1 Sam 30:23 - Kaqchiquel Bible

²³ Jak'a ri David xubij: Man tiben keri' wach'alal rik'in ri xuya' chiqe ri Jehová ri kan xojruto' y xuya' pa qaq'a' ri e itzel taq achi'a' ri xeyakatej-pe chiqij roj.

1 Sam 30:23 ပူးပေါင်းရင်းမြစ်များ

Wuj Richin ri Rutikeribel 19:7

y xubij chike: Wach'alal, nink'utuj utzil chiwe chi man tich'ob richin niben itzel chike.

Wuj Richin ri Habacuc 1:16

Rije' nikiya' kiq'ij ri kikamisabal, achi'el ri e chapoy ker ri kan yekisuj kamelabel pa rubi' ri kiya'l, y kan yekamela'an k'a roma ri'. Roma rik'in ri' nikil-wi ri janila jebelej taq q'utun, y kan pa ruk'iyal.

Hechos 22:1

Rix achi'a' ri k'o iq'ij y rix ch'aqa' chik nuwinaq, kan tiwak'axaj k'a ri ch'abel ri xkenbij chiwe wakami, richin ninto-wi', xcha'.

Hechos 7:2

Ri Esteban xubij: Nuwinaq judío y rix aj-raqen pa ruwi' re qatinamit, tiwak'axaj k'a re xtinbij chiwe re wakami. Ri Dios ri k'o ruq'ij-ruk'ojlen xuq'alajirisaj-ri' chuwech ri qatata' Abraham ri ojer kan, toq k'a k'o na k'a ri chiri' chupan ri ruwach'ulew Mesopotamia, toq k'a man jani rutzijol chi nibek'oje' ta ri pa tinamit Harán.

Deut 8:10

Xkixwa-xkixuk'ya' y kan xkixch'uch'u' k'a, y kan xtiya' k'a ruq'ij ri Jehová ri qa-Dios, roma ri utzilej ruwach'ulew ri xtuya' chiwe.

Deut 8:17

Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

Deut 8:18

Toqaqa k'a chi ik'u'x ri Jehová ri qa-Dios roma kan ja rija' ri xtiya'on ronojel ri uchuq'a' y ri ch'obonik chiwe richin xkixbeyomer, richin nuben ri rujikiban kik'in ri qati't-qamama', achi'el re xqatz'et yan.

Wuj Kichin ri To'onela' 19:23

Y xel k'a pe ri ti rajaw jay y xubij chike: Wach'alal, tibana' utzil man tiben re jun mak re'; roma yin xink'en-pe re jun achin re' pa wachoch richin nuq'axaj re aq'a' wawe'. Man tiben re etzelal re' rik'in.

1 Sam 2:7

Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

1 Sam 30:22

K'ari' xech'on-apo ri jujun itzel taq achi'a' ri e beneq rik'in y xkibij: Roma k'a man xebe ta chiqij, man xtiqaya' ta chike ri xqakol-pe chuwi-kiq'a' ri e etzelanel qichin. Xaxe k'a tiya-el chike ri kixjayilal, y ri kalk'ual; kekik'uaj-el y kebe, xecha'.

1 Sam 30:24

¿Achike ta k'a xtak'axan iwichin rik'in re', roma junan xtiya'ox chike ri xebe pan oyowal y ri xechajin kan ri qak'amon-pe? Kan junan k'a xtiya'ox chike, xcha'.

1 Sam 30:8

K'ari' xuk'ulubej ri Jehová y xubij chire: ¿Utz kami yentzeqelibej re tzobaj eleq'oma' re'? ¿Yitikir kami yenq'i'?, xcha'. Y ri Jehová xubij chire: Ke'atzeqelibej, roma kan ninbij chawe chi xke'aq'i', y xke'akol-pe ri xekik'uaj-el, xcha'.