1 Sam 5:10 - Kaqchiquel Bible

¹⁰ Y k'ari' xbekiya' chik kan ri káxa pa tinamit Ecrón. Jak'a toq xapon chiri', ri aj-Ecrón xesik'in roma xibinri'il y xkibij chi ri káxa ri' xapon kik'in xaxe richin yeruk'is.

1 Sam 5:10 ပူးပေါင်းရင်းမြစ်များ

2 Sam 7:9

Y kan ink'o k'a pe awik'in xabakuchi at beneq-wi, y kan e nuch'akon konojel ri etzelanel awichin. Wakami k'a, kan xtinnimirisaj ri abi' achi'el ri kibi' ri e nima'q taq achi'a' ri ek'o wawe' chuwech re ruwach'ulew.

2 Rey 1:2

Y ri Ocozías, rey richin ri ruwach'ulew Israel, xbetzaq-pe pa ventana ri k'o-q'anej pa ruka'n wiq y janila xkajtej. Y roma ri' xeroyoj ri rusamajela', y xubij-el chike chi tibekik'ulubej ri Baal-zebub, ri dios kichin ri winaqi' aj-Ecrón, y tikik'utuj chire wi nik'achoj-q'anej chire ri kajtajik.

Am 1:8

Kan xtinkamisaj ri rey richin ri Asdod. Chuqa' xtink'is ri niq'aton-tzij pa ruwi' ri Ascalón Rik'in ronojel wuchuq'a' xtinya' tijoj-poqonal pa kiwi' ri aj-Ecrón k'a toq xkenk'is konojel ri aj-Filistea. Yin Jehová ri yibin.

Am 6:2

Kixbiyin k'a pa tinamit Calné ri wulutajineq. Tiwetamaj kan jebel ri xbanatej rik'in ri tinamit Hamat. Kixxule-qa pa Gat chupan ri kiruwach'ulew ri aj-Filistea. ¿K'o kami más iwejqalen rix chikiwech rije'?

Wuj Richin ri Josúe 13:3

nitiker-el rik'in ri raqen-ya' Sihor ri k'o pa relebel-q'ij chire ri Egipto y napon k'a rik'in ri ruchi' ri tinamit Ecrón ri k'o pa xaman, y ronojel re' nibix ruwach'ulew kichin ri aj-Canaán chire; y chupan ri' ek'o wo'o' tata'al chikikojol ri aj-Filistea. Re' xek'oje' pa tinamit Gaza, Asdod, Ascalón, Gat y Ecrón. Y keri' chuqa' ri kiruwach'ulew ri aveo

Wuj Richin ri Josúe 15:11

Nel k'a pe pa ruk'ulba't ri tinamit Ecrón, niq'ax-el chuchi' ri xaman; y nuchojmij-el-ri' pa xaman y napon k'a pa tinamit Sicrón, y niq'ax k'a el chuchi' ri juyu' Baalá y nel-el pa tinamit Jabneel. Y ri ruk'ulba't nik'is k'a chupan ri palou.

Wuj Richin ri Josúe 15:45

Y chuqa' xkichinaj ri nima-tinamit Ecrón rik'in ri e rutinamit y ri kokoj rutinamit,

Wuj Kichin ri To'onela' 1:18

Chuqa' xkich'ek ri tinamit Gaza, ri Ascalón, ri Ecrón y chuqa' ri winaqi' ri ek'o pa taq'aj ri ek'o chuchi' ri palou; jak'a man xetikir ta xekoqotaj-el chiri', roma ri aj chiri' kan k'o ki-carruaje ri banon rik'in ch'ich'. Jak'a ri Jehová kan k'o-wi kik'in ri tzobaj richin Judá; y roma ri' xetikir xekich'ek ri tinamit ri ek'o chuwi' taq juyu'.

1 Sam 17:52

Ri achi'a' aj-Israel y ri aj-Judá, xesik'in k'a y xekitzeqelibej-el k'a chuchi' ri tinamit Gat y ri Ecrón. Y ri kaminaqi' xepunupuxin kan chupan ri bey ri nibe pa tinamit Saaraim ri pa Gat, y keri' xkiben xe'apon k'a pan Ecrón.

1 Sam 5:11

Y roma ri nimalej xibinri'il ri k'o kik'in, roma ri' xkiteq k'a koyoxik ri e tata'al kichin ri aj-Filistea y xkibij chi tikik'uaj-el ri káxa y tikibetzolij kan ri akuchi kik'amon-wi-pe, richin keri' man yerukamisaj ta chik, roma xkich'ob chi ri Dios kan xunimirisaj ri ruk'ayewal pa kiwi'.

1 Sam 5:9

Y toq kiq'axan chik pe pa Gat, ri Jehová xuya' pa poqon ri tinamit ri'. Xuya' sipojik chike ri kan k'o rujeleb, richin nikiq'axaj ri ruk'ayewal. Y ri yabil ri' xeruchop chi ch'uti'q chi nima'q.

1 Sam 6:1

Ri káxa richin ri jikibel-tzij xk'oje' k'a el wuqu' ik' pa kiruwach'ulew ri aj-Filistea.