1 Sam 6:20 - Kaqchiquel Bible

²⁰ Y ri aj-Bet-semes xkibij: ¿Achike k'a xtitikir xtipa'e' chuwech ri Jehová ri Loq'olej Dios? ¿Achoq ik'in chik k'a xtibe-wi ri káxa toq xtel-el qik'in roj?, xecha'.

1 Sam 6:20 ပူးပေါင်းရင်းမြစ်များ

2 Sam 6:7

Y ri Jehová xyakatej janila royowal chirij ri Uzá roma xuben chire ri káxa chi xa maneq rejqalen. Y roma ri' ri Dios xuben chi xken kan chiri', y xtzaq-qa pan ulew chuxikin ri káxa.

2 Sam 6:9

Y chupan ri q'ij ri' ri David kan xuk'en rukiy ri Jehová, y xubij: Wakami más utz man nink'uaj ta ri káxa ri richin ri Jehová akuchi ink'o-wi yin, xcha'.

Wuj Richin Bix Chire ri Dios 76:7

Kan xaxe wi k'a rat ri k'o akiy ¿Achike ta k'a wineq xtitikir xtupaba-ri' chawech toq awoyowal?

Wuj Richin ri Chojmirisabelri'il 11:44

Ja yin Jehová ri i-Dios, y man jun chik ri achi'el ta yin. Y roma rix ijachon chik iwi' chuwe yin, roma ri' rix k'o chi man yixmakun achi'el nikiben ri ch'aqa' chik winaqi'; rix xa kan ix ch'ajch'oj-wi y roma ri' man tiben chi yixok man ch'ajch'oj ta koma ri chikopi' ri'.

Wuj Richin ri Chojmirisabelri'il 11:45

Yin Jehová ri xinelesan-pe iwichin ri chiri' pan Egipto richin chi xinok i-Dios. Roma ri' man ix junan ta kik'in ri ch'aqa' chik winaqi', kan ruk'amon chi rix ix ch'ajch'oj, roma yin kan in ch'ajch'oj-wi, xcha' ri Jehová chike.

Wuj Richin ri Malaquías 3:2

Ri q'ij toq xtipe ri Jehová, kan xtuben achi'el ri q'aq' ri nujosq'ij ri ch'ich' y achi'el chuqa' nich'ajch'ojirisan ri xabon. Ri q'ij ri' kan man jun xtitikir xtikoch'o.

San Lucas 5:8

Toq ri Simón ri nibix chuqa' Pedro chire, xutz'et re jun meyel banobel re' xbexuke' chuwech ri Jesús, y xubij chire: Wajaw, man ruk'amon ta k'a chi yak'oje-pe wik'in, roma yin in jun aj-mak, xcha'.

San Lucas 8:37

K'ari' konojel ri winaqi' aj-Gerasa xkik'utuj nimalej utzil chire ri Jesús chi man tik'oje-qa chiri' roma kixibin-ki' janila. Roma ri' ri Jesús e rachibilan ri rutijoxela' xok-el pa barco y xtzolin.

Apocalipsis 6:17

Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.

1 Sam 5:7

Toq xkitz'et ronojel re', ri aj-Asdod xkibij: Man niqajo' ta chik nik'oje' ri káxa richin ri rujikibel-tzij ri ki-Dios ri aj-Israel wawe' qik'in, roma re Dios re' xa janila nuya' tijoj-poqonal pa qawi' y kan keri' chuqa' nuben rik'in ri qa-dios Dagón, xecha'.