1 Sam 7:1 - Kaqchiquel Bible

¹ Xebe k'a ri aj-Quiriat-jearim y xbekik'ama' ri káxa richin ri jikibel-tzij. Xbekiya' kan pa rachoch ri jun achin rubini'an Abinadab ri k'o pa jun ruwa-juyu'. Rija' k'o jun ruk'ajol rubini'an Eleazar y re ala' re' xkicha' k'a richin ja rija' nichajin ri káxa ri'.

1 Sam 7:1 ပူးပေါင်းရင်းမြစ်များ

1 Crón 13:3

Richin keri' niqak'en-pe ri rukáxa ri qa-Dios, roma kan pa ruq'ijul kan ri Saúl, jari' toq qamalin kan, xcha' ri David.

Wuj Richin Bix Chire ri Dios 132:6

Ri chiri' pa tinamit Efrata, yin y ri wachibil xqak'axaj k'a jun rutzijol pa ruwi' ri káxa, y xojbe chutz'etik chiri' pa juyu' richin Jáar.

Wuj Richin ri Isaías 52:11

Tich'ara-pe-iwi' kik'in ri aj-Babilonia, y kixel-pe. Jak'a man ke'ichop ri man e ch'ajch'oj ta, Kan tich'ara-pe-iwi' kik'in, y tich'ajch'ojirisaj-iwi' rix, ri yixuk'uan ri samajibel richin ri rachoch ri Jehová.

Wuj Richin ri Josúe 18:14

Ri ruk'ulba't ri k'o pa qajbel-q'ij chire ri ruwach'ulew nitiker-pe pa Bet-horón, y nuchojmij-el-ri' pa xokon y napon k'a pa rutinamit Baal ri chuqa' nibix Quiriat-jearim chire; re tinamit re' kichin ri e rijatzul kan ri Judá. Jari' ri k'ulba't ri k'o pa qajbel-q'ij.

Wuj Richin ri Josúe 9:17

Y ri achi'a' e rijatzul ri Israel xe'el k'a el, y pa rox q'ij xe'apon pa kitinamit ri achi'a' ri', y ri kitinamit ja ri Gabaón, Quefirá, Beerot y Quiriat-jearim.

1 Sam 6:21

Y xekiteq k'a q'anej achi'a' richin xbekiya' rutzijol chike ri winaqi' aj-Quiriat-jearim y xkibij: Ri aj-Filistea xkitzolij-pe ri káxa. Wakami kixbiyin k'a y tibek'ama', xecha'.

1 Sam 7:2

Y xq'ax yan k'a juwineq juna' chi tapon ri káxa pa Quiriat-jearim. Y konojel ri israelita kan janila nikirayij nikikanoj ri Jehová.