1 Sam 30:19 - Kaqchiquel Bible

¹⁹ Kan ronojel k'a xetikir xkikol-pe, chi ch'uti'q chi nima'q, konojel ri kalk'ual, y ronojel ri eleq'an-el kik'in. Ronojel k'a xukol-pe ri David.

1 Sam 30:19 ပူးပေါင်းရင်းမြစ်များ

1 Sam 30:8

K'ari' xuk'ulubej ri Jehová y xubij chire: ¿Utz kami yentzeqelibej re tzobaj eleq'oma' re'? ¿Yitikir kami yenq'i'?, xcha'. Y ri Jehová xubij chire: Ke'atzeqelibej, roma kan ninbij chawe chi xke'aq'i', y xke'akol-pe ri xekik'uaj-el, xcha'.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Wuj Richin ri Achin Job 1:10

Rija' kan k'o chi nuya' aq'ij roma kan jebel aloq'oq'en. Achajin ri rixjayil, ri e ralk'ual y ronojel ri k'o rik'in. Kan aya'on aq'a' pa ruwi' ronojel ri rusamaj y roma ri' janila chik k'iy beyomel ri rumolon chuwech ri ruwach'ulew.

Wuj Richin ri Q'axanri'il 31:49

y xkibij chire: Qajaw, xeqajlaj ri aj-labal ri ek'o pa qaq'a' y qonojel k'a ojk'o y man jun xken kan chiqe.

1 Sam 30:20

Ri David chuqa' xuk'en-pe ronojel ri karne'l y ri wákix. Y ja ri rusamajela' ri xenimon-pe kichin y xkibij: Jare' ri xumej-pe ri David chuwi-kiq'a' ri etzelanel kichin, xecha'.