1 Sam 30:21 - Kaqchiquel Bible

²¹ Toq ri David xapon chuchi' ri ch'uti'n raqen-ya' Besor ri akuchi ek'o-wi kan ri e 200 achi'a' ri xekanej kan roma maneq chik kuchuq'a', rije' xebe richin xebekik'ulu' ri David y ri achi'a' ri e beneq rik'in. Y toq ri David xapon kik'in ri winaqi' ri' xuya' rutzil kiwech.

1 Sam 30:21 ပူးပေါင်းရင်းမြစ်များ

Hebreos 13:1

Wach'alal, kan jantape' k'a tiwajo-iwi'.

1 Pedro 3:8

Pa ruk'isibel ninbij chiwe chi chi'iwonojel xa jun iwech tibana', kan tina' chuqa' rix ri q'axo'n ri nuna' ri iwach'alal. Tiwajowala-iwi' chi'iwach'alal. Tijoyowala' iwech y man tinimirisaj-iwi'.

Wuj Kichin ri To'onela' 8:15

Y jari' toq ri Gedeón xok-apo ri pa tinamit Sucot, y xch'on kik'in ri winaqi' y xubij chike: Ri Zebáh y ri Salmuná jare' e nuchapon chik pe. Toqaqa chi'ik'u'x chi koma rije' xixtze'en chuwij y man xiya' ta kiway ri nuwinaq toq janila e kosinaqi', y rix xa xibij chuwe: ¿Ek'o chik k'a ri Salmuná y ri Zebáh pan aq'a' richin naben chiqe chi niqaya' kiway ri awinaq?, xixcha' chuwe, xcha' ri Gedeón.

1 Sam 17:18

Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.

1 Sam 17:22

Y jari' toq ri David xuya' kan ri taqikil pa ruq'a' ri chajinel kichin ri kikamisabal, y xbe anineq chikikojol ri aj-labal ri kinuk'un chik ki'. Y xeberuq'ejela' ri runimal.

1 Sam 30:10

Y e 200 k'a ri xek'oje' kan chiri', roma maneq chik kuchuq'a' richin nikiq'axaj ri ch'uti'n raqen-ya' Besor. Jak'a ri David y ri e 400 achi'a' kan kichapon k'a kitzeqelibexik.

1 Sam 30:22

K'ari' xech'on-apo ri jujun itzel taq achi'a' ri e beneq rik'in y xkibij: Roma k'a man xebe ta chiqij, man xtiqaya' ta chike ri xqakol-pe chuwi-kiq'a' ri e etzelanel qichin. Xaxe k'a tiya-el chike ri kixjayilal, y ri kalk'ual; kekik'uaj-el y kebe, xecha'.