1 Sam 30:16 - Kaqchiquel Bible

¹⁶ K'ari' xeruk'uaj k'a, y toq xe'apon, ri achi'a' ri' kitalun-ki' richin yewa', ye'uk'ya' y kan yenimaq'ijun roma janila k'iy xkimej-pe ri k'o rejqalen chuwi-kiq'a' ri aj-Filistea y ri aj-Judá.

1 Sam 30:16 ပူးပေါင်းရင်းမြစ်များ

2 Sam 13:28

Y ri Absalón xubij chike ri e rusamajela' chi toq xtikitz'et chi ri ránima ri Amnón kan nikikot roma ri vino; y toq rija' xtubij chi tikikamisaj, kan jari' xtikikamisaj, y man tikixibij-ki', roma ja rija' ri xbin. Y xubij chuqa' chi tikitija' kiq'ij richin nikiben, y man tikixibij-ki'.

1 Crón 4:43

Y xekik'is k'a kan konojel ri amalecita, y kan ek'o k'a chiri' k'a re q'ij wakami.

Wuj Richin ri Achin Job 20:5

Kan awetaman k'a chi ri itzel taq winaqi' xa man niyaloj ta ri kikoten kik'in. Ri kan maneq Dios chikiwech, xa jun ok ti ramaj nuben ri kikikoten.

Wuj Richin Bix Chire ri Dios 119:162

Kan jantape' yikikot rik'in ri ach'abel; kan más k'a yikikot chuwech ri wineq ri k'o k'iy beyomel nril-pe pa jun oyowal.

Ex 32:6

Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Wuj Richin ri Isaías 22:13

Jak'a rix xa yixnimaq'ijun, xe'ikamisaj wákix y karne'l richin jebel nitej. Jebel yixqumu vino y nibij: Qojwa-qojuk'ya' roma ri chua'q xa xqojken, yixcha'.

Wuj Richin ri Isaías 9:3

Rat qa-Dios xtawinaqirisaj ri qatinamit. Y kan janila kikoten ri xtaya' chiqe. Kan janila xqojkikot awik'in, achi'el toq napon ri ruq'ijul richin nik'ol ri tiko'n, y achi'el toq yojkikot toq niqataluj ri xqamej-pe ri k'o rejqalen chuwi-kiq'a' ri e etzelanel qichin.

1 Tesalonicenses 5:3

Toq k'a man jani nipe ri Jesucristo, ri winaqi' xtikich'ob chi janila jebel kibanon, y xa jari' k'a toq chaq k'ate' xtoqaqa ri ruk'ayewal pa kiwi'. Xa xtikik'uluwachij achi'el ri nuk'uluwachij jun ixoq ri peteneq alanik chirij, ri chaq k'ate' nok'ulun ri ruq'axo'n. Y keri' k'a ri xtikik'uluwachij ri winaqi' ri', man xkekolotej ta chuwech ri ruk'ayewal.

Wuj Kichin ri To'onela' 8:11

Ri Gedeón y ri rachibil xejote' k'a q'anej chupan ri bey ri akuchi nitiker-wi-el ri tz'iran ruwach'ulew, ri k'o pa relebel-q'ij chike ri tinamit Nobáh y ri Jogbehá. Xe'ok jumul ri akuchi ek'o-wi-qa ri e rijatzul ri Madián, roma ri chajinela' xa man jun nikimey toq xe'apon kik'in.

1 Sam 30:14

Roj xojok chiri' pa xokon chire ri kiruwach'ulew ri quereteo, ri kiruwach'ulew ri aj-Judá y ri kiruwach'ulew ri e rijatzul kan ri Caleb. Chuqa' xqaya' kan ruq'aq'al ri tinamit Siclag, xcha'.

1 Sam 30:15

Y ri David xuk'utuj chire: ¿Yatikir rat yinak'uaj chiri' akuchi ek'o-wi ri achi'a' ri'?, xcha'. Y rija' xubij: Tajikiba-atzij chuwech ri Dios chi wi man yinakamisaj ta ni man yinajech ta pa ruq'a' ri wajaw, yin xkatink'uaj kik'in rije', xcha'.