1 Sam 4:16 - Kaqchiquel Bible

¹⁶ Y ri achin xubij k'a chire ri Elí chi rija' peteneq pan oyowal, y wakami xtikir xanimej-pe. Y ri Elí xuk'utuj chire chi tuq'alajirisaj ri achike k'a xk'uluwachitej.

1 Sam 4:16 ပူးပေါင်းရင်းမြစ်များ

2 Sam 1:4

K'ari' xuk'utuj chire achike xbanatej chiri'. Y rija' xubij chi ek'o aj-labal israelita ri xe'animej, y e k'iy xeken kan. Y xubij chi ri Saúl y ri ruk'ajol Jonatán xeken kan chuqa'.

Wuj Richin ri Josúe 7:19

Jari' toq ri Josué xubij chire ri Acán: Kan chuwech k'a ri Jehová ri qa-Dios tabij ri qitzij, y tabij chuwe wakami achike ri xaben. Man k'a tawewaj chinuwech, xcha'.

1 Sam 3:6

Y xoyox chik k'a jun bey ri Samuel roma ri Jehová. Y ri Samuel xyakatej chik el jun bey y xbe rik'in ri Elí, y xubij chire: Jare' ink'o táta, xcha'. Y ri Elí xubij chik jun bey chire chi maneq royon y tibekotz'e' chik.

1 Sam 4:17

Y ri uk'uayon rutzijol xubij: Roj israelita xojanimej chikiwech ri aj-Filistea y janila e k'iy qawinaq xeken. Y chuqa' ri e ka'i' ak'ajol xeken y ri káxa richin ri jikibel-tzij xkeleq'aj kan ri aj-Filistea, xcha'.