1 Sam 3:9 - Kaqchiquel Bible

⁹ Y ri Elí kan xubij k'a chire ri Samuel: Kabiyin y kabekotz'e'. Y wi xkatoyox chik pe jun bey, kere' k'a tabij: Kach'on-pe Jehová, roma yin ri in asamajel kan xkatinwak'axaj, kacha', xcha' ri Elí. Y ri Samuel xbekotz'e' chik jun bey.

1 Sam 3:9 ပူးပေါင်းရင်းမြစ်များ

Wuj Richin Bix Chire ri Dios 85:8

Yin kan xtinwak'axaj k'a ri xtubij ri Jehová Dios, roma kan nusuj uxlanen chiqe roj ri oj rutinamit y chike ri kan kich'aron-ki' chire rija', richin chi man yetzolej ta chik kan chupan ri etzelal.

Wuj Richin Bix Chire ri Dios 85:9

Kan qitzij na wi chi ri Jehová kan naqaj k'o-wi chike ri k'o rukiy rija' chikiwech; kan yeruto' richin chi ri ruk'ojlemal jantape' k'o chupan ri qaruwach'ulew.

Ex 20:19

Y jari' toq xkibij chire ri Moisés: Más utz ja rat kach'on qik'in y xkatqak'axaj, xaxe man tich'on chik ri Dios qik'in richin chi man yojken ta, xecha' ri winaqi'.

Wuj Richin ri Isaías 6:8

Chirij re' k'ari' xinwak'axaj ri ruch'abel ri Jehová ri nubij: ¿Achike kami ri xtiqateq-el? ¿Achike k'a xtok qataqo'n?, xcha'. Y yin xinbij chi jare' ink'o wawe', y chi kirutaqa-el yin.

Dn 10:19

Y xubij k'a chuwe: Rat ri kan utz at tz'eton roma ri Dios, man taxibij-awi'. Ja ri uxlanibel-k'u'x tik'oje' awik'in. Tatija' aq'ij y man kamayamo-qa, xcha' chuwe. Rokik najin nich'on wik'in, xk'oje' chik jun bey wuchuq'a', y xinbij chire chi tich'on k'a wik'in, roma kan xuya' yan wuchuq'a'.

Hechos 9:6

Ri Saulo nibaybot roma xibinri'il, y xubij: Ajaw, ¿achike k'a ri ruk'amon chi ninben ta?, xcha'. Y ri ajaw Jesús xubij chire: Kayakatej k'a el, y kabiyin k'a pa tinamit, y chiri' xtibix chawe achike ri ruk'amon chi naben, xcha'.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.

1 Sam 3:10

Y ri Jehová xapon k'a y xoyon achi'el ri rubanon-pe. K'ari' ri Samuel xubij achi'el ri xbix chire roma ri Elí.

1 Sam 3:8

Y roma ri', toq xoyox-pe pa rox mul, ri Samuel xbeyakatej chik pe jun bey y xbe rik'in ri Elí y xubij chire: Jare' ink'o táta, ¿achike roma yinawoyoj?, xcha'. Jari' toq ri Elí xq'ax chuwech chi ja ri Jehová noyon richin ri Samuel.