1 Sam 5:4 - Kaqchiquel Bible

⁴ Y toq xeyakatej chik nimaq'a' yan ri ruka'n q'ij, xkitz'et chi ri wachibel tzaqineq chik pe jun bey y jupul chuwech ri káxa. Ri rujolon y ri ka'i' ruq'a' xeq'aj y e punul kan k'a chuchi' ri ruchi-jay. Xaxe ri ruch'akul man jun xuben.

1 Sam 5:4 ပူးပေါင်းရင်းမြစ်များ

Wuj Richin ri Miqueas 1:7

Ri jebelej taq wachibel xkewulex y ri sipanik ri xtikich'ek ri ixoqi' ri yewer kik'in achi'a' ri ye'apon pa kachoch ri ki-dios xa xtiporox. Ri wachibel ri' xa xke'ok q'ayis. Ri Samaria xril k'a ronojel re' richin ninimaq'ijun richin nik'iyer ri rutiko'n. Jak'a ri e etzelanel kichin xa xtikik'uaj richin nibekiya' chike ri ixoqi', chupan ch'aqa' chik kachoch ri ki-dios richin nikiya' kiq'ij.

Wuj Richin ri Jeremías 50:2

Tiya' k'a rutzijol chikikojol ri tzobaj winaqi' richin re ruwach'ulew y tibana' chike chi nikak'axaj; tiyaka-q'anej ri tzieq ri ruk'exewach ri iruwach'ulew y man jun tiwewaj y tibij: Rix aj-Babilonia xixch'akatej y ri i-dios Bel k'ixbitajineq, ri i-dios Marduc xwulex kan. Ri e etzelanel iwichin xkekiyojobej ri ch'aqa' chik wachibel y xkewulex kan.

Wuj Richin ri Jeremías 10:11

Ja rat xabin chuwe chi ninbij chike ri nuwinaq chi ri wachibel ri' man ja ta rije' xebanon ri kaj, ni ri ruwach'ulew. Y rije' kan xkek'is k'a el chuwech re ruwach'ulew y man jun k'a chike rije' xtik'oje' kan.

Dn 11:8

Xkekik'uaj k'a el ri e ruwachibel ri ki-dios ri aj-Siria, ri banon rik'in saqipueq y q'anapueq. Y toq xketzolin pan Egipto, kan k'iy k'a juna' ri man xtikineq ta ri Siria.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

1 Sam 6:5

Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.

Wuj Richin ri Isaías 40:20

Jak'a wi ri wineq maneq k'iy ruméro, nucha' jun che' ri man nichikopir ta, y kan nukanoj jun achin ri kan retaman jebel richin nuben ri wachibel, richin kan nuben utz chire, y kan man nisilon ta.

Wuj Richin ri Jeremías 10:14

Konojel ri yebanon kichin ri wachibel ri' xa man yenojin ta roma maneq ketamabal y kan xkek'ixbitej k'a, roma ri wachibel xa man e qitzij dios ta y maneq kik'aslen.

Wuj Richin ri Jeremías 10:15

Kan man jun k'a kejqalen y toq xtapon k'a ri q'ij richin ri aq'atbel-tzij, k'ari' k'a xke'ak'is.