Rokik ri Esdras nich'on rik'in ri Dios, nubij ronojel ri kimak y kan noq' xukul chiri' chuwech ri rachoch ri Dios, ri janila chi ruwinaq kan xkimol-apo-ki' chiri': Chi achi'a', chi ixoqi' y chi ak'uala'. Y rije' chuqa' kan xe'oq' roma bis.
Chirij ri oyowal ri xbanatej, ri israelita xkimol k'a ki' chiri' akuchi k'o-wi ri rachoch ri Jehová y xek'oje' chiri' chuwech k'a toq xok na ri aq'a', y kan janila k'a xe'oq' y xkibij:
Xe'apon k'a ri achi'a' ri e uk'uey bey chiri' pa Guibeá, rutinamit ri Saúl. Xkibij k'a ronojel ri ch'abel ri bin chike, y jari' toq konojel winaqi' richin ri tinamit xkichop oq'ej.
Toq ri David y ri achi'a' ri e beneq rik'in xe'apon pa kitinamit Siclag, jari' toq xkitz'et chi ya'on kan ruq'aq'al ri kitinamit, y xe'uk'uex-el ri kixjayilal y ri kalk'ual.
Jak'a ri Elí kan tz'uyul chuchi' ri bey royoben richin chi k'o ta jun niya'on rutzijol chire y ri ránima janila nibaybot roma ri káxa. Y Jari' toq xapon pa tinamit ri achin ri animajineq-el pan oyowal y xuya' rutzijol chike konojel ri winaqi' y rije' xesik'in.