1 Sam 5:7 - Kaqchiquel Bible

⁷ Toq xkitz'et ronojel re', ri aj-Asdod xkibij: Man niqajo' ta chik nik'oje' ri káxa richin ri rujikibel-tzij ri ki-Dios ri aj-Israel wawe' qik'in, roma re Dios re' xa janila nuya' tijoj-poqonal pa qawi' y kan keri' chuqa' nuben rik'in ri qa-dios Dagón, xecha'.

1 Sam 5:7 ပူးပေါင်းရင်းမြစ်များ

2 Sam 6:9

Y chupan ri q'ij ri' ri David kan xuk'en rukiy ri Jehová, y xubij: Wakami más utz man nink'uaj ta ri káxa ri richin ri Jehová akuchi ink'o-wi yin, xcha'.

1 Crón 15:13

Ri pa nabey man xqak'ulubej ta ri Jehová pa ruwi' ri k'atzinel richin ta xqaben, y roma rix man xixk'oje' ta apo ri chiri', roma ri' ri Jehová xrelesaj-el ruk'aslen jun chiqakojol roj, xcha' ri David.

Ex 10:7

Xeri' ri aj-raqen ri ek'o rik'in ri rey xkibij chire: ¿K'a jampe' k'a xtitane' chuya'ik ruk'ayewal pa qawi' re achin re'? Xa kan más utz taya' q'ij chike richin yebe y nibekisamajij ri ki-Dios. ¿Kan man natzu' ta k'a chi re qaruwach'ulew xa kan nik'is yan roma ronojel ruk'ayewal ri qajineq pa ruwi'?, xecha'.

Ex 12:33

Y roma ri xk'uluwachitej, ri winaqi' aj-Egipto kan yeparel k'a chikij ri winaqi' israelita chi ke'el-el ri chiri', roma konojel rije' nikich'ob k'a chi xa xkeken chuqa'.

Ex 8:28

Y ri rey xubij: Yin kan xtinya' k'a q'ij chiwe richin xkixbe richin xtibesuju' kamelabel chire ri Jehová ri i-Dios pa tz'iran ruwach'ulew, jak'a man yixbe ta más nej y tibana' utzil xkixch'on rik'in ri i-Dios pa nuwi' yin, xcha'.

Ex 8:8

Y jari' toq ri rey xuteq koyoxik ri Moisés y ri Aarón y xubij chike: Tik'utuj chire ri Jehová chi kerelesaj-el re xkalet wawe' wik'in yin y kik'in konojel ri nuwinaq y yin xtinya' k'a q'ij chiwe richin xtibesuju' kamelabel chire ri Jehová, xcha' ri rey.

Ex 9:28

Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

Wuj Richin ri Jeremías 46:25

Yin Jehová ri k'o ronojel uchuq'a' pa nuq'a', ri Dios richin Israel ninbij chi ninbenya' ruk'ayewal pa ruwi' ri Amón ri ki-dios ri aj-Tebas y chuqa' pa kiwi' konojel ri aj-Egipto, ri e ki-dios, ri e ki-rey y konojel ri ch'aqa' chik ri kikuquban kik'u'x rik'in.

Wuj Richin ri Jeremías 48:7

Rix winaqi' aj-Moab kan ikuquban ik'u'x rik'in ri iwuchuq'a' y rik'in ri ibeyomel, jak'a xa xkixchap-el y xkixuk'uex-el iwachibilan ri i-dios Quemós, ri ru-sacerdote y ri e aj-raqen pa ruwi' ri itinamit.

1 Sam 4:8

Toq'ex qawech roj, roma man jun xqojkolon pa kiq'a' ri ki-Dios rije'. Roma k'o ronojel uchuq'a' kik'in y ja rije' ri xeya'on jalajoj ruwech nima'q taq banobel pa kiwi' ri aj-Egipto toq k'a ek'o pa tz'iran ruwach'ulew.

1 Sam 5:6

Chirij ri' ri Jehová xuya' jun ruk'ayewal pa kiwi' y xuben chike konojel ri aj-Asdod y chijun ri kiruwach'ulew, chi xpe sipojik chikij ri kan k'o rujeleb.

1 Sam 5:8

Y xtaq k'a koyoxik ri e tata'al chikikojol ri aj-Filistea y xk'utux k'a chike ri achike niban rik'in ri káxa. Y rije' xkibij chi tiq'axex-apo pa tinamit Gat. Y kan keri' k'a xkiben.

1 Sam 6:20

Y ri aj-Bet-semes xkibij: ¿Achike k'a xtitikir xtipa'e' chuwech ri Jehová ri Loq'olej Dios? ¿Achoq ik'in chik k'a xtibe-wi ri káxa toq xtel-el qik'in roj?, xecha'.