1 Sam 30:6 - Kaqchiquel Bible

⁶ Ri David janila bis k'o rik'in roma ri achi'a' ri e beneq rik'in nikibij chi nikik'eq chi abej roma ri xbanatej. Chijun k'a tinamit janila niq'axon ri kánima roma ri kalk'ual. Jak'a ri David kan xril ruchuq'a' rik'in ri Jehová ri ru-Dios.

1 Sam 30:6 ပူးပေါင်းရင်းမြစ်များ

Wuj Richin ri Rutikeribel 32:7

Toq ri Jacob xrak'axaj re' janila xuk'en rukiy y xsach ruk'u'x, k'ari' xeruch'er pa ka'i' tzobaj konojel ri e beneq chirij, ri winaqi' y ri rawej ri e kokoj y ri e nima'q, y chuqa' ri camello.

2 Sam 17:8

Y chuqa' ri Husai xubij chire: Rat awetaman chi ri atata' y ri achi'a' ri e beneq rik'in, e achi'a' ri man nikixibij ta ki'. Wakami rije' kan itzel kina'on y yakatajineq koyowal achi'el jun ixoq oso toq e majon-el ri taq ral chuwech. Chuqa' ri atata', rija' jun achin ri kan richin oyowal, y man xtuq'axaj ta re aq'a' re' junan kik'in ri ruwinaq.

2 Rey 4:27

Toq xe'apon chiri' pa juyu' Carmelo, ri ixoq xxuke-qa y xuq'etej ri raqen ri Eliseo. Y ri Guehazí xjel-apo richin nrelesaj-pe chiri' ri ixoq, jak'a ri Eliseo xubij chire: Taya' kan, roma rija' kan niq'axon ránima, y ri Jehová man ruq'alajirisan ta chinuwech achike roma kela' rubanon, xcha'.

Wuj Richin ri Achin Job 13:15

Y stape' ri Dios kan yirukamisaj, yin kan nukuquban nuk'u'x rik'in. Chuqa' xtinq'alajirisaj chuwech rija' ri rubanik ri nuk'aslen.

Wuj Richin Bix Chire ri Dios 116:10

Kan kuqul-wi nuk'u'x, stape' ri nuq'axo'n kan janila nim.

Wuj Richin Bix Chire ri Dios 138:3

Ri q'ij toq yin xich'on awik'in, kan xak'uluba-pe ri nuch'abel; kan xaya' k'a ri wuchuq'a'.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Wuj Richin Bix Chire ri Dios 25:17

Ri bis ri k'o pa wánima xa kan más k'a xnimer-pe. Roma ri' kinawelesaj k'a chupan re nuq'axomal re'.

Wuj Richin Bix Chire ri Dios 27:14

Tawoyobej rik'in ri Jehová. Tatija' aq'ij y man tamalij ak'u'x; kan tawoyobej k'a pa ruq'a' ri Jehová.

Wuj Richin Bix Chire ri Dios 31:24

Kan tikitija' k'a kiq'ij ri kikuquban kik'u'x rik'in ri Jehová, y kow kek'oje'.

Wuj Richin Bix Chire ri Dios 42:11

¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' nukolotajik y nu-Dios yin.

Wuj Richin Bix Chire ri Dios 42:5

¿Achike roma yimayamo' yan qa? ¿Achike roma janila yibison? Yin kan nukuquban nuk'u'x rik'in ri Dios, y kan beneq ruwech xtinya' ruq'ij, roma rija' nukolonel y nu-Dios yin.

Wuj Richin Bix Chire ri Dios 42:7

Nak'axatej k'a ri ya' ri nichoxin-pe y nik'oxoman chupan ri nimalej taq siwan, ri janila chi ya' ri nateq-pe rat Jehová, kan xik'o pa nuwi' yin.

Wuj Richin Bix Chire ri Dios 56:11

Yin kan nukuquban nuk'u'x awik'in rat, ¡Roma ri' kan man xtinxibij ta wi' chire ri achike xtikiben chuwe ri winaqi'!

Wuj Richin Bix Chire ri Dios 62:1

Kan xaxe k'a rik'in ri Dios nuxlan ri wánima. Kan rik'in k'a rija' nipe-wi ri nukolotajik.

Wuj Richin Bix Chire ri Dios 62:5

Kan xaxe k'a rik'in ri Dios ninwil-wi uxlanen. Yin kan pa ruq'a' rija' woyoben-wi ronojel.

Wuj Richin Bix Chire ri Dios 71:4

Nu-Dios yin, kinakolo' k'a pa kiq'a' ri man yatkitzeqelibej ta rat, pa kiq'a' ri e banoy taq etzelal y kan janila e mal.

Wuj Richin Bix Chire ri Dios 71:5

Roma kan ja rat ajaw Jehová ri at woyoben, rat ri at nukuqubabel-k'u'x kan ja toq in ak'ual y k'a re wakami.

Ex 17:4

Jari' toq ri Moisés xch'on chik rik'in ri Jehová y xubij chire: ¿Achike k'a xtinben rik'in re tinamit re'? Roma rije' xa kan jari' ek'o chik richin chi yinkikamisaj chi abej, xcha'.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin ri Isaías 25:4

Roma rat at achi'el jun tobel chike ri man jun k'o kik'in. Ye'ato' ri k'o nik'atzin chike toq ek'o pa tijoj-poqonal. Rat at achi'el jun parabel chike toq nipe ri q'eqel-job. Rat yatok achi'el kimujal toq janila q'ij. Ri e itzel taq winaqi' toq nel-pe ri kuxla', xa kan e achi'el jun q'eqel job ri norupaxij-ri' chuwech jun jay.

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

Wuj Richin ri Jonás 2:2

Y kere' k'a xubij: Chupan ri nuq'axo'n xich'on awik'in rat, Jehová, y kan xinawak'axaj k'a. Toq xik'oje' chuwi' kamik xich'on awik'in, y kan xawak'axaj ri nuch'abel.

Wuj Richin ri Q'axanri'il 14:10

Y kan jari' toq konojel ri winaqi' ri kimolon-ki' chiri', xkich'ob richin yekikamisaj chi abej, y kan jari' toq ri Jehová xuk'ut-ri' rik'in ruq'ij-ruk'ojlen pa ruwi' ri rachoch ri richin molojri'il chikiwech konojel rije'.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

San Mateo 27:22

K'ari' ri Pilato xuk'utuj k'a chike ri winaqi': ¿Achike k'a ri nibij rix chi yin ninben ta rik'in ri Jesús, ri nibix chuqa' Cristo chire?, xcha'. Kan jari' k'a toq konojel xech'on-apo y nikibij: Tikamisex chuwech cruz, yecha'.

San Juan 8:59

Roma ri' ri achi'a' ri' kan xbekisik'ila-pe abej richin nikik'eq chi abej ri Jesús. Jak'a rija' xrewaj-ri' y xel-pe ri chiri' pa rachoch ri Dios.

Romanos 4:18

Ri Abraham kan xunimaj k'a chi xtibanatej ri xbix chire roma ri Dios,*f12* stape' k'ayew roma xa ri'j chik. Jak'a kan xunimaj chi nok kitata' janila chi tzobaj winaqi', y roma ri' xek'oje' e k'iy rijatzul.*f13*

Romanos 4:20

Y kan royoben-wi chi ri Dios nuben ri xubij y man ka'i' ta ruk'u'x royoben. Xa kan xkuqer-wi más ruk'u'x, y xuya' ruq'ij-ruk'ojlen ri Dios.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

2 Corintios 1:6

Toq niqak'owisaj tijoj-poqonal, ri' kan nik'atzin chiwe rix richin nukuquba' ik'u'x y yixrukol. Jak'a toq nikuqubex qak'u'x, chuqa' kan nik'atzin chiwe rix richin chi nukuquba-qa ik'u'x y nikoch' ri q'axomal, achi'el yojtajin chuk'owisaxik roj.

2 Corintios 4:8

Roma roj kan k'o k'a ri niqak'uluwachila', jak'a kan man niqamalij ta qak'u'x. Yojk'oje' pa latz', jak'a man nisach ta qak'u'x.

2 Corintios 7:5

Kan xaxe k'a xojoqaqa wawe' pa Macedonia, xqachop niqak'owisaj tijoj-poqonal. Xa kan man yojuxlan ta k'a juba' chire ri tijoj-poqonal. Kan xabakuchi k'a niqil q'axo'n. Ri qik'in-qa roj kan niqatej poqon roma ri qánima niq'axo y chuqa' k'o xibinri'il qik'in.

Hebreos 13:6

Y roma ri' kan rik'in k'a ronojel ik'u'x yixtikir nibij:*f28* Yin ja ri ajaw ri nito'on wichin. Roma ri' man xtinxibij ta wi' chuwech ri itzel ri xtuben ri wineq chuwe.

Wuj Kichin ri To'onela' 18:25

Y ri e rijatzul ri Dan xkibij: Man kasik'in chiqij, roma rik'in juba' ri winaqi' e k'a'el xtiyakatej koyowal y xketzolej chawij, y xkatkikamisaj rat y ri awinaq, xecha'.

Wuj Kichin ri To'onela' 20:22

Ri ruka'n q'ij ri achi'a' israelita xk'oje' chik k'a el kuchuq'a' richin nibekibana' oyowal jun bey chik, y xkicholajij chik ki' ri akuchi xkicholajij-ki' ri nabey q'ij,

1 Sam 1:10

Ri Ana janila q'axomarineq ri ránima, y roma ri' xch'on rik'in ri Jehová y kan janila xoq'.

1 Sam 23:16

K'o k'a jun q'ij ri Jonatán xbe rik'in ri David k'a chiri' pa k'echelaj, richin xberuya' kan ruchuq'a' pa rubi' ri Dios.

1 Sam 28:15

K'ari' ri Samuel xuk'utuj chire ri Saúl: ¿Achike roma xaben chuwe richin chi yin xipe?, xcha'. Y ri Saúl xubij chire: Yin janila sachineq nuk'u'x, roma ri aj-labal aj-Filistea nokibana' oyowal qik'in, y ri Dios kan ruch'aron-el-ri' wik'in. Kan man nuk'uluba' ta chik pe ri nuch'abel, ni kik'in ri q'alajirisey ri ruch'abel, ni ta pa wachik'. Roma ri' xatinwoyoj, richin naq'alajirisaj chinuwech achike nik'atzin richin ninben, xcha'.