1 Sam 29:4 - Kaqchiquel Bible

⁴ Jak'a ri aj-raqen kichin ri aj-Filistea janila xyakatej koyowal chire ri ki-rey y xkibij chire: Tataqa-el la achin la'. Titzolin chiri' chupan ri tinamit ri akuchi aya'on-wi, y man nibe ta chiqij roj pan oyowal, roma rik'in juba' pan oyowal xa nupiskolij-ri' chiqij y nok etzelanel qichin. Roma ¿Achike ta chik k'a xtuben richin nuch'ek chik ri rajowabal ri rey Saúl? Xaxe k'a wi yojrukamisaj roj.

1 Sam 29:4 ပူးပေါင်းရင်းမြစ်များ

1 Sam 14:21

Y ri israelita ri kan ek'o-pe chikikojol ri aj-Filistea, ri kan e beneq chikij pa labal, xa xjunamatej chik el kiwech kik'in ri kiwinaq israelita.

1 Crón 12:19

Chuqa' jun ka'i-oxi' chike ri e rijatzul kan ri Manasés xkich'er-ki' rik'in ri Saúl, y xjunamatej-kiwech rik'in ri David. Re' xbanatej toq ri David k'o pa kiruwach'ulew ri aj-Filistea y kan xe'el k'a el junan richin nibekibana' oyowal rik'in ri Saúl. Jak'a ri aj-raqen kichin ri aj-Filistea xa man xkajo' ta richin xeto'ox, y xkiteq-el ri David y xkibij-qa chikiwech: Rija' xa xtuto' ri Saúl ri rajaw, y xqojrujech pa ruq'a', xecha-qa.

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

1 Sam 27:6

Chupan ri q'ij ri' ri rey Áquis xuya' ri tinamit Siclag chire. Roma ri' ri tinamit Siclag xok kan kichin ri rey ri e richin Judá.

1 Sam 29:9

Y ri Áquis xubij chire ri David: Yin wetaman chi rat janila at utz, kan at achi'el jun ángel richin ri Dios. Jak'a ri e aj-raqen xkibij chi man yabe ta qik'in pan oyowal.

1 Sam 30:1

Chupan k'a ri rox q'ij jari' toq ri David y ri achi'a' ri e beneq rik'in xe'apon pa Siclag. Jari' toq xkitz'et chi ri amalecita xe'eleq' yan el chiri' y ri pa Négueb, y kan xkiya' kan ruq'aq'al.

Ex 1:10

Wakami k'a qojok aj-na'oj y tiqanojij k'a achike niqaben chike. Richin man tiqaya' q'ij chi yek'iyer más, man xa titz'ukutej jun labal y nikitun-ki' kik'in ri e etzelanel qichin y yeyakatej chiqij y ye'animej-el chupan re qaruwach'ulew, xcha' ri rey.

1 Crón 12:20

Ri e rijatzul kan ri Manasés ri xetzeqeliben-el ri David chiri' pa tinamit Siclag, jare' ri kibi': Ri Adná, ri Jozabad, ri Jediael, ri Micael, ri jun chik Jozabad, ri Elihú y ri Siletai. Y rije' e aj-raqen pa kiwi' jujun tzobaj ri ek'o e 1,000 aj-labal chupan.