1 Sam 4:4 - Kaqchiquel Bible

⁴ Y rije' xekiteq k'a el jun tzobaj achi'a' pa Siló richin xbekik'ama-pe ri káxa ri' ri akuchi niq'aton-wi-tzij ri Jehová k'iytisanel richin ronojel, ri k'o chiri' chikikojol ri ka'i' querubín. Y ri Hofní y ri Finees, ri e ka'i' ruk'ajol ri Elí, chuqa' xebe chirij ri káxa.

1 Sam 4:4 ပူးပေါင်းရင်းမြစ်များ

2 Sam 15:24

Beneq k'a ri Sadoc ri nimalej sacerdote y ri Abiatar ri chuqa' sacerdote. Rije' e kachibilan-el ri e levita ri e uk'uayon ri káxa richin ri rujikibel-tzij ri Dios. Rije' xkiqasaj k'a qa ri káxa ri', y xk'oje' chiri' k'a toq xeq'ax na konojel ri winaqi' ri e eleneq-pe pa tinamit.

2 Sam 6:2

Ri David e rachibilan konojel ri achi'a' ri', xebe k'a pa tinamit Baalá richin Judá, richin chi nibekik'ama' ri káxa richin ri rujikibel-tzij ri Dios. Ri káxa ri', pa ruwi' ri' ninatex rubi' ri Jehová ri k'o ronojel uchuq'a' pa ruq'a', ri k'o rutz'uyubal chikikojol ri querubín.

2 Rey 19:15

K'ari' xch'on rik'in ri Jehová y xubij: Jehová Dios richin Israel, ri atk'o chikikojol ri querubín; ja rat xabanon ri kaj y ri ruwach'ulew, y ja rat ri yaq'aton-tzij pa ruwi' chijun ruwach'ulew.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 80:2

Tak'utu' ri awuchuq'a' chikiwech ri aj-Efraín, ri aj-Benjamín y ri aj-Manasés, katanpe richin yojakol.

Wuj Richin Bix Chire ri Dios 99:1

Ri Jehová ja rija' ri rey. Roma ri' kan tik'oje' k'a rukiy rija' chikiwech ri tzobaj winaqi' richin ri ruwach'ulew. Rija' kan tz'uyul k'a chikikojol ri querubín richin nuq'et-tzij. Y roma ri' chijun ri ruwach'ulew kan nisilon.

Wuj Richin ri Isaías 37:16

Jehová k'iytisanel richin ronojel, ri at qa-Dios roj israelita. Rat atk'o pan atz'uyubal richin q'atoj-tzij chikikojol ri querubín. Xaxe k'a rat ri at Dios kichin konojel q'atoy taq tzij richin ri ruwach'ulew. Rat xabanon ri kaj y ri ruwach'ulew.

Wuj Richin ri Malaquías 1:9

Tik'utuj k'a utzil chuwe yin Jehová ri in k'iytisanel richin ronojel chi tinjoyowaj iwech. Jak'a wi rix ye'isuj ri chikopi' ri' chinuwech yin, man tiwoyobej chi yin nink'ul chiwech rik'in kikoten.

Wuj Richin ri Q'axanri'il 4:15

Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Wuj Richin ri Q'axanri'il 4:5

Jak'a toq nuchop chik el bey ri tinamit Israel xa ja ri Aarón y ri e ruk'ajol ri yeqasan-el ri tzieq ri achoq ik'in ch'aron-wi rupan ri wachoch y jari' ri nikiya-el chirij ri káxa ri richin ri nujikibel-tzij.

Wuj Richin ri Q'axanri'il 7:89

Ronojel mul toq ri Moisés xok-apo chupan ri rachoch ri Dios richin molojri'il richin nibech'on rik'in, xrak'axaj ri ruch'abel ri Dios chiri' pa ruwi' ri tz'apebel-ruwi' ri káxa, chiri' chikikojol ri ka'i' kiwachibel querubín.

1 Sam 1:24

Y toq xrelesaj yan k'a rutz'um ri ak'ual, ri Ana xuk'uaj-el pa rachoch ri Jehová chiri' pa Siló, stape' ri Samuel kan k'a janila ti ko'ol ok. Chuqa' xuk'uaj-el jun achij wákix ri k'o oxi' rujuna'*f2* y xuk'uaj chuqa' más juba' ka'i' arroba k'ej ri man chayun ta, y jun tz'um nojineq chi vino.

1 Sam 14:3

Y chikikojol k'a rije' k'o ri Ahías, ja rija' ri uk'uyon ri efod, ri tzieq banon rik'in lino. Ri Ahías ruk'ajol ri Ahitub, re Ahitub re' runimal ri Icabod ri e ruk'ajol kan ri Finees, y e rumam kan ri Elí. Y kan man jun k'a xnaben-el chi ri Jonatán xa xbe yan.

1 Sam 2:22

Jak'a ri Elí janila ri'j chik y nrak'axaj k'a ronojel ri itzel ri yekibanala' ri ruk'ajol kik'in ri kiwinaq. Chuqa' yek'oje' kik'in ri ixoqi' ri yesamej chiri' chuchi' ri rachoch ri Dios.