1 Sam 31:2 - Kaqchiquel Bible

² Y ri aj-Filistea xekitzeqelibej-el ri Saúl y ri e ruk'ajol y xkikamisaj ri Jonatán, ri Abinadab y ri Malquisúa.

1 Sam 31:2 ပူးပေါင်းရင်းမြစ်များ

1 Crón 8:33

Ri Ner xralk'ualaj ri Cis, re Cis re' xralk'ualaj ri Saúl, re Saúl re' xeralk'ualaj ri Jonatán, ri Malquisúa, ri Abinadab y ri Es-baal.

1 Sam 14:49

Ja kibi' re' ri e ralk'ual ri Saúl: Ri Jonatán, ri Isví y ri Malquisúa. Y chuqa' ek'o e ka'i' rumi'al: Ri nimalaxel rubini'an Merab y ri chaq'laxel rubini'an Mical.

1 Crón 9:39

Ri Ner xralk'ualaj ri Cis, ri Cis xralk'ualaj ri Saúl, ri Saúl xeralk'ualaj ri Jonatán, ri Malquisúa, ri Abinadab y ri Es-baal.

2 Rey 25:7

Ri aj-Babilonia xebekik'ama-pe ri ruk'ajol ri Sedequías, y kan ja ri chuwech rija' xekikamisaj. K'ari' xekelesaj ri ka'i' runaq' taq ruwech ri Sedequías y xkixim rik'in cadena banon rik'in q'eqapueq, y xkik'uaj k'a pa Babilonia.

2 Sam 1:6

K'ari' ri ala' xubij: Yin chaq k'ate' xinapon chiri' pa juyu' Guilboa, y jari' toq xintz'et ri Saúl ruxik'ik'en-ri' chirij ri rukum. Y chirij rija' e peteneq aj-labal aj-Filistea ri ye'apon yan rik'in; ek'o e beneq pa ki-carruaje y ek'o ri e ch'okol-el chirij kiej.

1 Sam 23:17

Y kere' xubij kan chire: Man taxibij-awi', ri nata' man xtitikir ta xkarukamisaj. Jak'a rat xkaq'aton kan tzij pa ruwi' ri qaruwach'ulew Israel, y yin ri ruka'n chawij rat. Ri Saúl ri nata' chuqa' kan keri' retaman, xcha' ri Jonatán.

1 Sam 14:22

Keri' chuqa' ri ch'aqa' chik israelita ri kewan kan ki' chuwi' taq juyu' richin ri Efraín, toq xkak'axaj chi ri aj-Filistea xe'animej, chuqa' rije' chi'anin xekitzeqelibej richin yekichop chi oyowal.

1 Sam 13:16

Ri Saúl, ri Jonatán y ri aj-labal ri ek'o kik'in, xkichop kibey y xe'apon-q'anej pa tinamit Guibeá ri k'o pa ruwach'ulew Benjamín. Jak'a ri aj-Filistea ek'o-qa chiri' pa Micmás.

1 Sam 13:2

jari' toq xerucha' e 3,000 aj-labal chikikojol ri ruwinaq. Y e 2,000 achi'a' xek'oje' rik'in rija' chiri' pa Micmás, chiri' pa juyu' Betel. Y ri Saúl k'o k'a jun ruk'ajol rubini'an Jonatán, y ri ch'aqa' chik aj-labal xek'oje' kan rik'in rija' chiri' pa Guibeá. Y ri ch'aqa' chik achi'a' xeruteq-el pa taq kachoch.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

1 Sam 28:19

Chuqa' ri Jehová xkarujech rat y chuqa' ri aj-labal pa kiq'a' ri aj-Filistea. Roma ri' chua'q, rat y ri e ak'ajol xkixbek'oje' qik'in chiqakojol ri oj kaminaqi' chik, xcha' ri Samuel chire.

1 Crón 10:2

Y ri aj-Filistea xekitzeqelibej k'a el ri Saúl y ri e ruk'ajol, y kan xekikamisaj k'a kan ri Jonatán, ri Abinadab y ri Malquisúa.