1 Sam 4:7 - Kaqchiquel Bible

⁷ rije' xkixibij-ki' y xkibij: Ri ki-Dios ri israelita xoqaqa chikikojol. Wakami toq'ex qawech roj, roma man jun bey tibanatej kere'.

1 Sam 4:7 ပူးပေါင်းရင်းမြစ်များ

Ex 14:14

Jak'a ri Jehová xtibanon oyowal pa qak'exel roj y roj kan man jun ri k'o chi niqaben, xcha' ri Moisés.

Ex 14:25

Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

1 Sam 4:6

Y toq ri aj-Filistea xkak'axaj chi ri achi'a' yesik'in rik'in janila kikoten, jari' toq xkik'utula-qa chikiwech achike roma yesik'in rije'. Toq xketamaj-qa chi ri káxa ri richin ri jikibel-tzij k'o chiri' ri akuchi ek'o-wi-qa ri israelita,

1 Sam 4:8

Toq'ex qawech roj, roma man jun xqojkolon pa kiq'a' ri ki-Dios rije'. Roma k'o ronojel uchuq'a' kik'in y ja rije' ri xeya'on jalajoj ruwech nima'q taq banobel pa kiwi' ri aj-Egipto toq k'a ek'o pa tz'iran ruwach'ulew.