1 Sam 4:9 - Kaqchiquel Bible

⁹ Y kan tiqatija' k'a qaq'ij roj richin man yojch'akatej pa kiq'a' rije', richin man yojxime' ta pa samaj kik'in, achi'el toq xexime' rije' qik'in roj. Roma ri' kow k'a qojk'oje' richin niqaben oyowal kik'in, xecha'.

1 Sam 4:9 ပူးပေါင်းရင်းမြစ်များ

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

Wuj Kichin ri To'onela' 13:1

Ri israelita xa kan xkichop chik k'a rubanik ri itzel taq banobel chuwech ri Jehová; y roma ri' xek'oje' pa kiq'a' ri aj-Filistea kawineq juna'.

2 Sam 10:12

Y xubij chik ri Joab: Man qojmayamo-qa; xa kan tiqatija' qaq'ij, koma ri qawinaq ri chuqa' e ruwinaq ri Dios. Y ja rija' xtibin ri achike ruk'amon chi niqaben, xcha'.

Wuj Richin ri Isaías 33:1

Toq'ex iwech rix aj-Asiria ri ye'ik'is konojel winaqi', jak'a chiwe rix man jun bey kibanon keri'. Chuqa' kan ye'iq'ol, jak'a rix man jun bey ix q'olon. Jak'a toq rix xkixtane' richin ye'ik'is, chuqa' rix kan xkixk'is. Y toq xkixtane' richin ye'iq'ol rije', chuqa' rix xkixq'ol.

Wuj Kichin ri To'onela' 10:7

Y xyakatej k'a janila royowal ri Jehová pa kiwi' ri israelita, y roma ri' xerujech pa kiq'a' ri aj-Filistea, y ri aj-Amón.

Wuj Richin ri Isaías 14:2

Kan xkekik'en k'a pe ri ch'aqa' chik tinamit chupan ri kiruwach'ulew. Y ri qawinaq kan xkekiben chike richin yeyuqe' pa samaj kik'in. Chi achi'a' chi ixoqi' xke'ok-qa aj-ik'a' chiri'. Keri' k'a kan xkekiya' pa ximonri'il ri xeya'on pa ximonri'il rije', y keri' k'a xkek'oje' pa kiwi' ri xetz'ilon kichin.

1 Sam 4:8

Toq'ex qawech roj, roma man jun xqojkolon pa kiq'a' ri ki-Dios rije'. Roma k'o ronojel uchuq'a' kik'in y ja rije' ri xeya'on jalajoj ruwech nima'q taq banobel pa kiwi' ri aj-Egipto toq k'a ek'o pa tz'iran ruwach'ulew.

1 Sam 14:21

Y ri israelita ri kan ek'o-pe chikikojol ri aj-Filistea, ri kan e beneq chikij pa labal, xa xjunamatej chik el kiwech kik'in ri kiwinaq israelita.