1 Sam 6:17 - Kaqchiquel Bible

¹⁷ Ri wo'o' wachibel ri e banon rik'in q'anapueq xkiteq-pe ri aj-Filistea chire ri Jehová richin kuyubel kimak ri wo'o' tinamit: ri Asdod, ri Gaza, ri Ascalón, ri Gat y ri Ecrón.

1 Sam 6:17 ပူးပေါင်းရင်းမြစ်များ

2 Sam 1:20

Man tiya'ox rutzijol chiri' pa tinamit Gat. Man titzijox ri pa taq nima'q ruwech bey richin molojri'il chiri' pan Ascalón; richin man yekikot ri kimi'al ri aj-Filistea; richin man yetzopin roma kikoten ri kimi'al ri achi'a' ri man e qawinaq ta.

2 Sam 21:22

Keri' ri e kaji' achi'a' nima'q kipalen aj-Gat xetzaq pa ruq'a' ri David y pa kiq'a' ri aj-labal.

2 Rey 1:2

Y ri Ocozías, rey richin ri ruwach'ulew Israel, xbetzaq-pe pa ventana ri k'o-q'anej pa ruka'n wiq y janila xkajtej. Y roma ri' xeroyoj ri rusamajela', y xubij-el chike chi tibekik'ulubej ri Baal-zebub, ri dios kichin ri winaqi' aj-Ecrón, y tikik'utuj chire wi nik'achoj-q'anej chire ri kajtajik.

2 Crón 26:6

Xberubana' k'a oyowal kik'in ri aj-Filistea y xuwulaj k'a ri tz'aq ri rusutin-rij ri tinamit Gat, ri rusutin-rij ri tinamit Jabnia y ri rusutin-rij ri tinamit Asdod. Rija' kan xerupaba-q'anej ch'aqa' chik tinamit chunaqaj ri tinamit ri', pa kiruwach'ulew ri aj-Filistea.

Wuj Richin ri Jeremías 25:20

Xinya' chuqa' chike konojel ri winaqi' ri ek'o pa ruwach'ulew Us y chike ri e ki-rey, chike ri aj-Filistea y ri ki-rey: Ri tinamit Ascalón, ri Gaza, ri Ecrón y ri juba' ri k'a ek'o kan chire ri tinamit Asdod,

Wuj Richin ri Chojmirisabelri'il 5:7

Wi man nitikir ta nuk'en-pe jun karne'l o jun tzuntzun roma maneq rik'in richin nuloq'bej, utz nuk'en-pe chinuwech ka'i' paloma e nima'q o e ka'i' taq kokoj, ri jun richin nikuyutej ri rumak, y ri jun chik richin niporox chijun.

Am 1:6

Kere' nubij ri Jehová pa kiwi' ri aj-Filistea: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom.

Am 6:2

Kixbiyin k'a pa tinamit Calné ri wulutajineq. Tiwetamaj kan jebel ri xbanatej rik'in ri tinamit Hamat. Kixxule-qa pa Gat chupan ri kiruwach'ulew ri aj-Filistea. ¿K'o kami más iwejqalen rix chikiwech rije'?

Deut 28:27

Ri Jehová xtuben chiwe richin xtitej poqon rik'in yabil achi'el ri awas achi'el xpe chike ri aj-Egipto. Xtipe sipojik chiwij ri kan k'o rujeleb, ch'a'k y sal ri kan janila ruk'aqatil y man jun ri xtik'achoj chik chire ri yabil ri'.

Wuj Kichin ri To'onela' 1:18

Chuqa' xkich'ek ri tinamit Gaza, ri Ascalón, ri Ecrón y chuqa' ri winaqi' ri ek'o pa taq'aj ri ek'o chuchi' ri palou; jak'a man xetikir ta xekoqotaj-el chiri', roma ri aj chiri' kan k'o ki-carruaje ri banon rik'in ch'ich'. Jak'a ri Jehová kan k'o-wi kik'in ri tzobaj richin Judá; y roma ri' xetikir xekich'ek ri tinamit ri ek'o chuwi' taq juyu'.

Wuj Kichin ri To'onela' 14:19

Y ri Espíritu richin ri Jehová xuya' k'a ruchuq'a' ri Sansón, y roma ri' rija' xbe pa tinamit Ascalón, y xerukamisaj e juwineq lajuj achi'a' ri e aj chiri'. Y xumej k'a pe ri kitziaq, y xuya' k'a ronojel ri jal tzieq ri' chike ri e juwineq lajuj alaboni' ri xeq'alajirisan ri tzij, ri xubij rija'. Y yakatajineq k'a janila royowal, xtzolin pa rachoch ri rutata'.

Wuj Kichin ri To'onela' 16:1

K'o k'a jun q'ij ri Sansón xbe pa tinamit Gaza y chiri' xutz'et jun ixoq itzel ruk'aslen y xk'oje' rik'in.

Wuj Kichin ri To'onela' 16:21

Y ri aj-Filistea xkichop y xkelesaj ri ka'i' runaq'-ruwech y xkik'uaj k'a pa tinamit Gaza y xkixim rik'in cadena ri banon rik'in q'enq'oj-pueq, y xkiben chire richin nusutij ri abej jok'bel, ri nukusex ri chiri' pa cárcel.

1 Sam 5:1

Ri aj-Filistea xkelesaj-el ri káxa richin ri jikibel-tzij ri Dios pa tinamit Eben-ézer y xkik'uaj pa tinamit Asdod.

1 Sam 5:10

Y k'ari' xbekiya' chik kan ri káxa pa tinamit Ecrón. Jak'a toq xapon chiri', ri aj-Ecrón xesik'in roma xibinri'il y xkibij chi ri káxa ri' xapon kik'in xaxe richin yeruk'is.

1 Sam 5:8

Y xtaq k'a koyoxik ri e tata'al chikikojol ri aj-Filistea y xk'utux k'a chike ri achike niban rik'in ri káxa. Y rije' xkibij chi tiq'axex-apo pa tinamit Gat. Y kan keri' k'a xkiben.

1 Sam 6:4

Y ri aj-Filistea xkik'utuj achike k'a ri nik'atzin richin nikuyutej kimak. Y ri e sacerdote y ri ketaman ri peteneq chikiwech xkibij: Tibana' wo'o' ruwachibel ri sipojik rik'in q'anapueq, achi'el ri kajlabal ri e tata'al y tibana' wo'o' ruwachibel ch'oy achi'el ri kajlabal ri e wo'o' qatinamit ri xya'ox nima-ruk'ayewal pa qawi', roma chi wo'o' tinamit oj poqonatajineq.