel. K'ari' ri Josías chaq k'ate' xutz'et muqbel ri ek'o chiri', xuben chi xe'elesex-pe ri baq ri ek'o chupan, y ri baq ri' xeruporoj pa ruwi' ri porobel richin nuben chire chi man jun rejqalen, kan achi'el ri ruch'abel ri Jehová ri xuq'alajirisaj kan ri achin richin ri Dios toq xch'on chirij ronojel re'. Chirij ri' xuwulaj ri porobel y xuporoj ri paban-che' richin Asera y ronojel ri ek'o chiri'.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Os 14:8

Ri tinamit Israel kan xtubij chik k'a: Wakami xa kan man yek'atzin ta chik chuwe ronojel ri wachibel, xticha'. Yin Jehová kan xkenwak'axaj k'a y xtinchajij chik ri nutinamit. Yin kan xkinok k'a chike rije' achi'el jun che' chej ri kan rex-rex rubanon, ri nutinamit kan jantape' k'a xtikil ri kiway wik'in yin, nicha' ri Jehová.

Wuj Kichin ri To'onela' 2:11

Ri e rijatzul ri Israel xkichop k'a rubanik itzel taq banobel chuwech ri Jehová, y kan xekisamajij ri wachibel kichin ri dios kibini'an Baal.

Wuj Kichin ri To'onela' 2:13

Xkimalij k'a kan ri Jehová, y xkiya' ruq'ij ri Baal y ri dios ixoq rubini'an Astarot.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.

1 Sam 7:5

Y ri Samuel xuteq koyoxik konojel ri israelita richin tikimolo-ki' pa tinamit Mispá y rija' xkerujech pa ruq'a' ri Jehová.