1 Sam 29:3 - Kaqchiquel Bible

³ K'ari' ri e aj-raqen kichin ri aj-Filistea xkik'utuj chire ri rey Áquis: ¿Achike nikiben re taq achi'a' hebreo wawe'?, xecha'. Ri rey Áquis xubij chike: Re' jare' ri David ri rusamajel ri Saúl ri rey richin Israel, ri kan k'o-pe wik'in k'o yan chik pe jun juna' ri', roma kan ja ri q'ij toq xoqaqa qik'in y k'a re wakami man jun itzel wilon ta chirij, xcha'.

1 Sam 29:3 ပူးပေါင်းရင်းမြစ်များ

Dn 6:5

Man rik'in ri', re achi'a' re' kan jantape' k'a nikich'ob jebel rij ri achike nikiben chire. Y xkitz'et chi man yetikir ta nikisujuj roma ri rusamaj y roma ri' xkikanoj richin ta ri Daniel nuq'ej ruwi' ri rupixa' ri ru-Dios.

1 Sam 27:7

Y ri David xk'oje' k'a chiri' pa kiruwach'ulew ri aj-Filistea, jun juna' rik'in kaji' ik'.

1 Pedro 3:16

Kan man jun bey k'a tiben ri etzelal, richin man niq'axo ri iwánima. Richin keri' xkek'ixbitej ri yemolo-pe tzij chiwij y ri yebin chi man utz ta ri ik'aslen roma iniman ri Cristo.

Romanos 12:17

Wi k'o jun wineq ri k'o itzel nuben chiwe, man tiben itzel chire. Jantape' tik'uaj jun k'aslen utz chikiwech konojel winaqi'.

San Juan 19:6

Kan xaxe k'a xkitz'et ri Jesús, ri aj-raqen kichin ri e sacerdote y ri kichajinela', kan rik'in k'a ronojel kuchuq'a' xech'on y xkibij: ¡Tataqa' rukamisaxik chuwech cruz! ¡Tataqa' rukamisaxik chuwech cruz!, xecha'. Jari' toq ri Pilato xubij chike: Yin man jun ch'a'oj ninwil chirij, richin keri' ninteq ta rukamisaxik chuwech cruz. Tik'uaj-el rix y tikamisaj chuwech cruz, xcha' rija'.

1 Sam 25:28

Yin nink'utuj utzil chawe richin takuyu' numak yin ri in samajel, roma kan jikil chi ri Jehová xtuben chawe chi ri aq'atbel-tzij xtijike' kik'in ri awijatzul. Xtuben kere' roma rat kan ja wi ri oyowal richin rija' naben. Y man jun ta k'a etzelal xtaqajbej chupan chijun ri ak'aslen.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

1 Sam 29:6

K'ari' ri rey Áquis xroyoj ri David y xubij chire: Kan qitzij ninbij chawe chi rat kan at choj-wi, kan janila at qajineq chinuwech y ninrayij chi yabe ta wik'in pan oyowal. Roma kan ja ri q'ij toq xatoqaqa qik'in y k'a re wakami man jun itzel nutz'eton chawij, jak'a ri aj-raqen kan man yaqa' ta chikiwech.

1 Crón 12:19

Chuqa' jun ka'i-oxi' chike ri e rijatzul kan ri Manasés xkich'er-ki' rik'in ri Saúl, y xjunamatej-kiwech rik'in ri David. Re' xbanatej toq ri David k'o pa kiruwach'ulew ri aj-Filistea y kan xe'el k'a el junan richin nibekibana' oyowal rik'in ri Saúl. Jak'a ri aj-raqen kichin ri aj-Filistea xa man xkajo' ta richin xeto'ox, y xkiteq-el ri David y xkibij-qa chikiwech: Rija' xa xtuto' ri Saúl ri rajaw, y xqojrujech pa ruq'a', xecha-qa.

1 Crón 12:20

Ri e rijatzul kan ri Manasés ri xetzeqeliben-el ri David chiri' pa tinamit Siclag, jare' ri kibi': Ri Adná, ri Jozabad, ri Jediael, ri Micael, ri jun chik Jozabad, ri Elihú y ri Siletai. Y rije' e aj-raqen pa kiwi' jujun tzobaj ri ek'o e 1,000 aj-labal chupan.

Wuj Richin ri Rutikeribel 14:13

Y k'o k'a jun achin ri xukol-el-ri' chupan ri oyowal y xberuya' rutzijol chire ri Abram ri rijatzul kan ri Éber. Y ri Abram k'o k'a chiri' akuchi k'o-wi ri li'aj paten-che' richin ri Mamré ri rijatzul ri Hamor. Y ri Mamré kach'alal ri Escol y ri Aner. Y re achi'a' re' kan junan k'a kiwech rik'in ri Abram.

1 Sam 4:6

Y toq ri aj-Filistea xkak'axaj chi ri achi'a' yesik'in rik'in janila kikoten, jari' toq xkik'utula-qa chikiwech achike roma yesik'in rije'. Toq xketamaj-qa chi ri káxa ri richin ri jikibel-tzij k'o chiri' ri akuchi ek'o-wi-qa ri israelita,

1 Sam 14:11

Y kan keri' k'a xkiben. Xkik'ut k'a ki' chikiwech ri aj-Filistea richin xetz'etetej. Y toq rije' xekitz'et-pe, xkibij: ¡Ke'itz'eta' la taq hebreo, xe'el-pe pa jul ri akuchi kewan-wi-ki'!, xecha'.