1 Sam 7:17 - Kaqchiquel Bible

¹⁷ Y toq nitzolin-pe chi kitz'etik re tinamit re', k'ari' napon pa tinamit Ramá, roma chiri' k'o-wi ri rachoch. Y chiri' nuq'et-tzij y chiri' xuben-q'anej jun porobel richin ri Jehová.

1 Sam 7:17 ပူးပေါင်းရင်းမြစ်များ

1 Sam 1:19

Toq xkiya' yan ruq'ij ri Jehová, ri ruka'n q'ij nimaq'a' yan xeyakatej y xetzolin k'a pa kachoch kela' pa Ramá. Chirij re' ri Elcaná xk'oje' k'a rik'in ri Ana. Y jari' toq ri Jehová xoqaqa k'a chuk'u'x ri k'utunik ri rubanon ri Ana.

1 Sam 8:4

Roma ri' xkimol k'a ki' konojel ri e aj-raqen chikikojol ri e rijatzul ri Israel, y xebe pa Ramá richin yebech'on rik'in ri Samuel,

1 Sam 1:1

Chupan ri ruwach'ulew Israel, k'o k'a jun achin rubini'an Elcaná, aj-Ramá, chiri' chuwa taq juyu' richin ri Efraín. Ri Elcaná ruk'ajol ri Jeroham, rumam ri Elihú y ruxikin-rumam ri Tohu. Y ri Tohu ruk'ajol kan ri Suf aj-Efraín.

1 Sam 11:15

Chijun k'a tinamit Israel xebe pa Guilgal, y chiri' xkijikiba-wi ri ruq'atbal-tzij ri Saúl. Y konojel k'a ri winaqi' xenimaq'ijun chuwech ri Jehová chiri' pa Guilgal y xekisuj k'a sipanik richin nuq'alajirisaj chi junan kiwech rik'in ri Jehová. Y ri Saúl janila xkikot y keri' chuqa' konojel israelita.

Wuj Richin ri Rutikeribel 35:7

Chiri' xuben-wi-q'anej jun porobel richin xusuj kamelabel, y xubij chire ri tinamit ri' Ri Dios Richin Ri Betel, roma chiri' xuk'ut-wi-ri' ri Dios toq animajineq-el chuwech ri runimal.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.

1 Sam 2:11

K'ari' ri Ana y ri Elcaná xetzolin-el pa kachoch k'a pa Ramá. Y ri ak'ual xk'oje' kan pa ruq'a' ri sacerdote Elí richin nusamajij ri Jehová.

1 Sam 9:12

Y ri xtani' ri' xkibij: Ja' wawe' k'o-wi; xaxe chi'anin kixbiyin rik'in, roma k'a juba' toqaqa chupan re tinamit re' y niberusuju' jun kamelabel chila' pa ruwi' juyu'.

1 Sam 14:35

K'ari' ri Saúl xupaba-q'anej jun porobel richin kamelabel chuwech ri Jehová. Y ja nabey porobel re' ri xuben rija'.

1 Sam 15:34

Chirij ri' ri Samuel xbe pa Ramá, y ri Saúl xtzolin-el pa rachoch chiri' pa Guibeá.

1 Sam 28:3

Ri Samuel xken yan el y chijun tinamit Israel kan janila xkibisoj. Xkimuq k'a pa rutinamit chiri' pa Ramá. Y ri rey Saúl e relesan chik k'a el chupan ri kiruwach'ulew konojel ri yek'uluben kaminaqi' y ri nikibananej chi ketaman ri peteneq chikiwech.

Wuj Richin ri Isaías 10:29

Nikiq'axaj-el ri ti raqen-ya', chiri' pa tinamit Gueba yek'oje-wi-qa. Ri winaqi' aj-Ramá yebaybot roma xibinri'il, y ri aj-Guibeá, akuchi xk'oje-wi ri Saúl, xa ye'animej-el.

Wuj Kichin ri To'onela' 4:5

Ri rutinamit re ixoq re' k'o chuwi' taq juyu' richin ri Efraín. Ronojel q'ij rija' nitz'uye' chuxe' jun che' palma ri k'o chiri' chikikojol ri tinamit Ramá y Betel; roma ri' ri che' ri' nibix Palma Richin Débora chire. Ri e rijatzul kan ri Israel, k'a chiri' k'a ye'apon-wi-q'anej rik'in richin nuq'et-pe tzij pa kiwi'.

Wuj Kichin ri To'onela' 6:24

K'ari' ri Gedeón xupaba-q'anej jun porobel chuwech ri Jehová. Re porobel re' xubini'aj Jehová Richin Uxlanibel-K'u'x, y re porobel re' k'a k'o na chiri' pa tinamit Ofrá, akuchi ek'o-wi ri e rijatzul ri Abiézer.