1 Sam 6:14 - Kaqchiquel Bible

^14-15 Ri wákix xe'apon k'a pa rujuyu' ri jun achin rubini'an Josué ri k'o chiri' pa Bet-semes. Y chiri' xek'oje-wi akuchi k'o-wi jun nimalej abej. Y ek'o k'a achi'a' levita chiri'. Y rije' xkiqasaj k'a ri káxa ri' y chuqa' ri jun chik káxa ri ek'o ri wachibel chupan. Y xekiya-q'anej pa ruwi' ri abej ri'. K'ari' ri achi'a' ri ek'o chiri' xkiben si' chire ri tz'alem richin ri carruaje y xekikamisaj ri wákix richin xekiporoj chuwech ri Jehová.

1 Sam 6:14 ပူးပေါင်းရင်းမြစ်များ

2 Sam 24:22

Y ri Arauna xubij chi tucha' k'a ri David akuchi ri más utz nutz'et richin nupaba-q'anej ri porobel. Y xerusuj chuqa' ri rubóyix richin yeporox jumul. Y richin ri si', xusuj ri che' ri ch'ayibel ri trigo, y ri che' ri niya'ox pa kiwi' ri bóyix.

Wuj Kichin ri To'onela' 21:4

Ri ruka'n q'ij ri israelita xeyakatej nimaq'a' yan, y xkipaba-q'anej jun porobel chiri' y xkisuj k'a kamelabel ri niporox chijun, y chuqa' xkisuj sipanik richin nikiq'alajirisaj chi junan kiwech rik'in ri Jehová,

1 Rey 19:21

Y keri' ri Eliseo xuya' kan ri Elías y xtzolin. Xeberuk'ama-pe ri k'ulaj bóyix ri kan e richin rija' y xerukamisaj, y ri che' ri samajibel ri achoq ik'in yetun-wi ri bóyix, jari' ri xukusaj richin xuchaq'arisaj ri ti'ij y jari' ri xuya' chike ri winaqi' ri xeroyoj, y rije' kan xewa' k'a. K'ari' ri Eliseo xbe chirij ri Elías richin nusamajij.

2 Sam 24:25

Chiri' k'a xupaba-wi-q'anej ri porobel richin ri Jehová, y xusuj chikop richin niporox jumul, y sipanik richin nuq'alajirisaj chi junan ruwech rik'in ri Dios. K'ari' ri Jehová xuk'ul ri k'utunik richin ri David pa kiwi' ri ruwinaq. Keri' xk'is-el ri nima-ruk'ayewal pan Israel.

2 Sam 24:18

Chupan ri q'ij ri', ri Gad xapon chik rik'in ri David, y xubij chire chi tibe ri akuchi nich'ay-wi trigo pa rulew ri Arauna ri Jebuseo, richin niberupaba' jun porobel richin nusuj kamelabel chuwech ri Jehová.

1 Sam 20:29

Y xubij chuwe chi ri aj pa rachoch nikinimaq'ijuj ri kamelabel pa rutinamit. Y xubij chi jun chike ri rach'alal xuteq-pe royoxik, y wi janila ninwajo', ninya-el q'ij chire richin xeberuq'ejela' kan juba' ri rach'alal. Roma ri' man xpe ta richin xwa' wawe' pan a-mesa, xcha' ri Jonatán chire ri rutata'.

1 Sam 11:5

Y ri Saúl tzolejineq k'a pe pa juyu' chikij ri rubóyix, y xubij: ¿Achike k'a xk'uluwachitej chupan ri tinamit richin chi konojel kichapon oq'ej?, xcha'. Y xkitzijoj k'a chire ronojel ri kibin-pe ri achi'a' aj-Jabés.

Wuj Kichin ri To'onela' 6:26

Y ri chiri' chuwi-juyu' tapaba-q'anej jun porobel chinuwech yin Jehová ri in a-Dios. K'ari' xtabek'ama-pe ri bóyix ri k'o wuqu' rujuna', richin nasuj chinuwech yin pa ruwi' ri porobel; y ri paban-che' ri xaqasaj jari' nakusaj richin si', xcha'.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

1 Sam 6:13

Y ri winaqi' ri aj-Bet-semes yeq'aton trigo pa jun taq'aj. Y toq xetzu'un-q'anej pa jotol, xkitz'et ri káxa richin ri rujikibel-tzij ri Jehová. Y kan janila k'a xekikot toq xkitz'et.

1 Sam 6:18

Y ri ch'oy ri xkiben rik'in q'anapueq xekiben achi'el ri kajlabal ri wo'o' tinamit ri' rik'in ri kokoj taq kitinamit. Ri nimalej abej ri achoq pa ruwi' xya'ox-wi ri káxa richin ri rujikibel-tzij ri Jehová, k'o pa Bet-semes pa rujuyu' ri Josué y k'a niq'alajin na k'a chikiwech ri winaqi'.