1 Sam 6:5 - Kaqchiquel Bible

⁵ Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.

1 Sam 6:5 ပူးပေါင်းရင်းမြစ်များ

Wuj Richin ri Josúe 7:19

Jari' toq ri Josué xubij chire ri Acán: Kan chuwech k'a ri Jehová ri qa-Dios tabij ri qitzij, y tabij chuwe wakami achike ri xaben. Man k'a tawewaj chinuwech, xcha'.

1 Sam 5:11

Y roma ri nimalej xibinri'il ri k'o kik'in, roma ri' xkiteq k'a koyoxik ri e tata'al kichin ri aj-Filistea y xkibij chi tikik'uaj-el ri káxa y tikibetzolij kan ri akuchi kik'amon-wi-pe, richin keri' man yerukamisaj ta chik, roma xkich'ob chi ri Dios kan xunimirisaj ri ruk'ayewal pa kiwi'.

San Juan 9:24

K'ari' ri fariseo xkoyoj chik k'a jun bey ri achin ri nitzu'un chik, y xkibij chire: Tabij chiqe ri qitzij ri xk'uluwachitej. Roj qetaman chi ri Jesús ri' jun achin aj-mak, xecha'.

Wuj Richin ri Isaías 42:12

Kan tiqaya' ruq'ij ri Jehová, y chuqa' chi'iwonojel rix ri ixk'o pa taq'aj ruwach'ulew.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Wuj Richin Bix Chire ri Dios 32:4

Kan chi paq'ij chi chaq'a' xinna' ralal ri aq'a' rat Jehová. Kan xichaqi'j-qa jumul ninna' yin, achi'el jun kotz'i'j toq nichaqi'j-qa roma ri k'aten richin saq'ij.

1 Sam 5:9

Y toq kiq'axan chik pe pa Gat, ri Jehová xuya' pa poqon ri tinamit ri'. Xuya' sipojik chike ri kan k'o rujeleb, richin nikiq'axaj ri ruk'ayewal. Y ri yabil ri' xeruchop chi ch'uti'q chi nima'q.

Apocalipsis 16:9

Y kan keri' k'a xk'uluwachitej, ri q'ij kan itzel-wi chi k'atik xuben ri chike ri winaqi' y man rik'in ri' ri winaqi' kan man xubij ta juba' kánima chi xtzolej ta kik'u'x rik'in ri Dios o xkiya' ta chuqa' ruq'ij-ruk'ojlen. Pa ruk'exel ri' xa xkiyoq' rubi' ri Dios ri taqayon-pe ri ruk'ayewal.

Apocalipsis 14:7

Y rik'in ronojel ruchuq'a' nubij: Tik'oje' rukiy ri Dios chiwech y tiya' ruq'ij ruk'ojlen, roma ri q'ij richin chi nuq'et-tzij xa xoqaqa. Tiya' ruq'ij ri Dios ri xbanon ri kaj y ri ruwach'ulew, ri palou y ri ralaxibel taq ya', nicha'.

Apocalipsis 11:13

Y kan chupan ri ramaj ri' xpe jun nimalej silonel, y xwulatej ri jun ri lajuj chire ri Jerusalem. Y xeken k'a e 7,000 winaqi' roma ri silonel ri'. Jak'a ri xek'ase' kan, janila xkixibij-ki' y xkiya' ruq'ij-ruk'ojlen ri Dios.

Wuj Richin ri Malaquías 2:2

Wi rix man xtiwak'axaj ta y wi man xtinimirisaj ta ri nimalej nubi' rik'in ronojel ri iwánima, yin Jehová in k'iytisanel richin ronojel kan xtinwoyoj k'a pe ri itzel pan iwi'. Y pa ruwi' ri urtisanik ri ik'ulun chik wik'in yin, xa xtiqaqa itzel pan iwi'.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

Wuj Richin ri Isaías 19:1

Ri Dios xuteq-pe rutzijol ri xtibebanatej pa ruwi' ri ruwach'ulew Egipto, y jare' k'a: Titz'eta' chi ri Jehová peteneq pa jun sutz', ri anineq peteneq pa ruwach'ulew Egipto. Y konojel k'a ri kiwachibel ri ch'aqa' chik dios kan xkebaybot chuwech. Chuqa' ri winaqi' ri ek'o chiri' kan xtimayamo-qa ri kánima.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Wuj Richin Bix Chire ri Dios 39:10

Jak'a re wakami tawelesaj pa nuwi' re ruk'ayewal re', roma xa kan yik'is yan qa roma re awoyowal re aya'on-pe pa nuwi'.

Wuj Richin Bix Chire ri Dios 18:44

Kan xaxe k'a xkak'axaj ri nuch'abel, kan xkinimaj ri nutzij. Chuqa' ri man e nuwinaq ta, kan xkiqasaj-ki' chinuwech.

Wuj Richin ri Q'axanri'il 33:4

rokik rije' yekimuq ri nabey taq kik'ajol, roma ja ri Jehová ri xbanon richin xeken toq xuq'et-tzij pa kiwi' ri ki-dios.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 8:24

Ri Jehová kan keri' xuben y xepe ri amolo'. Kan yejopop k'a, xe'ok pa rachoch ri rey, ri pa taq kachoch ri rusamajela' y chijun ruwach'ulew richin Egipto. Xkinojisaj k'a chijun ri ruwach'ulew y xabakuchi k'a ye'okiyaj y yeqajlan-wi.

Ex 8:17

Y rije' kan keri' xkiben. Ri Aarón xuneq rik'in ri ruch'ame'y ri ruwi' ri poqolaj y kan jari' ronojel ri poqolaj ri k'o pan Egipto xok xenen y kan xek'oje' k'a xenen chikij ri winaqi' y ri chikopi'.

Ex 8:5

Jari' toq ri Jehová xubij chire ri Moisés chi ri Aarón tutzeqej ri ruch'ame'y pa kiwi' ri raqen taq ya' chi ch'uti'q chi nima'q y pa kiwi' ri ya' ri e rimil pa taq ulew, richin xkebetz'ukutej-pe xkalet y nikinojisaj ri ruwach'ulew Egipto.

1 Sam 6:8

K'ari' tiya-el ri káxa chupan ri carruaje. Chuqa' tiya-el jun chik káxa chupan y niya-el chupan ri wachibel ri e banon rik'in q'anapueq richin niqasuj ri sipanik richin niqatoj ri itzel qabanobal chuwech ri ki-Dios ri aj-Israel. Y k'ari' niya-el q'ij chike ri wákix richin yebe kiyon.

1 Crón 16:28

Kan rik'in ri Jehová k'o-wi ri k'ojlen y kan rik'in rija' k'o-wi ri uchuq'a'. Roma ri' roj ri oj aj pa qachoch, kan tiqaya' k'a ruq'ij-ruk'ojlen ri Jehová.

1 Crón 16:29

Kan ruk'amon richin niqanimirisaj ri nimalej rubi' ri Jehová. Kan tiqak'ama-pe sipanik chuwech; kan xtiqaxuk-xtiqamej-qi' chuwech ri loq'olej ruk'ojlemal rija'.

Wuj Richin ri Jonás 3:9

Rik'in juba' rik'in re' ri Dios xqojrukuy, y xtiqaqa ruwi' ri royowal pa qawi' y man xqojken ta, xecha'.