1 Sam 31:5 - Kaqchiquel Bible

⁵ Toq ri uk'uey ri rukamisabal ri Saúl xutz'et keri', chuqa' rija' xuk'eq ri' chutza'n ri ru-espada, y xukamisaj-ri'. Kan junan k'a xeken rik'in ri Saúl.

1 Sam 31:5 ပူးပေါင်းရင်းမြစ်များ

1 Crón 10:5

Toq ri ruto'onel xutz'et chi ri Saúl xukamisaj-ri', chuqa' rija' xuk'eq-ri' chutza'n ri ru-espada y xukamisaj-ri' chuqa' rija'.

Wuj Kichin ri To'onela' 9:54

Xeri' ri Abimélec xroyoj chi'anin ri chajinel richin y xubij chire: Chi'anin tawelesaj ri a-espada y kinakamisaj, richin chi man tibix chuwij: Xa jun ixoq xkamisan richin, xkecha', xcha' rija'. Ri chajinel richin, xrelesaj k'a ri ru-espada y xukamisaj.

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.

1 Sam 31:6

Keri' k'a xkiben chupan ri q'ij toq xken ri Saúl, ri e oxi' ruk'ajol, ri uk'uey rukamisabal y konojel ri achi'a' ri e beneq rik'in.

1 Rey 16:18

Y toq ri Zimrí xutz'et chi xch'akatej yan ri tinamit Tirsá, kan jari' toq rija' xok chupan ri jay richin tobel ri k'o pa rachoch ri rey, y xuya' k'a ruq'aq'al ri jay ri' y chiri' xken-wi rija'.