1 Sam 28:6 - Kaqchiquel Bible

⁶ K'ari' xberuk'ulubej ri Jehová, jak'a man xk'ulubex ta ri ruch'abel; ni pa rachik', ni koma ri sacerdote, ni koma ri q'alajirisey ruch'abel ri Dios.

1 Sam 28:6 ပူးပေါင်းရင်းမြစ်များ

2 Sam 22:42

Xkik'utuj k'a kito'ik, jak'a man jun xto'on kichin. Kan xkoyoj k'a chuqa' ri Jehová, jak'a rija' man xerak'axaj ta.

Wuj Richin Bix Chire ri Dios 74:9

Kan man jun chik xk'oje' kan chire ri xek'atzin chupan ri awachoch. Kan xek'is k'a ri e q'alajirisey ach'abel. Ni ta re chiqakojol roj kan man jun k'a etamayon k'a janipe' nibetane' ronojel re'.

Ex 28:20

ri rukaj cholaj niya' jun berilo, jun ónike y jun jaspe. Ronojel taq abej re' xke'iya' q'anapueq chapbel kichin ri chi taq kichi'.

Ex 28:30

Chupan ri ti peqes ri nibe chuwa-ruk'u'x, chupan ri' xtiya-wi-el ri ka'i' taq abej Urim y Tumim,*f13* richin kan chunaqaj ri ránima ri Aarón yek'oje-wi, toq nok-apo chinuwech yin. Y keri' ri ti peqes ri richin ri nuq'atbel-tzij yin, kan jantape' k'a xkebe chunaqaj ri ránima ri Aarón.

Wuj Richin Etamabel-Tzij 27:1

Rat, kan man jun bey taben chi at k'es chupan ri q'ij richin chua'q y nanojila' yan ri achike xtaben; roma xa man jun awetaman wi kan k'a k'o na ak'aslen o xa maneq chik, toq xtapon ri chua'q.

Wuj Richin ri Jeremías 23:28

Wi jun chike rije' nuben jun achik' y nutzijoj, re' xa maneq rejqalen. Jak'a wi k'o jun ri nuk'ul ri nuch'abel y nubij ri qitzij, re' kan k'o-wi rejqalen. Re ka'i' rutzijol re' kan man junan ta; achi'el ri páxa man junan ta rik'in ri trigo.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Joel 2:28

Chirij k'a ronojel re', xtinya-pe ri nu-Espíritu pan iwi' chi'iwonojel rix. Chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri rijita'q taq achi'a', k'o xkenq'alajirisaj chike pa kachik'.

Wuj Richin ri Chojmirisabelri'il 8:8

Chirij ri' ri Moisés xuya' ri jun achi'el ti peqes chuwa-ruk'u'x ri Aarón y xeruya' ri Urim y ri Tumim*f1* chupan.

Wuj Richin ri Miqueas 3:7

Xa kan xkixk'ixbitej y xa xkixsachilan rik'in ri ich'abel. Roma xa man jun chik xtiq'alajirisex chiwech roma ri Dios, xtimatzej ipalej rik'in k'ix.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

Wuj Richin ri Q'axanri'il 27:21

Ri Josué kan jataqil k'a xtapon chuwech ri sacerdote Eleazar, y ri sacerdote xkiruk'ulubej k'a yin rik'in ri Urim y ri Tumim. Ja ri Josué k'a ri xtibin jampe' yebe y jampe' yepe e rachibilan ri ruwinaq. Kan chijun k'a tinamit xtuben ri xtubij rija' chike, xcha'.

San Mateo 1:20

Nich'oboch'ot k'a pa ruwi' ri' toq jun ángel richin ri ajaw xuk'ut ri' chuwech pa ruwaran, y xubij chire: José, rat ri at riy-rumam kan ri rey David, man k'a taxibij-awi' chi yak'ule' rik'in ri María ri ak'utun richin nok awixjayil, roma ja ri Loq'olej Espíritu ri xqaqa pa ruwi' rija' y wakami peteneq alanik chirij.

San Juan 9:31

Qetaman chi ri Dios man nuben ta ri nikik'utuj ri aj-maki' chire. Jak'a ri jun ri kan nuya-wi ruq'ij ri Dios y kan nuben chuqa' ri nrajo' rija', kan nak'axex-wi roma ri Dios, y nibanatej ri nuk'utuj.

Deut 33:8

Rix ri tzobaj richin Leví; Ri Jehová, xuben chiwe chi xixok sacerdote. Chiri' pa Masá y pa Meribá ri Jehová xixrutejtobej rix, y rix kan xikuquba' ik'u'x rik'in rija'.

Santiago 4:3

O rik'in juba' nik'utuj chire ri Dios. Jak'a xa man nuya' ta chiwe, roma xa man utz ta ri ich'obonik pa ruwi' ri nik'utuj, xa richin itzel taq rayibel ri nik'utuj.

1 Sam 14:37

Y ri Saúl xuk'ulubej k'a ri Dios y xubij: ¿K'atzinel ninben oyowal kik'in ri aj-Filistea? ¿Xke'ajech kami pa qaq'a'?, Xcha'. Jak'a ri Jehová man jun xubij chire chupan ri aq'a' ri'.

1 Sam 28:15

K'ari' ri Samuel xuk'utuj chire ri Saúl: ¿Achike roma xaben chuwe richin chi yin xipe?, xcha'. Y ri Saúl xubij chire: Yin janila sachineq nuk'u'x, roma ri aj-labal aj-Filistea nokibana' oyowal qik'in, y ri Dios kan ruch'aron-el-ri' wik'in. Kan man nuk'uluba' ta chik pe ri nuch'abel, ni kik'in ri q'alajirisey ri ruch'abel, ni ta pa wachik'. Roma ri' xatinwoyoj, richin naq'alajirisaj chinuwech achike nik'atzin richin ninben, xcha'.

1 Sam 28:5

Y ri Saúl toq xutz'et ri akuchi ek'o-wi-qa ri aj-Filistea, janila xuxibij-ri'.