1 Sam 4:20 - Kaqchiquel Bible

²⁰ Y ri ixoqi' ri ek'o rik'in, toq xkitz'et chi niken yan ri ixoq, xkibij chire: Man taxibij-awi' roma xalex jun ti awal ala', xecha'. Jak'a rija' man nuna' ta chik y roma ri' man jun xubij chike.

1 Sam 4:20 ပူးပေါင်းရင်းမြစ်များ

Wuj Richin ri Rutikeribel 35:16

Xeri' xe'el chik el chiri' pa Betel, y k'a k'o na k'a juba' nrajo' richin ye'apon pa ruwach'ulew Efrata; jari' toq ri Raquel xpe ri ruq'axo'n richin alanik y kan xnimatej.

Wuj Richin Bix Chire ri Dios 77:2

Chupan ri q'ij toq xbison ri wánima kan xinwoyoj k'a ri wajaw. ri pa taq tokoq'a' man xitane' ta richin xinyakala' ri nuq'a' chuwech rija'; y ri wánima kan man jun k'a uxlanibel xuk'ul.

San Juan 16:21

Ri bis k'a ri' junan rik'in ri q'axo'n ri nuk'owisaj jun ixoq toq napon yan ruq'ijul richin nralaj jun ak'ual. Toq ri ak'ual alaxineq chik, ri te'ej ri' man k'a noqaqa ta chik chuk'u'x achike chi q'axomal ri xuk'owisaj, roma janila nikikot ránima chi xalex chik jun ak'ual chuwech re ruwach'ulew.

1 Sam 4:19

Y ri rixjayil kan ri Finees, royoben k'a richin nibe'alex jun ti ral. Y napon yan ri q'ij richin alanik toq xrak'axaj chi ri káxa xeleq'ex kan, xken ri rachijil y chuqa' ri ralnan. Roma ri' kan xpe ri ruq'axo'n y xalex chi'anin ri ak'ual.