1 Sam 4:3 - Kaqchiquel Bible

³ Toq xetzolej k'a el ri israelita ri akuchi ek'o-wi-qa, jari' toq ri rijita'q taq achi'a' ri k'o kiq'ij xkibij: ¿Achike roma ri Jehová xuya' q'ij chike ri aj-Filistea richin xojkich'ek? Wakami tibeqak'ama' ri káxa richin ri rujikibel-tzij ri Jehová ri k'o pa Siló, richin keri' nibe pa qanik'ajal roj, y kan xqojrukol chikiwech ri etzelanel qichin, xecha'.

1 Sam 4:3 ပူးပေါင်းရင်းမြစ်များ

2 Sam 15:25

Jak'a toq ri David xuchop chik el bey, xapon k'a rik'in ri Sadoc y xuben chire chi tiberuya' kan pa tinamit ri káxa ri'. Y xubij chire: Wi ri Jehová xtujoyowaj nuwech, rija' xtuben chuwe richin xkitzolin chik, y xtintz'et chik ri káxa y ri rachoch rija'.

1 Crón 17:1

Y toq ri David k'o chik chupan ri k'ak'a' rachoch, jari' toq xubij chire ri Natán ri q'alajirisey ruch'abel ri Dios: Wakami yin ink'o pa jun utzilej jay ri kan rik'in tiox-che' banon-wi. Jak'a ri káxa richin ri rujikibel-tzij ri Dios xa pa jun ok ti jay banon rik'in tzieq ri k'o-wi, xcha'.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 74:11

¿Achike roma man jun naben chike? ¿Achike roma chaq aq'eten aq'a' chiri', y man jun naben chike?

Wuj Richin ri Isaías 50:1

Kere' k'a nubij ri Jehová: Rix walk'ual, ¿akuchi kami k'o-wi ri wuj ri nubij chi yin xinya' kan ri ite', achi'el nuben kan jun achin chire ri rixjayil? ¿Xixink'ayij roma k'o ta nuk'as? Ni, jak'a xa roma imak y ri iyakatajinenri'il. Chuqa' roma ri rumak ri ite', kan xinteq-el nej.

Wuj Richin ri Isaías 58:3

Y man rik'in ri' nikik'utuj achike roma yemewayin, y yin man yentz'et ta. Nikik'utuj achike roma nikiya-ki' pa k'ayew, y yin xa man yentz'et ta. Jak'a yin Jehová ninbij chike: ¿Achike roma nibij keri', toq xa niben ri achike niqa' chiwech chupan ri q'ij richin meway? Y chuqa' niben chike ri isamajela' chi janila yesamej chupan ri q'ij ri'.

Wuj Richin ri Isaías 59:1

Ri nimalej ruchuq'a' ri Jehová man k'isineq ta qa richin yixrukol, ni ri rak'axabal man ta nrak'axaj toq yixch'on rik'in.

Wuj Richin ri Isaías 59:2

Jak'a ri itzel taq ibanobal ri ye'iben, jari' xbanon chiwe chi xixch'aratej rik'in ri Dios. Y ri imak xbanon richin chi rija' man nitikir ta yixrutz'et, y man yixrak'axaj ta.

Wuj Richin ri Jeremías 3:16

Y toq xixk'iyer yan chupan ri iruwach'ulew, man k'atzinel ta chik richin xtinataj ri káxa richin nujikibel-tzij, ni man jun chik xtich'obon pa ruwi' re' y man xtoqaqa ta chik chi'ik'u'x, ni man xtik'atzin ta chik chiwe ni man xtiteq ta rubanik jun k'ak'a'.

Wuj Richin ri Jeremías 7:4

Man nikuquba' ik'u'x rik'in ri tz'ukun-tzij ri nikibij: Jare' ri rachoch ri Jehová, jare' ri rachoch ri Jehová, yecha'.

Wuj Richin ri Q'axanri'il 10:33

Y keri' k'a rubanik toq rije' xkiya' kan ri juyu' richin ri Jehová y oxi' k'a q'ij ri xebiyin y kan ja ri káxa ri richin ri rujikibel-tzij ri Jehová ri ik'owineq chikiwech rije' y nuk'utula' k'a chikiwech ri akuchi utz chi ye'uxlan-wi.

Wuj Richin ri Q'axanri'il 10:35

Y toq ri káxa richin ri Jehová niyak-el richin yebe, jari' toq ri Moisés nubij chire ri Dios: Qojatzeqelibej k'a el qajaw, y ri etzelanel awichin yek'is ta, y kan ta ye'animej chawech ri ye'ixowan awichin.

Wuj Richin ri Q'axanri'il 31:6

k'ari' ri Moisés xeruteq-el chupan ri labal kachibilan ri Finees, ri ruk'ajol ri sacerdote Eleazar. Y rija' xuk'uaj-el jujun chike ri samajibel richin ri rachoch ri Dios y chuqa' ri trompeta.

Deut 29:24

K'ari' ri winaqi' richin ronojel ruwach'ulew xtikik'utuj ri achike roma ri Jehová xyakatej royowal y xuben kere' chire re jun ruwach'ulew re'.

Deut 31:26

Tiyaka' k'a re wuj re', ri richin ri pixa' chuxikin ri káxa ri richin ri rujikibel-tzij ri Jehová ri qa-Dios; y tik'oje' k'a chiri' richin chi jari' ri q'alajirisabel pan iwi' rix chire ri man ja ta ye'iben.

2 Timoteo 3:5

xtikibananej chi kiniman chik ri Dios, jak'a xa man xtikiya' ta q'ij chire chi nujel ri kik'aslen, winaqi' ri keri' man taya' q'ij chi ye'awachibilaj.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Wuj Richin ri Josúe 4:7

jari' toq xtikibij chike: Toq ri káxa ri akuchi beneq-wi ri rujikibel-tzij ri Dios xapon chuchi' ri raqen-ya', jari' toq xch'aratej ri raqen-ya' Jordán, xkecha'. Y kan keri' k'a xtiben, roma ri' re jun molaj abej re' xtik'atzin richin natabel chike ri iwiy-imam richin q'asen, xcha' ri Josué.

Wuj Richin ri Josúe 6:6

K'ari' ri Josué ri ruk'ajol ri Nun, xeroyoj k'a ri e sacerdote y xubij chike: Xtik'uaj ri káxa ri k'o ri rujikibel-tzij ri Jehová chupan, y ri wuqu' chik sacerdote xtikik'uaj ri xupubel banon rik'in uk'a' richin karne'l y xke'ik'o-el chuwech ri káxa.

Wuj Richin ri Josúe 7:7

K'ari' ri Josué xubij: ¡Ajaw Jehová! ¿Achike roma xak'owisaj-pe re tinamit re' chupan ri raqen-ya' Jordán? ¿Xaxe kami richin yojajech chike ri amorreo richin yojkik'is? K'ate' ta xojk'oje' ta kan ri juk'an-apo chire ri raqen-ya' Jordán.

Wuj Richin ri Josúe 7:8

¡Ajaw! ¿Achike chik k'a xtinbij, roma ri achi'a' richin ri e rijatzul kan ri Israel xa xe'animej chikiwech ri etzelanel qichin?

1 Pedro 3:21

Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.

1 Sam 1:24

Y toq xrelesaj yan k'a rutz'um ri ak'ual, ri Ana xuk'uaj-el pa rachoch ri Jehová chiri' pa Siló, stape' ri Samuel kan k'a janila ti ko'ol ok. Chuqa' xuk'uaj-el jun achij wákix ri k'o oxi' rujuna'*f2* y xuk'uaj chuqa' más juba' ka'i' arroba k'ej ri man chayun ta, y jun tz'um nojineq chi vino.

1 Sam 14:18

Y ri Ahías ja rija' ri sacerdote, y roma ri' ri Saúl xubij chire chi tuk'ama-pe ri káxa richin ri rujikibel-tzij ri Dios richin nikik'utuj chire ri Dios. Chupan ri q'ij ri' ri káxa kan kik'in ri aj-labal k'o-wi.

1 Sam 4:2

Y ri aj-Filistea xekich'ek ri aj-Israel y xeken e 4,000 achi'a'.