1 Sam 29:10 - Kaqchiquel Bible

¹⁰ Roma ri' chua'q nimaq'a' yan, kayakatej rat y ri samajela' ri e peteneq chawij, y kixbiyin, xcha' ri rey Áquis chire.

1 Sam 29:10 ပူးပေါင်းရင်းမြစ်များ

1 Crón 12:19

Chuqa' jun ka'i-oxi' chike ri e rijatzul kan ri Manasés xkich'er-ki' rik'in ri Saúl, y xjunamatej-kiwech rik'in ri David. Re' xbanatej toq ri David k'o pa kiruwach'ulew ri aj-Filistea y kan xe'el k'a el junan richin nibekibana' oyowal rik'in ri Saúl. Jak'a ri aj-raqen kichin ri aj-Filistea xa man xkajo' ta richin xeto'ox, y xkiteq-el ri David y xkibij-qa chikiwech: Rija' xa xtuto' ri Saúl ri rajaw, y xqojrujech pa ruq'a', xecha-qa.

2 Pedro 2:9

Ronojel re' nuk'ut chi ri Dios kan yerukol ri e uk'uayon jun k'aslen ri achi'el nrajo' rija' toq yek'oje' pa jun tijoj-poqonal. Jak'a ri winaqi' ri man kik'uan ta jun choj k'aslen, rija' xa yeruyek-apo richin ri q'ij toq xtiq'at-tzij pa kiwi'.

1 Corintios 10:13

Y toq k'o jun tejtobenik nipe pa qak'aslen, man tiqabij chi xaxe roj ri yojk'uluwachin keri', roma konojel keri' nikik'uluwachij. Jak'a ri Dios kan ruya'on rutzij chi kan yojruto-wi, y man nuya' ta q'ij chi nik'o ruwi' ralal ri tejtobenik ri'. Jak'a nuya' chiqe ri uchuq'a' chi yojtikir yojik'o chupan ronojel.

1 Crón 12:22

Q'ij, q'ij ye'apon k'a más achi'a' rik'in ri David, k'a toq xek'iyer ri aj-labal, y xkiben jun nimalej tzobaj achi'el kajlabal ri ch'umila'.

Wuj Richin ri Rutikeribel 22:14

Y ri Abraham xuya' k'a kan rubi' ri juyu' ri' y xubini'aj: Ja ri Jehová Niya'on ri Nik'atzin. Y xa roma ri' ri winaqi' nikibij: Pa ruwi' ri juyu' ri rubini'an Jehová Niya'on ri K'atzinel.

1 Sam 29:11

K'ari' ri David y ri rusamajela' xeyakatej nimaq'a' yan richin xebe y xetzolej pa kiruwach'ulew ri aj-Filistea, y ri aj-Filistea xejote-q'anej pa tinamit Jezreel.